لا تصد عني وتهجرني وتروح

[نصراويه 11]

لا تصد عني وتهجرني وتروح
صدتك هاذي تموتني قهر
ياما علمتك كفى نزف الجروح
وانت تنزف من احاسيسي بحر
ما تبي تفهم ولا قلبك سموح
وصادق الإحساس بعماقي ظهر
إيه انا زليت وأعلنها وابوح
واعترفلك بالخطأ انا بشر
سوي ما تبغى ولا تقفي وتروح
ذوب عيوني وعلمها السهر
ألعب بروحي فدنك ألف روح
ضيق الخاطر وعيّشني الكدر
بس لا تغرب وانا شمسي تلوح
لا تكون بقسوتك مثل الحجر
من بعدت عني وانا قلبي ينوح
والثواني صارت توازي شهر
والألم ساكن بأحشائي ويفوح
بين كل أركان تكويني انتشر
ياللي باني بالغلا فيني صروح
لا تغيب وتنسب الغيبة لقدر
القدر يومك تبي ما هو شحوح
كنت بالجيات تتحدى المطر
بس يظهر ما لكم فينا طموح
وان صدق ظني تراك اللي خسر

الموضوع الأصلي : <font color="#FF0000" size="1" face="tahoma"> لا تصد عني وتهجرني وتروح <font color="#FF0000" size="1"> -||- المصدر : منتديات -||- الكاتب : <font color="#FF0000" size="1" face="tahoma"> روح مجرمه