العيـــــــون المستبدة
 

[size="2"]السلام عليكم ورحمة الله وبركاته انا سعيد بالمشاركه معاكم وكل عام وانتم بخير بقدوم الشهر الكريم وانا شاء الله المشاركه تعجبكم. ]



العيون المستبدة

الهدب وش له بقلبي والعيـون المستبـده=والحجاج اللي ضحك لي غاوي ماله ومالي
ماهقيت انه تمكـن جرحـه الله لا يـرده=لين بين في خفوق كنت احسب انه شمالي
عقب ماني مستريح البال نفسي مجرهـده=اصخفت حالي على لاماه ياعـزي لحالـي
ماعرفنـا للصغيـر وده ولاهــوب وده=سالي قلبه حلال القوم لو مانيـب سالـي
يحسب اني ند والله ياعـرب مانيـب نـده=قلت ابصبر لي ثلاث ايام وانجـذت حبالـي
واستدار الفكر من يمه وقلت الحل عنـده=الغلا ماهوب في يديه انا مالـي مجالـي
من يدوس الحب يالعراف الى ماصار قـده=خاسـر دام الغريـم عيونهـا ياهملالـي
مدري انه من ديار سدير ولا من مصـده=الوكاد انه شعا قلبـي بنظـرات الدلالـي
اشهد ان الله وضع سر الغلا بصغير جنـده=هالصغير حط في قلبـي مياسيـم طوالـي