بدر : الله يهديك كان قلتي انك هيفا ..
هيفا : طيب هذاني قلت ..
بدر : طيب .. يلا الله لايهينك قوميها ..
هيفا : اقولك نايمه ..
بدر درى انها تستهبل : قوميها ..
هيفا : نايمه ..
بدر : قوميها اقول ..
هيفا : لاحوووووووول شلون تفهم .. اقولك نايمه ..
البنات : ههههههههههه ..
بدر : طيب يا هيفا .. اوريك .. برجع لك يوم تطقيني ذيك المره عند باب البيت ..
هيفا " يمه وش دراه انها انا " : ومن قالك انها انا ..
بدر : ادري .. عرفتك مكتوب على جبهتك هيييفااااااا ..
هيفا : لاااا ..
بدر : يلا يلا باي .. جالس اضيع وقتي مع بزران ..
هيفا : والله البزر اللي قاله ..
بدر : هيييييييييييين مردوووووووووووووووده .. باي ..
هيفا : باي ..
قفلت منه ..
البنات : ههههههههههههههههه ..
تهاني : خير وش هالاسلوب ..
هيفا : غصب علي يستفز الواحد ..
ولاء : وش قالك ..
هيفا : ماعليك ..
ولاء غمزت لها : هـآآآه هيفوه بدينا نغبي ..
هيفا : وش تبين انتي .. خلك بنفسك ..
جوري : احــم احــم ..
هيفا : تبين مويه ..
جوري : ههههههههههههه ياليت ..
دخلت مشاعل وقومت غيدا ..وطلعت ..
غيدا : يوووووووووه نمت كثير ..
هيفا : لا ..
دق جوالها : هلا بدر ..
بدر : اشوى انك رديتي لا ترد علي هذيك ..
غيدا : ومن هذيك اللي ردت عليك ..
بدر : وحده يلا اطلعي ..
غيدا : من اللي ردت ..
بدر : خلاص يلا اطلعي فيني نوم ..
غيدا : طيب ..
سكرت ولبست عبايتها : من اللي رد على بدر ..
البنات ماقالوا شي وهيفا ابتسمت ..
غيدا : انتي ..
هيفا : نوره الكلبه ردت وحطت السماعه بإذني .. مو انا والله ..
غيدا : ههههههههههه طيب وش صاير ..
هيفا : ولا شي عادي ..
قربت لها غيدا وهمست لها بإذنها وابتسمت وراحت .. هيفا تغيرت ملامح وجهها ضحكة غيدا وسلمت على البنات وطلعت ..
تهاني : وش قالت لك ..
هيفا : لقافه .. وش دخلكم ..
جوري : يلا قولي ..
هيفا : مابي ..
ولاء : اسرار يعني ..
هيفا : لا حووووووووول ..
قامت هيفا وطلعت عنهم .. وهم ضحكوا عليها ..
جوري : ولاء بتروح معاي بيتنا .. من تبي تروح .. وريان مو موجود ..
نوره : متأكده ..
جوري : ايه .. يلا تروحين ..
نوره : مدري اشوف امي وابوي ..
جوري : ماراح يقولون شي ..
نوره : بروح اقول لامي ..
جوري : وانتم هي ماتبون ..
لولو : لا ..
جوري : ليه ..
لولو : بكرى بنشوفك عند تهاني ..
جوري : لا نجي سوى ..
لولو : لا لا ماينفع كان جواهر بتروح ..
جوري : جواهر اكيد بتروح .. صح ..
جواهر : اكيد ..
جوري : شفتييييييي ..
اميره : هيفا بتروح معاك ..
جوري : مو على كيفها ابآخذها غصب ..
اميره : هههههههههههه كفو .. مع شوشتها ..
تهاني : لا عاد نقطة ضعف هيفا شوشتها ..
هيفا دخلت : وشووووووو .. نقطة ضعفي شوشتي .. ليه شايفتها خشنه ليفه مثلا ..
تهاني : ههههههههههههههههههه ..
هيفا : ماعليك لو سمحتي شوشتي مره حلوه وتعجبني ..
