علقت لك في داخـل القلـب لوحـه

[شيخ نفسه]

العذر منّـك والأسـف والسموحـه
أبعتذر مـن قلبـك اللـي حضنّـي

أبعتذر عـن حـب زادت جروحـه
وابعتـذر عـن الخطـا والتجنّـي

القلـب لا منّـه تخاصـم وروحـه
والله إنّـه بالـحـزن يمتحـنّـي

هاتي الغلا واخذي من القلب بوحـه
وانا اوعدك ما يصدر الجرح منّـي

ما قد خبرتك بالمشاعـر شحوحـه
أنتي كذا دايم علـى حسـب ظنّـي

علقت لك في داخـل القلـب لوحـه
مضمونها (( ما غير زينك فتنّي ))

وحطيت لك دوحه مهيب أي دوحـه
في عيني اللـي لا لمحتـك تغنّـي

لنّي أحبـك والمشاعـر فضوحـه
ما احتاج أقول إليا هويتك : لأنّي !!

وإن كان شفتي القلب تكثر مزوحه
روحي انشدي كل المخاليق عنّـي

محدٍ مثل قلبي تهـاوت صروحـه
أنا الذي كـل الجـروح أسكننّـي

جاك العذر من قلب يبغى السموحـه
ليته يسامحنـي خفـوقٍ حضنّـي

تحيـــــــاتي

دمعة ولهـ