الفاض عيال الطايف !!!!!!!!!!!!!!!!!!!!!

[شيخ نفسه]

....

((أشهر الفاظ عيال الغربيه))


الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله.
ــــــــــــــــــــــــــــــــــــــــــــــــــ ـــ
المنسم : ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم .
ــــــــــــــــــــــــــــــــــــــــــــــــــ ـــ
المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...
ــــــــــــــــــــــــــــــــــــــــــــــــــ ـــ
الشخر المخر أو أبو مشخر ! : من نفس فصيلة المنسم !
ــــــــــــــــــــــــــــــــــــــــــــــــــ ـــ
السلنتح : قليل الأدب
ــــــــــــــــــــــــــــــــــــــــــــــــــ ـــ
جحلط ( بتشديد اللام ) : وهم مرحلة متقدمة للسلنتح
ــــــــــــــــــــــــــــــــــــــــــــــــــ ـــ
مزّلب : يعني بايعها بتراب !
ــــــــــــــــــــــــــــــــــــــــــــــــــ ـــ
مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة
ــــــــــــــــــــــــــــــــــــــــــــــــــ ـــ
الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له
المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ...
ــــــــــــــــــــــــــــــــــــــــــــــــــ ـــ
المفهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ...
ــــــــــــــــــــــــــــــــــــــــــــــــــ ـــ
الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....
ــــــــــــــــــــــــــــــــــــــــــــــــــ ـــ
العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه......
ــــــــــــــــــــــــــــــــــــــــــــــــــ ـــ
العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري...
ــــــــــــــــــــــــــــــــــــــــــــــــــ ـــ
الكحلي : يطلق مسمى الكحلي على ذوي البشرة السمراء و لأن ذوي البشرة البيضاء مساكين ما عندهم لقب احتجوا عند الأمم المتحدة مطالبين باللون الفضي ....
ــــــــــــــــــــــــــــــــــــــــــــــــــ ـــ
المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .
ــــــــــــــــــــــــــــــــــــــــــــــــــ ـــ
المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....
ــــــــــــــــــــــــــــــــــــــــــــــــــ ـــ
السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء.
ــــــــــــــــــــــــــــــــــــــــــــــــــ ـــ
السمرمدي : وهو من نفس فصيلة السربوت.
ــــــــــــــــــــــــــــــــــــــــــــــــــ ـــ
الداشر : هذا قليل الأدب و لا يحب يماشي إلا السرابيت . و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه..
ــــــــــــــــــــــــــــــــــــــــــــــــــ ـــ
الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .
ــــــــــــــــــــــــــــــــــــــــــــــــــ ـــ
زعّيط : مسوي نفسه يفهم في كل شيء وهو من جنب العارضة.
ــــــــــــــــــــــــــــــــــــــــــــــــــ ـــ
المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ...
ــــــــــــــــــــــــــــــــــــــــــــــــــ ـــ
المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش....
ــــــــــــــــــــــــــــــــــــــــــــــــــ ـــ
الخكري : ببساطة الخكري = نعومة + دلع + ليونة والله لايبلانا...
ــــــــــــــــــــــــــــــــــــــــــــــــــ ـــ
اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهكذا