قصيدة عزوووبي فكر يتزوج

[شيخ نفسه]

بسم الله الرحمن الرحيم
هذا الولد فقير وده يخطب شووفو وش صار له :


قصة عزوبي راح للعم والخال

وده يكمل نصف دينه ولا طال

اول نصى عمه وقال الصراحه

ودي اكمل نصف ديني يا ابو هلال

ادور المنسب ومثلك يدور

انته عزيز القوم للصعب حلال

قال الله يحييك ما دمت ناوي

انت الولد نشريك يا طيب الفال

ماعندنا والله شروطن كثيره

اول شروط العرس يابوك جوال

ورضوه لميمتها دراهم قليله

وددسن لعمك زايد البشت وعقال

اما المهر ستين عندي تجيبه

وتبني لها في حينا خير منزال

واحذر ترى التبذير في العرس عيبه

خلك رجل صامل وللحمل شيال

قلت العفو يا عم هونت والله

وهجيت من عنده وقلبي له طبال

قلت الحقيقه مالي اليوم غيره

خالي كريم النفس ما يطلب المال

وخطبت انا ست الغنادير بنته

وردت مرت خالي تبسم وتختال

قالت ترى ياواد دلحين اقولك

عندي شروط اثبت كلامك بلافعال

شبكت عيوني من زمرد وياقوت

ولا من الالماس ماهو كرستال

ولابد من ملكه في فندق مكلف

وتجيب من لبنان نجوى وباسكال

ما نقبل الشقه قصر او في فله

غير الخدم اثنين حرمه ورجال

وبنتي مع المطبخ عداوه قديمه

ما تدخل المطبخ ولا تجيب فنجال

ومهر البونيه قول خمسين حاظر

وزيه مؤخر كلها ريال بريال

عذرت انا عذرت والعذر واضح

تحيا العزوبيه ولو حالها مال

اكل المطاعم زاد حبه بقلبي

والبيض والتونه فرس كل خيال

واما الخميس الطبخ طبخ النشامى

من ريحه الكشنه غدى الدمع همال

مالي ومال العرس ما دام بديون

تقسيط لين اموت وديون تنهال



تحياتي alahmar