أهلين دلوعه ..
ايوووه عرفتو المقطع .. روووعه للأمانه ويبين قيمة الشاص وراكبه
وعن نفسي لو مكان شركة الشاص .. ياخذون هالمقطع اعلان لهم
بس ماستفادو شي شاص يطلع جيب ربع < كلها سياراتهم احفر وادفن مكانك هههههههه
الله يعافيك يادلوعه .. وسووري لو تعبناك ويانا 
.......................................
وبمناسبة هالمقطع جبت قصيده عاجبتني من زمان
هذا واحد راعي بر ومقانيص ومركبه الشاص والجيوووب
شاف بيوم من الأيام واحد خكري < يعني ثالث خواته 
شافه راكب الشاص .. وقال هالقصيده
.......................
يا شاص جيتك نأوي اليوم أعزيـك
قرب يجيك الموت حـان ارتحالـك
من يوم شفنا لابس ألكـاب راعيـك
مدري وش اللي غير اليـوم حالـك
أبـو سبيـب كنهـا شكـة الديـك
يمشـي وكنـه مـوردك للمهالـك
إن كـان ذا حالـك فحنـا نخليـك
عقب الربـع قالـو ترانـا رجالـك
عقب الكوامري ولعبـن بالشرابيـك
واليوم فوق الشاص عقب الكدالـك
مـا بـقـا الايقلبـونـك تماتـيـك
ويبـدلـون ألمرتـبـه بالمـدالـك
مادام حطولـك جنـوط وسيراميـك
اصبر وتحمـل كـل شـي ينالـك
يا للي ركبته وش تبـي بالمهاليـك
غلطان أبوك اللي رضا وشترا لـك
الشاص ماهو لك ولا هـو باغيـك
الشاص للرجال اللي تعرف المسالك
لصار جـو البـر يمخـش اياديـك
خله يجـي قرمـن يسوقـه بدالـك
مدام طوقك مرتفـع عـن علابيـك
وأبـوك زود بالنعـومـة دلالــك
عز الله إن أبوك ما عـرف يربيـك
ولامسك نصب المساحـي بشمالـك
لمـع وضلـل صافيـات الشبابيـك
ولا يفارق الفيري مع الوقـت بالـك
الشاص مالك به أقصار خطاويـك
حـدك الدائـري وهـذا مجـالـك
...........................................
إحترامي ومودتي
02-12-2009, 05:58 PM
العرض العادي
