طرد السراب...

[شيخ نفسه]

يامن شغلني في كلامه لين ضعت بأوله

والتالي اقسى لو عرفني او عرف صدق الجواب

غاصت حروفك في حشى شاعر خذاها أمثله

بارت طريقة من لقى وعيع لريعان الشباب

كم قلت في طعن الصحاب وقلت في جور الوله

كم قلت في ظلم المسافهللذي عمره غياب

كانك حياتك مالها الا لون واحد تجهله

صدق حياتي زهوة الوان على سحنة عذاب

مات الطموح بداخل اللي صاغ عمره اسئله

من وين او كيف ومتى سارت سنيني للأياب

احيى حياتي حلم وردي شال فكري وارسله

وأبدى سباتي لين ذاب الحلم والفاني سراب

وأغفى على نجمات ليل عاف طيفي مجمله

وأصحى على غفلات نور تاه في طي السحاب

احيان احس انيقطعت بوصل قلبي واوصله

وأحيان احس الوصل طفل عاش في حجر الذهاب

واوقات احس اني كرهت انسان فيني واقتله

وأوقات احسالعمر دونهذاب في ليلي وشاب

بين الحقيقه والخيال اللي رفضت اتخيله

ضاعت حروفي بين وقت الشوق والغيب المهاب

احبس دموعك وابتسمداري ضياعك واغفله

حطم وضوح العمر حولك واختفي خلف الضباب

لو جفت الدمعه على بعض الجروح المهمله

ماغابت البسمه عن شفاة المواليف القراب

هذي حياتي ارسم الدمعه عبير وأرسله

مدري شعوري يحظنه عالي السحايب او تراب

وأسقيه مني عاطفه تغمر خفوقي باكمله

حتى كستني بالثياب اللي اسميها ثياب

ماهي حكايه تايهه تنطر ستار اسدله

حسي جذبني والخواطر اقبلت من كل باب

كل الحكايه بيت قيلله بأعماقي صله

يحمل معاني ضاق في تبيانها فحوى كتاب

طرد السراب لمن يحسبه ماء ماهي مشكله

المشكله طرد السراب لمن يعرف انه سراب

"

قصيده في غاية الروعه وعذوبة الاحساس

مما راق لي

البتوووول