أنتى والله الحثاااله ...........

[نصراويه 11]

البدو


والله انك تدعين الجهـل وانتـي تعرفيـن
يوم قلتي لك عبـاره مالهـا ايـة مجـال
يوم رحتي تتبعين افكـار نـاسٍ خايبيـن
حملوك بكلمتين وقلتـي انهـا راس مـال
قلتي ان اصل البشر مخلوق من ماءٍ وطيـن
بس ماهم بالبدو الظاهر انهم مـن حثـال
والله انك قلتي الكلمه ولا انتـي تدركيـن
انها صارت قضيه لـك ولا فيهـا جـدال
يوم قلت لك اركدي رحتي علي تتضاحكين
والله ان كني جنوب وكنك بضحكك شمال
والله اني في البداوه اصل نسـل الأوليـن
والله اني في البداوه عابـرٍ تسعيـن جـال
والله اني في البداوه لا اهيـن ولا استهيـن
والله اني في البداوه من عمام ومن خـوال
والله اني ابدوي قاسـي ولا عمـره يليـن
والله اني ابدوي ماعشت فـي ليـن ودلال
والله انـي ابـدوي ولا تغيرنـي السنيـن
ابدوي نسل ابدوي ماهو يغير فـي المقـال
والله ان حن في البداوه على خلـقٍ وديـن
صايمـيـن وساجـديـن ولله الكـمـال
الكرم موجود فينا كل وقت وكـل حيـن
والشجاعه نسل اهلنا إليا صـار القتـال
وجارنا يبشـر بعـزه وحنـا لـه نعييـن
من تصاريف الزمن حنا انخلقنـا للثقـال
فعلنا مثل (القمر) لاغاب لابـد ان يبيـن
وفعلنا ايشابه (الصوان) في رووس الجبـال
حن خلقنا للشكاله اخـذي علـمٍ يقيـن
الطفل منا ايساوي منكم عشـرة رجـال
طفلنا يا بنت ياتي علـى الفطـره فطيـن
وإن هرج قلتي كلامه شايبٍ كلـه جـزال
ادري انك لا لمحتي قاف شعري بتسرحيـن
بس قولي وش جوابك على هذا السـؤال
بأيش ضروك البدو يوم رحتـي تجرحيـن
(البدو ماهم حثالـه انتـي والله الحثـال)


آلشــآعـــــر:
راشـــد آل ســـآلمين