عامين الاسير

[شيخ نفسه]

عامين مرت في سجون البعيدين
عامين عيني كحلها مبعد ينه
عامين قلبي مرسلله مراسيل
يم الديار اللي هلي ساكنينه
يا منبت القيصوم ريع المغاتير
تقبل وتقفي مرتعات سمينه
يافليج بلغ لا لفوكم مسايير
هاذي خطاي ومنهجي عارفينه
ولا دورت يافليج فيك التداوير
وسمعت صوت يزعجه من كنينه
وسمعت صوت خالطته التعابير
هيجن وهيظله جروح دفينة
بلغ سلامي كل ماجاك بعصير
حلو السلام وقبله في جبينه
تراه أبوي وفرقتنا المقادير
فرقى الذي فارق وضيع ضنينة
يابوي سجني سجن ظلم وتزوير
ظلم يبكي شامخات المدينة .
ومالي جريمة ولارتكبت المحاذير
عكف المخالب بيع بيع السمينة
ومالي رفيق سير الحق تسيير
ومالي على مرسى الحبايب سفينة
قالوا تعذر قلت مالي معاذير
العذر عن فعل المراجل غبينة
قالوا تغير عن ذرى الحق تغيير
بدل حياتك بالحياة الحسينة
والله لو حطوا على النفس جنزير
ولو باعت العربان ماباع دينه
غير الذي ما قدر الله تقدير
ولحسب ليوم يشيب جنينه
يا لله يا للي دبر الخلق تدبير
يا واحد فرد صمد عابدينه
يا كاشف البلوى عظيم التباشير
انزل على قلب المولع سكينه
انزل على قلبي مع الصبر تصبير
واخرج من الحبس الموثق سجينه
وصلاة ربي عد ما طار من طير
على نبي غرته في جبينه