اطلق شنب بالشعر ماهـو بعينـي

[شيخ نفسه]

السلام عليكم ورحمة الله وبركاته

لا أجيــد المقدمات
اليكم القصيدهـ

ياشوق يسعدني اسمعـك ياشـوق
قصايـدي اقولـهـا واسمعيـنـي

يا ام المشاعر والاحاسيس والذوق
انـا وقصيـدي بأمرتـك آمرينـي

ممنون اغني لك على كل طـاروق
وازف لـك اغـلا ذخايـر كنينـي

وان قمت اغني ارفعي هامتك فوق
انـا يكفينـي فـقـط شجعيـنـي

ان قلتي صح لسانك اشوش واروق
وارقـص القيفـان بينـك وبينـي

ما كني الا اسكر من الزوم وافـوق
حالـه مـن اللاتـزان تغشيـنـي

والعب بحسبة كل طاروق مطـروق
حسب طلبي غصب(ن)عليها تجيني

ويمكن اسوي طرق ماهو بمسبوق
اجمع بسيط وحـر يطلـع هجينـي

واخلـي الشعـار لعيونـك حلـوق
اطلق شنب بالشعر ماهـو بعينـي

بيني وبينك شرهة احباب وحقـوق
اعطيك شرهاتك وابيـك تعطينـي

اليا عطيتيني فأنـا طيـب وفـوق
وياشيـن توفيقـي اذا تجحدينـي

مخلوق لكن غير عن كل مخلـوق
مواهبـي زادت تجـارب سنينـي

وطلعت راهي شعر منطق ومنطوق
وشربت من عد الجزالـه بيدينـي