ابوذيات جميله ورائعه اضعها بين ايدكم لتستمتعوا بكل ماهو جديد ومفيد

[شيخ نفسه]

سنة محزم علي دهري سنة شكال
سنة شكل الحزن شكلي سنة شكال
سنة ياكل لحم جتفي سنة شكال
سنة يمص العظم وذبه اليه



غدر بينه الزمان ونصف مرات
ويطشرنه ويلمنه ونصف مرات
احس جن بيك اليه نصف مرات
واحس مرات كلك مو اليه



يكلبي الهم كبل لتكول سمسم
وبسم ربك اذا حبيت سمسم
ابوسك لو تصير شفاك سمسم
واكل للناس مو سم سمسميه




افوج وياك ماصح برلماني
وحملتك حتى توصل برلماني
على هجرك سألته برلماني
وصوت عالرفض بالاغلبيه




انه روحي حزنه كيفلهه
وغير الزم العكدة كيفلهه
سمع بيه مضرتي كيفلهه
يطش جكليت ويصيح خطيه





شجاك وياي تسري مسرحيه
وجذب مايوم راحك مسرحيه
وعلي صرت بغيابك مسرحيه
بلاش الناس تتفرج عليه



سهه كلبي ولا ادري سهمن
وسهم عمر انوخذ والظل سهمن
سهمك صابني وكالو سهمن
كلت سهمي رميته ورد عليه




طائف بسملاته بسملاني
ويكلي ما املك بسملاني
جنت ورقة اني بيضه بسملاني
بحروف اسمه ورجع شخبط عليه



عتابي وياك يطول من تكصه
وعلى ضيم البكلبي من تكصه
شهر ويطول أضفرك من تكصه
وانه ذراعي كصر شيطوله اليه






واخيرا هذا البيت المولد من الفصحى

لقد ثبتت بالقلب منك مودتن
كما ثبتت بالراحتين الاصابعو

أأن اعليك يمدلل كمائن
العليل وشوكي ينصبلك كمائن
ثبت حبك بدلالي كمائن
الاصابع ثابته براحت أديه