السجـاير سـم

[شاعر الحرمان]

السجاير سم
والعباير سم
والتجافي سم
والمنافي سم
والحكي لا صار من سود النوايا ..
.. سم .. يعني سم .

خلي التدخين سالفته بسيطة ..
تبغ محروق بجمر
تشعليني وأحترق عادي ..
ولكن .. تزعجك كحة صدر .. !!
يمكن لأن القلب من أملاك أهلك ،
ماتبينه يندمر ؟!
ويمكن لأن الله خلقني للدفا
بيكون حرق أغصان روحي مو مهم ؟!
أبأسألك ..
مو هذا سم ؟! .





أموت لا شفت الظما قدام عيني ..
وفي يدي سيف الحياة ولا قدرت ألغيه .
وأموت لو شحت غصب عني يديني
وزارني جرح عزيز ولا قدرت أشفيه .
الشافي الله ..
والعرب ، كل على الله إتكل ..
والمحتمل ..
خمسين عام ولاوصل ..
ولا اتصل .. وش فيه ؟
والهم يكبر والوجع يكبر ، ويختال الوهم ..
أبأسألك ..
مو هذا سم ؟