*(( تِـ حُ ـملْتٍ كَثٌيًرْ يٌـآ قٌلْـبٍيٌـے ))* كـــــــامـــــلـــه

[`·.آلـحـآلـم`·.]

اول ما سكرت ..
مشاري : بتروح ..
فهد : ايه ليه لا .. بعدين عيال خالي 3 هناك بنروح نجلس عندهم يومين او ثلاث ونرجع ..
مشاري : يا سلام عليك .. نسيت الدوام.. حمد مسافر .. ورائد مكسر ماظنتي يعطونك اجازه ..
فهد : يوووووووووووووووه .. مابي .. بروح ..
مشاري : هههههههههههههه دق دق على خالتك قلها تكنسلت الروحه ..
فهد : لا والله ماادق .. ياقلبي شكلها نفسها بالروحه .. والله لو اروح الفجر وارجع بالليل .. لازم اوديها ..
مشاري : تكفى يا حنين انت .. قلبك كبير الصراحه ..
فهد : ايه ادري ..
دق جواله مشاري : نعم ..
........: مرحبا ..
التفت على فهد وابتسم : مرحبتين ..
.......: امممممم نوف موجوده ..
مشاري : لا والله يمكن بعد ربع ساعه تجي ..
.........: هههههههههه اوكي .. يلا باي ..
مشاري : هههههه باي .. ( اول ماقفل ) ههههههههههههههههههههه ..
فهد : خير ..
مشاري : اللي قلت لك ..
فهد : لا عاد ..
مشاري : والله ..
فهد : والله منتب سهل .. حركات .. بس حرام والله ..
مشاري : مالك شغل خلك بروحك ..
فهد : لا لي شغل ..
مشاري : ماعليك .. خلك بطريقك ..
وصلوا بيت فارس ونزلوا البنات وبقت هيفا لانها كانت راكبه ورى ..
هيفا : شكرا على التوصيله ..
فهد : العفو .. سلمي على جوري هاه ..
هيفا : هههههههه وليه ما تسلم عليها انت .. خطيبتك ..
فهد : يعني ما تدرين انها زعلانه ..
هيفا : الله يعينك عليها صايره عنيده ..
فهد : عادي ..
مشاري : هيفا شخبار تهاني ..
هيفا : الحمد لله ..
مشاري : دوم ان شاء الله ..
هيفا : يلا تصبحون على خير ..
مشاري وفهد : وانتي من اهل الخير ..
نزلت ودخلوا كلهم جوى وعلى طول راحوا غرفة جوري ..
مشاري : الووو ..
.........: مرحبا ..
مشاري : مرحبتين .. هلا ..
.........: اممممممم مارجعت نوف ..
مشاري : والله اذا تبيين نوف .. ماعندنا وحده بهالاسم .. بس اذا تبين غيرها موجود ..
.........: ههههههههههه ومن غيرها طيب .. انت ..
مشاري : امممممممم تقدرين تقولين كذا ..
.........: آهـآآ .. طيب من معاي ..
مشاري : معاك مشاري ..
..........: ونعم والله .. وانا اسيل ..
مشاري : عاشت الاسامي ..
التفت عليه فهد : الحمد لله والشكر ..
مشاري : بغيت شي ..
فهد : لا سلامتك ..
اسيل : مشغول ..
مشاري : لا عادي .. بس انا بالسياره الحين .. اذا وصلت البيت كلمتك ..
اسيل : اوكي .. يلا مع السلامه ..
مشاري : هلا مع السلامه ..
فهد : ترى عندك خوات ..
مشاري : آآهـ لو سمعت صوتها يا فهد .. خقاق .. موت .. جنان .. يدوخ ..
فهد : ههههههههههه الحمد لله والشكر .. كل هذا بصوتها ..
مشاري : نعومه نعومه عمري ماسمعت مثل صوتها ..
فهد : طيب ..
وصلوا بيت الجد ودخل فهد وراح ينام .. ومشاري اخذ سيارته وراح بيتهم .. واول ما دخلت غرفته وغير ملابسه دق على اسيل وجلس يسولف معاها ..

