استحي شوي والله حرام

[شيخ نفسه]

بسم الله الرحمن الرحيم
السلام عليكم ورحمة الله وبركاته

قال الرسول صلى الله عليه وسلم
: "أن الناس إذا رأوا المنكر فلم يغيروه أوشك أن يعمهم الله بعذاب ".

بنات انتو صاحين ولا لا
وش اسوي بروحي يارب
لهذه الدرجه في بنات اغبياء موب اغبياء بس الا قمة الغباء
يعني بجد ماتستحين من نفسك
تكلمين شخص ماتعرفينه صاحيه انت
تغضبين ربك وترضين شهوتك ..

قد ايش اتقرف من البنت الي تكلم والله حتى اني مااجلس جنبها
احسها خاينه تتخبى في غرفتها عن اهلها وتقفل الباب قفلتين لوحصل اربع كان زين
وترعص بذا الجوال ولا على المسن طبعا مع الي مايتسمى
ولا تعرف ان رب العالمين يعرف ايش تسوي ..وتضحك ضحكه تلوع الكبد وتتميع تحسب انها تسوي اغراء وهي محومتن تسبده

قال تعالى (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) ‏

تدرين ايش معانى هذه الايه :
قال أبو الجوزاء ومجاهد يكتب على الإنسان كل شيء حتى الأنين في مرضه .
والله اعلم

بالله وشلون تقدرين تحكين معه وجنبك الملائكه تكتب كل كلمه قلتيها
وين الي تعلمناه في سادس ابتدائي في التفسير ..

وين هذه الايه

فقال الله تعالى " فلا تخضعن بالقول فيطمع الذي في قلبه مرض وقلن قولا معروفا"

المعنى:

أي لا تتكسر إحداكن في مخاطبتها للرجال ، وقلن كلاماً معتدلاً في مادته وبلسان معتدل في كيفيته .
والآية تشمل عموم النساء ، وعلة التحريم في القول : منع الفتنة ، حتى لا يطمع من في قلبه مرض الشهوة .
والله اعلم

تدرسين على الفاضي ..ترانا محاسبين على العلم الي تعلمناها هل عملنا به ولا
لو تسألين الي تكلمنيه وتقولين له لو اختك تكلم وش بتسوي لها ..يمكن يقفل الخط في وجهك مجرد سؤال سوء كذا
يمكن يذبحها ..يعني لو الي يسويه معك مافي شئ كان اخته سوته قبلك
اسمع ناس كثرين يقولون البنات الي في جوالي لتسليه فقط ..اما الزواج مافيه امل هذا اذا تزوج اصلا


على العموم القرار الا ول والاخير لك ..وانت تختاري
والله بكره اذا جاك ملك الموت بيقبض روحك وانت مازلتي بل مصره على المعصيه
مامعك الا عملك :
اما هو
اذا دعاء لك بعد موتك زين ماعني ماظن الا.....

يوم القايامه اذا صرتي بين يدي الله وسألك: وش بتقولين لرب العالمين
انا سويت الي علي وعلمتك
وانت سوي الي عليك وكسري الشريحه واحرقيها..
وقولي ربي ان تركت هذا لطلب رضاك وفأرضى عني وغفر لي يارب العالمين
حتى لو كنت تحبينه ..اتركيه لوجهه الله ..والله العظيم ماراح ينفعك بشئ
قالت يحبني قالت. ياعمري الحب في هذا الزمن رااح ..ماافي احد يحبك كثر امك وابوك ولا يهرج عليك ..ويضحك على عقلك

اكسري الشريحه احرقيه ..وانت تحرقينها قولي (يامقلوب القلوب ثبت قلبي على دينك)
انت فكري بعقلك ..وبدينك وشوفي ردت فعلك
لا تفكري بقلبك لانه يحبه اكيد بيرفض انك تكسرين الشريحه
بعدها استغفري ربك وصلي ركعتين ..وشوفي الراحه الي تحسين فيها
لهي نفسك مع اهلك احلى جلسه مع الاهل ..رتبي غرفتك .. اقري لك كم صفحه من القران الكريم قبل ماتنامين ....وغيره وغيره

اوعدي نفسك ..انك ماترجعين للحرام مهما كلفك الامر
اكتبي اقرائي... سوي اي شئ بس اي شئ يتعلق.. بالي مايتسمى لا تذكرينه.. قولي لنفسك كنت ضعيفه.. العاطفه تصيطر علي
الحين انت اقوى من عاطفتك لا يلعب عليك بكلمتين وتندمين بعدها طول عمرك

اللهم هل بلغت اللهم فأشهد-اللهم هل بلغت اللهم فأشهد-اللهم هل بلغت اللهم فأشهد


الله يهدني ويهديك ويهدي جميع بنات وشباب المسلمين الي طريق الحق والتوبه