قصيدة يابليس انا وياك ربع ورفاقه

[شيخ نفسه]

ياابليس انا وياك ربع ورفاقه..........
و من بينا ميثاق وعهود وصكوك
انت توردني دروب الحماقه ...........
وانا لا ضيعت قمت العن ابوك
يابليس تدري وش حلاة الصداقه......
اني لياخربتها جيت للبوك
وغديت بين المحفظه والبطاقه........
واتشكلت فرتك ميات وشيوك
والغيت عندي ما تسما العلاقه........
ما تنبنا على عطني ودوك
يا ذا العور وان كان ما فيك طاقه....
مالك عذر وانت على المتن معكوك
عندي على درب المهالك لياقه.....
على النقا والكسب ياابليس مشروك
ولك الفخر يابا البلا والتفاقه.......
اني انا شاعر ملك كان مدروك
شاعر ابو متعب سليف الطراقه....
على زعيما من ورا الناس محروك
كثرت هروج مدورين الخناقه.......
يبون فتحه باب ماهوب مصكوك
واللي قهرني صدق ان الواقه.....
مهوي وفاشل وفارغ وصعلوك
اسمع هدير وكل ما شوف ناقه....
ومتن الجرب مبعد ومهمل ومتروك
ان كان فيها بالحاقه لحاقه.........
اطاعلى دمجات ما طا على شوك
والله ما الد الا على اربع عماقه....
وانا وريث ملوك وخاطب ملوك
عبد الله وسلطان واكبر شقاقه....
نايف وزير الداخليه وانا اخوك
والرابع محمد وسيع المطاقه.....
ولي عهد ديار مبرك ومبروك
ماهو بغصب الا بطيب ولباقه...
والظن فيني وثق ما هو بمشكوك
شاعر طغى ماني بشاعر لباقه...
والشعر اعلكه شبك مااعلكه علوك
اكثر ما احبه في الحياه الطفاقه...
واكره ما اشوف الحر لا صار مملوك
ويلي تعكزبي بعد جتك اعاقه....
سلام وانت تدري بقافيه اوك
يعني ابرفعها واعرفك طباقه .....
ما تدري ان البيت واضح ومحبوك
اقدر اوطيها عليك بسياقه .......
لا كني اكبر منك مير انت غروك
لمير خذلك ورده وسط باقه ....
ودوج بسوق الفيصليه وهردوك
وخلك قريب من صالون الحلاقه...
واليا شربت الببس لا تلحقه كوك
حنا هل الوجهه وقوم الرواقه...
اهل الديار الي بها الهيل مدكوك
ويلان من ويلان ساقه بساقه.....
في نجد واليا اشملت عرعر وتبوك
ورع عنزه لا لعب بالتفاقه .....
يرمي لحم ما يرمي عصي وجيوك
خبل عنزه مقفى العدو في نياقه...
افتكها ولاانت خبل ومفتوك
سلطانهم لا حل ذرا رواقه..........
شالوا ثقيل الحمل مير انت خلوك
ما حقتها ولا احب الحواقه........
ربعك لهم بالمجد درب محيوك
لمير الشعر حنا حاسين احتراقه...
عندك يوم الي بجنبك تحدوك
الشعر انا ماجيت احسب اوراقه...
جاني على لوكي وجيته على لوك
اكبررر فخرر لشعرر اني نطاقه...
واكبر فشل للشعر من يوم رزوك

منتديات بطلة كربلاء ترحب بكم
http://batlt-karbla.yoo7.com/