≈ ۝ اليـــومـ .. الـليـ .. بعـــــدهـ .. ۝ ≈
.
.
.
! ੂ۩ٍஜ۝√ فبيتـ سليمان √۝ஜ۩ੂ
الفجر . قام بيروح يقوم مشاري وقف عند الباب وسمعه يضحك .. طق الباب وفتح له مشاري ومعاه الجوال ..
سليمان : مانمت .. ترى اذن الفجر ..
مشاري : ماحسيت بالوقت .. يلا الحين بنزل ..
سليمان : يلا ..
نزل سليمان وجلس تحت يستنى مشاري .. نزل مشاري وراح هو وابوه المسجد ويوم رجعوا دخل سليمان ومشاري وراه .. سليمان وقف ومشاري كان بيطلع الدرج ..
سليمان : مشاري ..
مشاري : سم ..
سليمان : لا تداوم اليوم .. رح نم ..
مشاري : عادي يبه اقدر اداوم ..
سليمان : لا لا تداوم مانمت .. يلا رح نم الحين ..
مشاري : مشكور يبه .. يلا تصبح على خير ..
سليمان : وانت من اهل الخير ..
طلع مشاري ونام بغرفته ... وسليمان راح المطبخ شرب له كاس لبن ورجع ينام ..


≈ فــيـ .. المانيا .. ≈
الساعه 9 الصباح .. كانوا الثلاثه بالمستشفى .. وحمد الحين بيدخلونه غرفة العمليات ..
ماهر : اذكر ربك ..
حمد : لااله الا الله محمد رسول الله ..
محمد : يلا ان شاء الله تقوم احسن من اول .. وكل شي بيكون اوكي .. انت بس روق .. وكل شي بيتظبط ..
حمد : ان شاء الله .. خايف ..
ماهر : وش قاعدين نقولك طول الوقت .. ان شاء الله كل شي تمام ..
حمد : ان شاء الله .. سلمولي على اهلي ..
محمد : اذكر ربك يا شيخ .. انت بترجع وتشوفهم ..
حمد : مو حاس اني برجع يامحمد ..
محمد : لا ان شاء الله ..
جاهم الممرض وكان يبي يآخذه غرفة العمليات ..
الممرض بالانقليزي طبعا : ممكن ندخله ..
ماهر : ايه اكيد ..
حمد : قلهم يحللوني ..
محمد : مافيه الا العافيه .. بننتظرك .. اذا طلعت بالسلامه عندي لك مكان بوديك له بتنجن عليه ..
ماهر : ابي اروح معكم ..
محمد : نشوف .. نفكر .. يلا حمد ..
حمد : مع السلامه ..
ماهر : الله معاك .. الله يحفظك ياخوي ..
حمد : ادعوا لي ..
اخذه الممرض ودخله الغرفه .. اول مادخل جلس ماهر على الكرسي .. وجلس جنبه محمد ..
محمد : يلا ان شاء الله يقوم بالسلامه ..
ماهر : ياخي كلامه مايقول كذا ..
محمد : انت تدري انه خايف عشان كذا يقول هالكلام .. انت خلك اقوى ..
دق جوال ماهر وكان فهد ..
ماهر : ياربيه فهد وش اقوله مابي يسألني عن حمد ..
محمد : عطني انا برد وبقوله نايمين .. هات ..
اخذ محمد الجوال ورد : هلا ..
فهد : السلام عليكم ..
محمد : وعليكم السلام .. هلا فهد ..
فهد : هلا وغلا.. محمد ..
محمد : ايه ..
فهد : اهلين .. كيف الحال ..
محمد : الحمد لله تمام .. انتم شخباركم ..
فهد : والله بخير ونعمه .. هاه متى جايين ..
محمد : والله شكلنا مطولين شوي ..
فهد : افا ماخلص شغلكم يعني ..
محمد : لا والله .. بس ان شاء الله بنخلصه بأسرع وقت ..
فهد : ان شاء الله .. الا حمد وينه ادق على جواله مقفل ..
محمد : حمد وماهر نايمين ..
فهد : لين الحين ..
محمد : ايه امس طولنا شوي سهرانين واليوم اخذوا راحتهم بالنوم ..
فهد : آآهـــآآ .. طيب متى يصحون ابي اكلمهم ..
محمد : والله مدري .. اذا صحى واحد منهم خليته يدق عليك ..
فهد : اوكي حبيبي مشكور .. يلا تآمر شي ..
محمد : سلامتك .. بس وصل سلام حمد للجميع ..
فهد : ان شاء الله .. محمد ..
محمد : هلا ..
فهد : صاير شي ..
محمد : لا مو صاير شي ليه ..
فهد : مدري بس حاس انه فيه شي .. تكلم .. حمد فيه شي ..
محمد : لا مافيه الا العافيه .. بس قبل لا ينام كان ماهر بيدق وقاله اذا كلمتهم سلم لي عليهم .. عاد ماهر نام قبل لا يكلم وانت دقيت قلت لازم اوصل السلام ..
فهد : بس ..
محمد : هههههه ايه بس .. شفيك الله يهديك ..
فهد : اوكي .. خلاص .. سلم عليهم ..
محمد : يوصل .. مع السلامه ..
سكر منه : ياربيه ..
ماهر : شفيك ..
محمد : ياخي حاس انه فيه شي ..
ماهر : اخوه ..
محمد : الله يخليهم لبعض ..
ماهر : آآآمين ..
جلسوا حوالي 3 ساعات يستنون الدكتور يطلع ..

