الفرق بين جماهير الهلال بجمهور النصر ..( صور من تصويري )

[.•°القـيـصـر°•.]

شوف يا مستر فهد


النصر يملك قاعده كبيره جدأ ومشجعين النصر كثار على مستوى العرب

لاكن في السنين الاخيره واجه النصر ضـروف صعبه جدأ وفوق ها الضروف

طالت ..هذي المشكله

ولا زال بعد السنين كلها جمهور العالمي مع العالمي جمهور الوفاء الذي لايختلف
عليه اثنين

لاكن تاكد راح يعود النصر بعد طول الغياب راح يعود صدقني
والموسم القادم سوف يكون بدايه النصر لنصر

في المقابل وانا قلتها لا اكثر من مشجع هلالي

وتذكرها يافهووودي

قلتها قبل سنه او اقل بشوي


قلت الهلال من اربع سنوات وهو في عز قوته في اعلى مستوياته

ولا يمكن يتعدى الهلال هذا المستوى أبدأ

وراح يبدى الانهيــار حبه حبه وراح يبدى مشوار الماسي

وشكل واقع كلامي من شهرين بدأ

مستوى الهلال اذا ماشوف له حل ..راح ينهار راح يخسر الجماهريه الكبيره



ولا وش رايك فهووودي

هذا توقعاتي يمكن صح ويمكن غلط

 

 

[FhoOody]

هلا القيصر
شوف انا امنيتي يرجع النصر لمستواه الطبيعي تدري ليش عشان لما الهلال يهزم النصر احس بطعم الفوز لانو تلاحظ صار الفوز على النصر جدا جدا عادي
وانا اتوقع ان النصر مراح يرجع لمستواه بتقولي ليش راح اقولك مدري بس هاذي وجهة نظري

اما عن الهلال انا راح اقولك الهلال اذا تراجع مستواه راح يرجع لمستواه بفتره وجيزه

بس راح اقولك كلمة الهلال سواء تراجع مستواه او ماترجع سواء اخذ بطوله او طلع من بطوله تبقى جماهير الزعيم هي الرقم الصعب وهي الاعب رقم 12 الي يشجع الهلال مراح يستغني عن تشجيع الهلال وحبه

 

 

[.•°القـيـصـر°•.]

إيه فهــودي

اذا أنت تتكلم على أفضل نادي عربي أو سعودي

راح اتفق معك الهــلأل افضل نادي الأن


لكن لو قارنا بين الديربي فقط ..يعني الهلال والنصر

بدون مقارنه النصر أفضل

 

 

[سـع ـود الهـلالي]

لكن لو قارنا بين الديربي فقط ..يعني الهلال والنصر

بدون مقارنه النصر أفضل

حبيت اعلق ع الكلامك هذا القيصرر
راجع حسبااتك صح
اذا ع من فااز اكثر الهـلال اوالنصر بقولك
الهلال تعدااء النصر يمكن فارق مبارتين او ثـلااث

 

 

[.•°القـيـصـر°•.]

بفارق مبــاره وفي احصائيه ثانــيه تقول بفارق مبارتين

لكــن تشوفه انجــاز انت هذا


النصــر له اكثر من 14 سنه متوقف مستواه وتوى مايتعادل او يقلص فارق بسيط
بينه وبين الهلال

والاخرى ان هداف الديربي ماجد عبد الله اللي معتزل عام 1998 م

والى الان ماجد هداف الديربي

ماتشوف هذا انجاز

 

 

[خيالــﮯ]

سلمت عزيزي على طرحكـ



ياعزيزي جمهور النصر يمتاز عن باقي الجماهير بصفه تكفية وتغنيه "الوفاء "

ولايتم مقياس عدد الجمهور على الصور التي طرحتها . .

وأول من يعرف أن جمهور النصر الرقم واحد والرقم الصعب هو الهلال .

ولا أزود على كلام أخوي القيصر .


أكتفي بهذا
وشاكر لك على طرحك

 

 

[FhoOody]

القيصر شوف المستوى يتغير عن مباراة الديربي يعني لو كان الفريق في اسواء حالاته اذا حان وقت الديربي ومواجهته خصمه التقليدي راح يكون افضل فريق يعني بلاش تقول لنصر مستواه منخفض او زي كذا الديربي حساباته تفرق وانا راح اقولك انت تقول ماجد عبد الله هداف الديربي صح لان فريق النصر امكن فريق يعتمد على لاعب واحد والهلال يعتمد على كل لاعبينه يعني لاتستغرب اذا الدفاع سجل ولا الوسط فريق مايعتمد على لاعب واحد المهم انت قلت النصر افضل بالديربي وانا ما اوافقك الرائي والدليل الهزائم المتتاليه لنصر بالديربي لاتقولي مستواه منخفض مباريات الديربي مافيها مستوى كل الفريقين يكونون بكامل جاهزيتهم
والارقام تثبت افضلية الهلال

 

 

[سـع ـود الهـلالي]

والاخرى ان هداف الديربي ماجد عبد الله اللي معتزل عام 1998 م

والى الان ماجد هداف الديربي

ماتشوف هذا انجاز

هذا انجاااز للسطوره مااجد بس
يعني النصرر مـااله شغل اوو اي نادي
يصير لاعبه هدااف يصيرر انجااز للاعب اما النادي
مااله شغل لا ان لعبه هدااف بس

 

 

[.•°القـيـصـر°•.]

والله يافهووودي

رايك واحترمه بس الاحصائيات والارقم والمشاهد

تثبت إن مازال النصر الافضل في الديربي

وما انكر ان النصر بتل على ماهو عليه انه راح يفقد حتى الديربي منه


لكن يبدوا يافهد ان الامـور تتجه في صالح النصر

وخاصه المستوى المتردي لخصمنا الحبيب الهلال



سعود

هذا انجاز لاعب باسم فريق كامل

 

 

[مجنون بحب العالمي]

طيب انا عندي سوئال

ليه ماجبت صور مباراة الموسم الماضي الي كان جمهور النصر اكثر من جمهور الهلال

وبعدين مدير استاد الملك فهد سحب نصف التذاكر النصراويه وكان عدد الي خارج الملعب اكثر من الي داخل
وكل هاذا خطه بين النمشان وغشمشم