مايمنعونــــــــــــــــه

[شيخ نفسه]

مايمنعونه لو حاربونه
قبرك نزوره يالنبي لو قطعونه

صار اليقدرك رافضي يا سيد الكون
والي يروح الحضرتك زاير يكفرون
عدهم هدف اسمك يبو الزهرة يمسحون
لكن و حق رب السما لا مايقدرون

اسمك تخلد
والباري يشهد
والي رفع اسمك أبد مايمنعونه

رغم الاعادي مولدك هاليوم نحييه
كفار سمونه نظل كل سنه نسويه
خل يحترق كل ناصبي مالنه شغل فيه
رب ..؛ البغض طه وعلي بالنار تصليه
فاز اليحبهم خاب اليضدهم
امنه الزكية والولي حيدر ابونه

مهما يسوون النواصب هم نجيلك
منته املنه كلنا صحنه دخيلك
يارحمة الباري ابد ماكو مثيلك
محلى الاذية يارسول الله في سبيلك
الارواح تفداك
والذي سواك
فدوة نروح لتربتك مايرعبونه

حب النبي وال النبي يجري بدمانه
منهم تعلمنا الوفى ويه الامانه
رب البريه من عذب حبهم سقانه
بنظل معاهم لين نتوسد ثرانا
بيهم عملنا ينقبل منا
وقت الشدايد و المحن مايتركونه


ياسيد الامه السكن ارض المدينه
يمته يجي المهدي الولي ياخذ بيدينا
وندخل الروضه الطاهرة و يصلي بينه
مل المحب بس حضرتك ينظر بعينه
ونوصل الذكرك ونشمه عطرك
ويلتم شملنه سيدي منك احرمونه