 

 

[`·.آلـحـآلـم`·.]

!ੂ۩ٍஜ۝√ فبيتـ فارس √۝ஜ۩ੂ
دخلت امل عليهم وهم نايمين .. كانت الغرفه مره زحمه .. جوري وهيفا بالسرير .. واميره على الكنبه .. ولولو وتهاني ونوره وولاء وجواهر على الارض ..جوري قالت لهم .. نصنا ينام هنا ونصنا بغرفة ريان .. بس قالوا لا .. حلاتها كلنا مع بعض .. وفعلا مره استانسوا وفلوها ماناموا الا الساعه 6 الصباح .. والحين الساعه 12 الظهر ..
امل : بناااااااااات .. يلا قوووووموووووووو ..
هيفا : ازعاااااج ..
امل : هههههههههههههه طيب يلا قوموا ..
نصهم فتحوا عيونهم .. ونصهم تغطوا بالبطانيه زياده ..
امل : عندي لكم فكره مررررررررره حلوه ..
ولاء تبعد عنها البطانيه وتطلع راسها : وشو ..
امل : بما انه راح وقت الفطور .. شرايكم اطلع اغديكم برى ..
نوره طلعت راسها : ياحبيلك دايم تسوين فينا خير ..
امل : هههههههههههههه طيب يلا .. قوموا ..
قامت نوره وولاء .. وسحبوا اللحاف من جواهر .. وراحوا لجوري وهيفا .. سحبوا البطانيه واخذوا المخدات قامت ولاء تنقز على السرير لين هزأتها هيفا .. ونوره راحت لتهاني ولولو قومتهم غصب وبعدها راحت لاميره اللي عطتها تهزيئه محترمه .. وراحت عنها ولا قامت .. جت ولاء واخذت بطانية اميره وسحبتها .. نوره راحت وفتحت الشبابيك والانوار كلها وطفت المكيف .. يعني سوو بالغرفه حرب ..
اميره : وجع وجع وجع .. ولاء احسن لك اذا تبين تعيشين ابعدي عني ..
ولاء : دب قطبي اعوذ بالله يلا قومي ..
امل : ههههههههههههههههه .. اميره قلبي يلا قومي ..
اميره رفعت راسها تطالع امل : الله يهديك انتي موجوده ومخليه هذي الشي تقومني "رجعت تطالع ولاء" تعلمي النعومه انتي وهالشخه ..
رمت البطانيه .. وقامت ..
على الساعه تقريبا وحده ونص .. كلهم طلعوا وراحوا حياة مول .. طلعوا فوق وكل وحده طلبت لها من مطعم ..
امل : اميره .. بس سلطه ..
اميره : ما اشتهي شي الحين ..
ولاء : تسوي دايت ..
اميره : ياشين اللقاااااااااافه ..
امل : تبين تطلبين شي ثاني ..
اميره : لا والله ما اشتهي لو اشتهيت طلبت بس مابي ..
امل : طيب .. تبون نتسوق شوي ولا نطلع نتمشى ..
جوري : يمه ابوي وينه ..
امل : ابوك راح الخرج هو وابوك حمد ..
جوري : اهـآآآآ عشان كذا مطلعتنا وتبين تمشينا ..
امل : اللي يسمعك يقول اذا فيه ابوك تجلسين بالبيت ولا تطلعين ابد ..
جوري : ههههههههههههه .. لا بس شكلك مآخذه راحتك ..
امل : ايه والله بآخذ راحتي ..
جوري : اممممممممممم يمه ..
امل : هاه ..
جوري : وشرايك نروح الثمامه ..
تهاني : ههههههههه فضاوه ..
هيفا : ايه والله وش ورانا ..
لولو : تبين نروح بلحالنا ..
ولاء : وش فيها .. خالتي اموله فديت روحها معنا .. يعني عاااااااااادي ..
جوري : شرايك يمه ..
امل : مدري اشوف .. بس مو اليوم .. اليوم فيه عشى ببيت جدتك . بتجيبه عمتك عايشه ..
جوري : طيب بكرى ..
امل : ولا بكرى .. ياشيخه ما ينفع لازم معنا رجال .. وتعرفين رائد مايقدر يطلع ..
جوري : الله يعافيك يعني ما يقدر يتحرك ولاحركه .. نآخذه معنا عادي ..
ولاء : ايه ايه .. تكفين ..
امل : اشوف .. اشاور عماتكم ..
نوره : وناسه والله ..
لولو : ياليت غيدا معنا ..
امل : تبون نمرها بيتهم ونجيبها ..
جوري وهيفا ولولو : ياليت ..
البنات : ههههههههههههه ..
امل : اششششششششش .. الناس يطالعون ..
اميره : ههههههه زلة لسان ..
امل : ههههههههههههههه تضحكين وزلة لسان ..
اميره : يلا ولا تزعلين .. زلة ضحكه ..
امل : ههههههههههههههه .. يلا ما خلصتوا ..
البنات : الا ..
قاموا وداروا شوي بعدين طلعوا ..
امل : وحده تدق على غيدا تقولها نمرها ..
لولو : انا بدق ..طلعت جوالها ودقت .. معاها انتظار ..
ولاء : خلك لين ترد ..
لولو : لا يمكن ضروري ..
امل : يلا عشان يانروح مع طريق الملك عبد الله ولا نرجع البيت ..
لولو : الووو ..
غيدا : لئيمه .. تدرين اكلم مين يا وصخه ..
لولو : ههههههههه مين .؟.
غيدا : رائد .. وش تبين داقه ..
لولو : الله عشان كذا ماتردين ..
غيدا : ايه .. بسرعه معاي ويتينق ..
لولو : طيب تبين نمر عليك .. بنروح نتمشى ..
غيدا : انتي ومين ..
لولو : انا والبنات وخالتي امول ..
غيدا : ياسلام ومن ومتى وانتم مع بعض ..
لولو : يا حليلك نايمين عندهم ..
غيدا : وصخات .. ليه ماقلتوا لي ..
لولو : جت فجأه .. المهم نمرك ولا لاء ..
غيدا : ايه مروني .. امي طالعه وبدر عند جدته .. وابوي بدوامه ماعندي احد ..
لولو : ياحيااااتي .. حالتك تنرحم .. يلا اوكي شوي وجاييينك .. خلي عنك التلفونات وروحي تجهزي ..
غيدا : ماعليك .. يلا يلا باي ..
لولو : باي ..
سكرت منها : تقول مروني ..
ولاء : قديمه درينا ..

