شاعر متاثر بي الكمبيوتر

[شيخ نفسه]

شاعر متاثر بالكميوتر



فيروس هجرك عطل القلب تعطيل *** ودمر ملفات الفرح في حياتي





ياللي سكنت القلب من دون تحميل*** متى لموقعنا تشرف وتاتي




عنوانكم ما هوب ياهو وهوتميل *** عنوانكم روحي وقلبي وذاتي




كم مرة أرسلت لك عبر الإيميل*** وأدورك في منتداي وشاتي




وأرسلت لك يازين فايل ورى فايل*** فيها الغلا و الحب يا أغلى امنياتي




وأرسلت لك قصة غذابي مع الريال *** ياللي غيابك هو سبايب شقاتي




دايم عليك أبحث بياهو وقوقل *** وأنت ولاتسأل علينا بتاتي




خابرك بنتيوم فور أصلي وإنتيل *** لكن خسارة غيروك الوشاتي




وكان الهكر غروك بالقال والقيل*** بأدعي عليهم في سجودي وصلاتي




ياجعلهم بقعاء وطير أبابيل *** ترمي عليهم بأمر ربي حصاتي




يرضيك من حبك غدى منهك الحيل *** ريقي غدى ناشف ويبست شفاتي




أقضي الليالي دمع عيني هماليل *** لا من طريتيلي تبدد مباتي




صحراي جفت مالفانا مخاييل *** أنت المزون اللي تروي نباتي




وياشين حالي لاقريت المراسيل *** في الأوتلوك اذكر قصص ماضياتي




منك حزين الحرف شاف البهاذيل *** وقلبك من قرص صلب في القساتي




موقعك في وجهي مقفل بيقفيل *** حتى البروكسي مانفع وش سواتي




بمفضلة قلبي عطيناك تفضيل *** انت المفضل عندنا ياغناتي




ويازين هجرك عطل القلب تعطيل *** ومن غير شوفك وش تساوي حياتي




كني بدونك قرص فارغ ولا فيل *** فاسد ومرمي بسلة المهملاتي




ماعدت أفرق بين اكسس وأكسيل *** وماعدت أفرق بين بلتك وشاتي




وباشكي على الكيبوردكثر الغرابيل *** وأكتب على الوورد المطور وصاتي




وهذي النهاية حطها وسط تظليل *** لامت فا غيبابك سبايب مماتي



تـحـياتي