جوري : فديتك انتي وشوشتك .. هيوفه .. بتروحين معاي بيتنا صح ..
هيفا : من قال ..
البنات : هههههههههههههههه ..
نوره : امي تقول روحي ..
جوري : اوكي خلاص ..
هيفا : وش السالفه ..؟..
جوري : ولاء وجواهر ونوره بيروحون معاي البيت ..
هيفا : وريان ..
جوري : ريان عندكم بالبيت ..
تهاني : لا اجل هيفا ماتروح ..
هيفا : اجل عنادا فيك .. بروح ..
تهاني : يا سلام عليك .. وتخليني مع عيال ..
جوري : تعالي بيتنا .. ونصير نحول الجمعه عندنا بالبيت ..
هيفا : والله جد تهاني .. فكره ..
تهاني : لا مابي ..
جوري : يلا عاد ..
تهاني : مادري .. بس قلنا لساره وغيدا ..
اميره : ياحبيلك وشوله مخترعين الجوال ..
جوري : ايه ندق عليها يلا عاد .. انتي بعد تعالي نامي عندنا .. يلا والله وناسه ..
تهاني : مدري .. لولو ابرار اميره تروحون ..
ابرار : انا عندي دوام ما اقدر ..
تهاني : لولو تكفين ..
لولو : مدري ما اتوقع ..
جوري : لوووووووووووولوووووووووو .. تكفيييييييييييييين ..
لولو : هههههههههههه طيب لا تموتين .. بشوف بابا ..
هيفا : بااااابااااااا ..
ولاء : هذي اللي مطلع فيها ياسر التويجري .. تقول بابا وعمرها فوق عشرين وانا يبه من يوم ربي خلقني ..
البنات : هههههههههههههههههههههههههههههههه ..
لولو : وش عليك .. كيفي ..
جوري : اميره اكيد بتجين ..
اميره : ليه لا ..
جوري : ونااساااه .. هاه تهاني لولو ..
تهاني : اوكي خلاص ..
جوري : لولو ..
لولو : هاااه ..
جوري : يلا ..
اميره "تغمزلها" : يلا بمناسبة خطوبة جوري ..
جوري : وش تبين انتي ..
البنات : ههههههههههههههههههههه ..
لولو : اجل عشان كذا بجي ..
جوري : خلاص اجل بروح اقول لامي ..
راحت جوري وقالت لامها .. وجت هي وامها ..
امل : اجل كلكم عندنا اليوم ..
تهاني : اذا ماعندك مانع يعني ..
امل : لا والله ماعندي مانع ولو تبوني انومكم معاي بالغرفه عادي ..
اميره : وخالي يا حياتي وين ينام ..
امل " تغمز لها " : نروح انا وياه فندق ..
البنات : ههههههههههههههههههههههه ..
اميره : شكلك تدورينها دواره ..
امل : ياحبيبتي .. لازم الوحده تغير .. نبتل كل يوم بالبيت خلاص طفش ..
جوري : يماااااااااه ..
امل : دلع دلع .. يلا يلا .. بنمشي .. بس هاه انتم تروحون مع السواق وانا وخالكم بلحالنا ..
جوري : مو مشكله ..
قاموا البنات وكل وحده قالت لامها وماقالوا شي .. وطلعوا ركبوا اليوكون حق سواق الجد .. وامل ركبت سيارة فارس ..
فهد : كل البنات بيروحون مع السواق ..
مشاري : ايه ..
عبد العزيز : مايصلح نص الليل بنات مع سواق .. رح يا فهد ودهم ..
مشاري غمز لفهد : رح ..
فهد : ان شاء الله ..
طلع فارس وركب سيارته .. وراح السواق وركب السياره .. جاله مشاري و فهد وطق قزازة السياره ..
فتح الدريشه ...
فهد : هاه دوارنوا .. راكب وكاشخ .. وين على الله ..
دوارنوا : بابا فارس كلام انا يروح بيت مال هو ..
فهد : لا لا انا بوديهم .. يلا انزل ..
دوارنوا : بس بابا فارس فيه زعلان ..