≈ عــنـد .. غيدا ≈
غيدا : الووو ... طولت عليك ..
رائد : لا عادي بس ربع ساعه ..
غيدا : والله آسفه ..
رائد : هههههههه لا قلبو عادي .. مين ..
غيدا : لولو ..
رائد : اها اقفل ..
غيدا : امممممممممم .. انت تبي تقفل ..
رائد : لاء ..
غيدا : خلاص لاتقفل ..
رائد : طيب .. وش كانت تبي ..
غيدا : تقول نمرك البيت ولا لا .. لانهم بيروحون يتمشون ..
رائد : وبتروحين معاها ..
غيدا : ايه .. هي والبنات وامك ..
رائد : امي معاهم ..
غيدا : ايه ..
رائد : زين متى بيمرون عليك ..
غيدا : الحين ..
رائد : زين اجل اخليك تجهزين نفسك لاتتأخرين عليهم ويروحون عنك ..
غيدا : امممممممممم .. اوكي ..
رائد : يلا تبين شي ..
غيدا : سلامتك ..
رائد : يلا مع السلامه وانتبهي لنفسك ..
غيدا ابتسمت : ان شاء الله .. وانت بعد .. مع السلامه ..
سكرت منه ودقت على ابوها وقالت له انهم بيمرونها وتروح معاهم .. قامت وتجهزت ونزلت تحت بالصاله لين دقوا عليها وطلعتلهم .. راحوا بعد مروا على ساره واخذوها .. وبعدها راحوا يتمشون لين الساعه 5 العصر بعدين رجعوا وامل لبست وطلعت راحت بيت الجد .. البنات قالوا بنقعد .. كانوا جالسين بالصاله وكانت لولو جالسه عادي فجأه شهقة .. التفتوا عليها البنات كلهم ..
ساره : بسم الله عليك شفيك ..
لولو : ولا شي ولاشي ..
اخذت جوالها وطلعت بالحوش .. صارت تدق على حمد وتلقى جواله مقفل .. مره خافت .. رجعت وجلست معاهم ..
غيدا : شفيك ..؟..
لولو : ولا شي ..
غيدا : وجهك اصفر فيك شي ..؟..
لولو : لا غيدا لا .. خلاااااص ..
غيدا : اوكي اوكي براحتك ..
لولو : خايفه ..
غيدا : من ايش .؟.
لولو : ما ادري .. قلبي مقبوض ...
غيدا : بسم الله عليك .. شصاير ..
لولو : انا نفسي مو عارفه وش صاير ..
سكتت شوي بعدين خنقتها العبره وجلست تصيح .. البنات انفجعوا التموا حواليها يسكتونها وموعارفين وش فيها ..
اميره : لولو الله يهديك .. اذكري ربك .. شفيك ..
لولو :...............
ساره : تبين شي يعورك شي ..
لولو : .......... لا اتركوني شوي ..
جوري : طيب تبين تطلعين غرفتي شوي ترتاحين ..
لولو : ابطلع الحوش .. بليز لحد يلحقني ..
قامت وطلعت ..
هيفا : شفيها ..
غيدا : ما ادري .. بس قالت لي انها خايفه وبعدين قامت تصيح .. ما ادري وش فيها ..
ولاء : حتى انا من قمت الصباح وانا قلبي مقبوض ...
هيفا : جتنا الثانيه .. بلا هبل ..
ولاء : والله والله .. حاسه انه فيه شي .. بيصير شي اليوم موعارفه ..
اميره : لا تخوفوني ..
جوري : يمه بنات .. بديت اخاف ..
اميره : يووووووووووووه ..

