سميتك بدفتري ( شمس ) وبدت قصتـك ..!!

[شيخ نفسه]

صبـاح / .. مساااء الـوورد aint: ..

شهر مبـارك علينـا وعليـكم بالأجر والمغفـره .. ه1


قصيـده لـ الشاعر .. عبدالله البكر .. مبدع بمأ تعنيــه الكلمـه ..

لكم .. ه1



يا شمس لا تضحكين بوجـه ليـل ٍ عبـوس
بكـره يجيـك الظـلام وتختفـي ضحكتـك ..

وإنتي رموشك " لهب " وحجاجك أشباه قوس
يتواكـل الجمـر بشفاهـك جـزا قسوتـك ..

بخـدودك النـور والبـدر إن تجـرا يبـوس
بانت تجاعيـد وجهـه وإنعكـس صورتـك ..

هب الشمال .. وظهرتي للخلايـق عـروس
وهب الجنوب .. وحرق وجه البدو غِّرتـك !!

سموك فرحة هل الدنيا وشمـس الشمـوس
وسميتك بدفتري " شمس " وبدت قصتـك ..

حان الرحيل .. وغدا هم الفراق امحسـوس
وإستبشـر الليـل بقدومـي بعـد غيبتـك ..

وأضماني الشوق .. وأتعبني المشي والجلوس
وإحترقت أغصانـي اليبّـاس مـن نظرتـك ..

يا بهجـة الجاهـل اللـي مـا تعلـم دروس
ويا غبنـة العاقـل اللـي حاشـم محبتـك ..

لا تدعيـن الوفـا يالتـرف يالعيطـمـوس
والصدق حدّر من لسانـك .. مـع دمعتـك ..

الصدر موحش .. بليـا ذكريـات وهجـوس
والقلب ( بابه من أيامـك علـى صكتـك ) !!

وسنين الأحباب .. ما تسوى تراب الفلـوس
عطيتـك العمـر وأحلامـه .. ولا كفّتـك ..

تلّيت من ريع قلبي كـل شـوق امغـروس
وخليتك بصـدري الممحـل علـى راحتـك ..

بكره يعـود الظـلام .. وتستريـح النفـوس
ويصير باقي من الذكرى .. صدى ضحكتـك !!