دخيـلك يـابحـر..جاوبنـي الـونـه اذا ونيـت..~

[شيخ نفسه]

دخيلك يابحر..جاوبني الونه اذا ونيت
دخيلك لاتجاهلني..ترى ماهزني كاافي

دخيلك...كان لي ياصاحبي ما اوفيت
بعد من باقي اشكي له..واسولف له عن الخافي

دخيلك..هم قلبي هااج..وهيجت الهموم..وجيت
اببحر فيك..واتدفا..بحضن امواجك الدافي

اببحر والشراع هموم والقارب من التشتيت
اببحر والضياع... واعمق الاهات مجدافي

معاي الوحده..وهم السنين...وكل ماجريت
انين الصمت..تكبر شوكة همومي وانا حافي

دخيلك..وانت تدري..مااشكي همومي ورب البيت
لمخلوقٍ على الدنيا..ولو هي ضاقت اطرافي

تصافق عارم امواجك...يذكرني لياشديت
فبحرٍ "داخل ضلوعي"..ومركب حايرٍ..طافي

تلاعب به همومي..والمحاني تنحني..ياليت
ياليته قاربي يصبر..وموج الهم مارافي

تمادى..والمحاني تنهمه ..ياصاحبي كفيت
كسرت القارب..ولاشئ باقي لأجله آخافي

دخيلك يابحر واقبل..سحاب العين لاهليت
ولايدري بها شامت..ولاحتى من احلافي

علاااامك يابحر تركد؟الامن جيت واتشكيت
اشوف امواجك اللي تصطفق..صارت بحر صافي

علاام امواجك الزرقا هدت...ياصاح وش سويت
انا طالبك هيجها...وحط ايدك على اكتافي

وقلي: كفكف الدمعه..اذاماشفتني ابكيت
عيونٍ حدها جفني ..على الدمعات بأسرافي

انا حظي كذا..لاضاقت همومي عنا..نااااديت
ولكن.. من يشكيني ..يضيق بهمي الهافي

شكيت الهم للغيمه...وقالت لي: تراي ازريت
وهلت دمعها..تبكي..ويرسم حزنها اطيافي

شكيت الهم لك يايم..وجيتك..وانت يمي جيت
يقولون: البحر شيال هم..وحيل شفافي

واثاري نقطه من همي...ولحظه منها عانيت
تغرق موجك الهادر..وتغمر شطك الظافي

انا ادري يابحر...ماتجاوب الونه اليا ونيت
ولكن...لاتجاهلني...ترى مابالخفا كافي
قصيدة اعجبتني..~