≈ عــنـد .. لولو ≈
دقت على ابرار ولا ردت عليها .. انهبلت قامت تدق لين ردت رنا ..
لولو : ابرار ..
رنا : لا مو ابرار .. ايش فيه ..؟..
لولو : ابرار وينها ..
رنا : بسم الله عليكي .. ايش فيكي .. اشبوا صوتك ..
لولو : ما ادري ..
رنا : صاير شي ..
لولو : لا بس خايفه يصير شي .. ابرار وين ..
رنا : مع زوج المستقبل فمكتبه ..
لولو : اففففففففففف .. رنا خاااااااااايفه ..
رنا : من ايش خايفه ..
لولو : مو عارفه .. حاسه قلبي مقبوض بقوه .. حاسه بيصير شي مو حلو ..
رنا : هدي اعصابك مافيه شي ان شاء الله .. ايش الاوهام هادي ..
لولو : مو اوهام .. رنا جالسه ادق على ولد خالي جواله مقفل ..
رنا : وانتي ايش لك عنده تدقي عليه ..
لولو : رنا .. حاسه انه هو فيه شي .. فجأه طرى على بالي وخفت .. دقيت عليه لقيت جواله مقفل ..
رنا : عادي يمكن مخلص الشحن ولا هو مقفله ..
لولو : هو مسافر ..
رنا : تستهبلي علي .. يمكن جوالوا مو دولي ..
لولو : لا دولي .. كلمني اول ما وصلوا .. رنا افهميني ..
رنا : كلمك .!!. وانتي دقيتي عليه .. يا حبيبي .. السالفه فيها ان ..
لولو : رنا تكفين مو وقتك ..
رنا : طيب ايش اعمل دحين ..
لولو : مو عارفه ..
رنا : طيب ارجعي دقي مره تانيه ..
لولو : طيب يلا باي ..
رنا : ههههههههههههههههههههههههه يؤ ماصدقتي .. يلا دقي طمني قلبك ..
سكرت منها ورجعت تدق على حمد بعد مايرد .

 

 

[`·.آلـحـآلـم`·.]