فهد : وين عايشين بنات الساعه ½,1 يروحون مع سواق .. يلا بابا دوارنوا انزل اشوف ..
نزل السواق وركب فهد : هاه ماتبي تركب ..
مشاري : مدري ..
فهد : يلا امش ..
مشاري : اصبر طيب دقيقه ..
فهد : يلا بسرعه ..
دخل مشاري جاب جواله وبوكه من جوى وجا ..
مشاري : يلا ..
فهد : يلا .. محد ناقص ..
ولاء : لا ..
فهد : مين ولاء ..
ولاء : ايه ..
فهد : هلا وغلا ..
ولاء : اهلين ..
فهد : شكرا ..
ولاء : على شّو ..
فهد : خليها بيننا ..
ولاء : طيب ..
حرك فهد ومشو .. دق جوال فهد وكانت خالته اللي دقت عليه .. قام وفتح السبيكر ..
فهد : هلا والله ..
هنادي : هلا فهودي ..
فهد : هلا وغلا كيف الحال ..
هنادي : تمام .. شخبار اختي ..
فهد : تسلم عليك ..
هنادي : ماكلمت حمد .. ادق عليه جواله مقفل .. والله يا فهد قلبي ناغزني ..
فهد : شفيكم انتم .. مافيه الا العافيه ..
هنادي : مدري احس فيه شي ..
فهد : خلاص يا شيخه .. قبلك مشاري واليوم جدتي والحين انتي .. لاتخوفوني ..
هنادي : خلاص خلاص آسفه ..
فهد : آآآه ..
هنادي : سلامتك من الاه .. شفيك ..
فهد : ولا شي .. الا اقول هنوده .. متى دقيتي عل امس اي وقت ..
هنادي : امممممممممم بالليل .. ليه ..
فهد : ايه ادري بالليل .. بس اي وقت يعني ..
هنادي : يمكن الساعه 9 ليه ..
فهد : لا بس فيه ناس شكو فيني اني اكلم بنات ..
هنادي : ههههههههههههههههه الله يصلحهم ..
سكر فهد السبيكر ..
هنادي : ومن هالناس .. لا تقول جوري ..
فهد : ايه ..
هنادي : وعشان كذا ضايق صدرك ..
فهد : ايه ..
هنادي : فديت روحك .. لا تضيق صدرك ..
فهد : غصبن علي .. ما قدرت ..
هنادي : خلها هي بتفهم السالفه من روحها ..
فهد : لا خلاص شكله فهم ..
هنادي : انت بالسياره وهي معاك ..
فهد : ايه .. انا ومشاري وبنات عمي .. بنوديهم بيت عمي فارس ..
هنادي : آآهــآآ .. كنت فاتح السبيكر ..
فهد : بدون تعصيب وزعل ...... ايه ..
هنادي : هالمره بسكت عشان جوري .. وعقبها لو تسويها ياااااااوييييييييييييلك ..
فهد : هههههههههههه ان شاء الله ان شاء الله .. اولا لاتطلعين علي من السماعه .. ثانيه .. حبالك الصوتيه اخاف عليهم ترى ..
هنادي : طيب ..
فهد : شخبار رغد والله مشتاق لها موت .. الوصخه ماتقول عندي اخو اسال عنه ..
هنادي : فديتها لاهيه مع عيال محمد ..
فهد : خالي محمد موجود ..
هنادي : صح النوم .. من اول العطله وهم هنا ..
فهد : وش اخبار الشرقيه طيب ..
هنادي : يقولون مره جوها خقاق ..
فهد : حلو .. يبيلي روحه اجل ..
هنادي : خلاص نروح انا وياك ..
فهد : خلاص انا وياك نروح الشرقيه الاسبوع الجاي شرايك ..
هنادي : من جدك ..
فهد : لا اتطنز .. ايه جد ..
هنادي : فديتك بقول لامي ..
فهد : خلاص قوليلها ..
هنادي : ونااااااسه .. اقول .. ابقفل الحين .. تبي شي ..
فهد : سلامت روحك .
هنادي : يلا باي ..
فهد : باي ..
08-23-2009, 09:48 PM
العرض العادي
