فرح ... ناقص لرزان العتيبي

[شيخ نفسه]

{ مدخل

وإن خنقني الصوت شيفيد الكلام ..!

ضحكت وماتت شفاهي ولا باقي بقلبي شـيّ
سوى حزنٍ رفض يظهر تغطّى داخل أحشائي



تورّق غصن أضلاعي توشحني طعون وأيَ
قطفني ثمرةٍ خجلى تلاشـت بعـده أسمائـي



مَطَرْنِي بلل جروحي وروّح ماعرف وش بيً
تركني للعطش صنبور جفّ وسبّب إغمائـي



يغيب وأشعر بوحدة يبي يعرف مكانـه فِـيّ
ويرجع ممتلي آهات يلملمنـي عمـر نائـي



يصد إن قلت مااحبة وأنا دونه ملامح حـيّ
أضيق بدون إحساسه وجوده همسة إحيائـي



يرقّيني سحاب الفرح يَمْطرني سلاسل مـيّ
وأغرق في تفاصيلٍ مداهـا سِبّـة إعيائـي



عواصف مرّ تَسْكنّي تشتّتني سوالـف غـيّ
تزيد جروح مانامت فرحها لحظـة إبكائـي



تَلَحّفت الأمل كذبة سناهـا ماغشـاه الضـيّ
ظلامٍ حوّط أفراحي ضياعٍ لـمْ ضوّضائـي



وعصفور الحزن فيني يغرد يا مسـاء الفـيّ
يلمّ بصوته إحساسي يزيد طعـون أعدائـي



واهدهد له من جروحي أغاني بعضها مو لـيّ
ألفها بعثرة حزني وموتـي لاوصـل بائـي



كتبني ذا الزّمن طفله طواني في كتابة طـيّ
وبَعْثرني على رفّـه ورق ياكثـرها أخطائـي



وأرتّبني فرح ناقص يضيق الرفّ بي شويّ
يزحزحني إلين أطيح ويرفض لـمّ أجزائـي



وإلى جيت التئم وأروح ينادي ماكفاك الكـيّ
تعالي لمّي أحزانك و خوني بصمة إمضائي

مخرج }

ياحزن اش فيك ماتفهم

.... أنا ماقلت لك فارق !

لـ رزان العتيبي

لقلوبكم آكاليل الوورد

لكم مني دعاء بظهر الغيب

ولا تنسوني من صالح الدعاء فلا رغبه لي في سواه

أخوكم : ذكراها غالي