يا ذيب

[شيخ نفسه]

بسم الله الرحمن الرحيم


اخواني وخواتي اعضاء وزوار منتديات خفوق

السلام عليكم ورحمة الله وبركاته


هذي قصيده كتبتها وانا ظايق من موقف لصديقي اللي ظاق معاي من موقف مثيل لهالموقف وارسلتها له

وصاحبي هو علي بن سفاح ابن المحسن الهاشمي

ما اطول واخليكم للقصيده

ياذيب ياللي جبت لصويحبك ثار
مانتا باٌول ذيب ينكب خويٌه

ياذيب علمني بهالوقت وش صار
ليه الوفا ماعادله مقدريه

اللي يمد الما يجازونه بنار
واللي يمد النار يجزى هديٌه

زمان به ماعاد للطيب مقدار
كن الكرم عاده ثقيله خسيٌيه

ونفوس خلق الله بها اليوم تحتار
صار العفن والزين قدره سويه

ياساق ياللي مانحدك على العار
ياساق ياللي ماتدل الرديه

كب الخلايق وانت للطيب مغوار
وعينك عن الطولات ماهي عميه

سقني لابن سفاح يا حي هالدار
سقني لابن سفاح ياحي حييه

واحد ويسواله ثلاثين مليار
ياليت كل النا ياساق زييه

وجهن ليا جيته تبششر تبششار
في مجلساٌ مشبوب للضيف ضيه

وجيه فلحه ودلتاٌ نصفها بهار
وعلوم طيب وجلستاٌ حاتميه

كنٌه بعيني ضلع (سلما -وسنجار)
الا بعيني كنه جده سمييه

بن شمران