مابقى للحب قيمه

[شيخ نفسه]

قصيده اعجبتني .. وان شاء الله تعجبكم


** حقــــــــــيقه مابقــى للحــــــب قيـــمه !!! **


حقيقه ما بقى للحب قيمه
وصار الحب للعاشق جريمــــــه

خطوط الحب تمشي في تعرج
عقب ماهي خطوط مستقيمــه

نويا اهل الهوى والحب شانت
ولا عــادت مثل اول سليمـــــــــه

دخل درب الهوى من لا يعرفه
بلا عمـدان يبني فيـه خيمــــــــه

وصار الحب للجاهل ومثله
بحق اهل الهوى هذي هظيمــــه

تشوف اللي يحب يبوح سره
ويحكيلك جـديـده مــع قديـمــــــه

يبينلك لو انك ما سألته
عزم روحه ولا يبغي عزيمــــــــــه

تصير اسرارهم للناس هرجه
يرددها نديـــم مــع نديــمـــــــــه

مع انك كل ما تقرى قصيده
تشوف ابيات بالمعنى عظيمـــه

تقول الله يعين اللي نظمها
وهو يشكي هواجيسه وضيمـــه

وبوناته غلب مجنون ليلي
.خصيم بالهوى يشكي خصيمـــه

ولا منك بحثت اصل العلاقه
لقيته حــب غــش بدون شيمــــه

علاقة تسليه يدفع ثمنها
كما عشـــق البهيـمه للبهيمـــــه

محبه خاليه من كل معنى
محبــه في معانيــها عقيمـــه

اقولها حسرة ما هي شماته
حقيقه مابقى للحــب قيمه !!!