!ੂ۩ٍஜ۝√ فبيتـ الجد √۝ஜ۩ੂ
كانوا كلهم مجتمعين .. الحريم مع الجده بالصاله .. والرجال مع الجد بالمجلس ..
الجده : دقي على حمد ..
هدى : ياخالتي مقفل جواله ..
الجده : وليه يقفله .. اعوذ بالله .. يعني لا يدق ولا يخلي احد يدق عليه ..
حصه : هدي اعصابك يمه ..
الجده : دقي انتي على ولدك اشوف ..
دقت حصه على ماهر : الوو ..
ماهر : هلا يمه .. هلا وغلا ..
حصه : هلا ياروح امك .. وش اخبارك حبيبي ..
ماهر : الحمد لله بخير انتم شخباركم ..
حصه : الحمد لله بخير ونعمه .. هاه متى راجعين ..
ماهر : توووووووناااااااا ..
حصه : وش توكم .. يعني ماخلصتوا ..
ماهر : لا والله ما خلصنا ..
حصه : طيب حمد قريب ..
ماهر " شسالفتهم ذولا شكلهم حاسين " : لا والله مو جنبي ..
حصه : وينه ..
ماهر : طالع ..
حصه : وانت ليه ماطلعت معاه ..
ماهر : انا بطلع بعد شوي ..
حصه : طيب امه تدق عليه وجواله مقفل .. انشغلت عليه ..
ماهر : لا جواله خربان .. لا احد يدق عليه ..
حصه : شفيه ..
ماهر : مدري بس خربان ..
هدى : حمد شفيه ..
حصه : مافيه شي بس جواله خربان ..
هدى : اشوى الحمد لله ..
ماهر : يلا يمه تبين شي ..
حصه : وين ..
ماهر : يمه شوي مشغول اذا فضيت كلمتك ..
حصه : ان شاء الله بس لا تنسى الله يعافيك ..
ماهر : ان شاء الله ان شاء الله .. يلا فمان الله ..
حصه : يقول جواله خربان .. لا احد يدق عليه ..

≈ فــيـ .. المانيا ≈
سكر منها .. وجلس وتنهد ..
ماهر : ياربييييييييييه .. كنهم حاسين بشي .. يسألون عن حمد ..
محمد : اكيد بيحسون .. مو اهله ..
ماهر : الله يستر يا شيخ .. وينهم ذولا .. ليه محد طلع وطمنا عليه ..
محمد : استنى شوي ..
ماهر : الى متى .. صار لهم حول الـ 7 ساعات جوى .. والله بنهبل ..
محمد : صبرت 7 ساعات مو قادر تصبر شوي ..
ماهر قام ووقف : الى متى بصبر الى متى ..
محمد : قصر حسك شوي .. حنا بمستشفى مو بالشارع ..
ماهر : مدري وشفيني .. خلاص توترت ..
محمد : هد اعصابك .. اجلس شوي روق ..
طلع الدكتور من غرفة العمليات وراحوا له بسرعه ..
ماهر : هاه دكتور ..
محمد : دكتور ان شاء الله نجحت العمليه ..
الدكتور : وش يقرب لكم المريض ..
ماهر : اخوي ..
الدكتور : آهـــآآآ ..
محمد : فيه شي ..

!ੂ۩ٍஜ۝√ فبيتـ الجد √۝ஜ۩ੂ
كان فهد جالسه ومعصب مايدري ليه ..
رائد : شفيه ذا ..
مشاري : مدري .. فهد ..
فهد : هاه ..
مشاري : هـــآآه .. وش ذا الرد .. وشفيك ..
فهد : مدري .. وش تبي الحين ..
مشاري : مابي شي .. بس ليه معصب علينا وش سوينا ..
فهد : مدري ياخي قلت لك مدري افففف .. مدري وشلون تفهمون انتم ..
رائد : هد اعصابك شفيك شبيت ..
فهد : ماشبيت ولاشي .. ترفعون الضغط ..
رائد : وش قلنا عشان نرفع الضغط .. كل اللي قاله شفيك .. صار يرفع الضغط الحين ..
فهد : يوووووه .. خلاص خلاص ..
رائد : شفيييييييييييييك ..
فهد : قلت لك خلاص يوه .. غصب هو ..
مشاري : ترى ما يحتاج هالعصبيه كلها ..
رائد : اساسا انامو شايف شي يخليه يعصب كذا ..
فهد : معليش تسكتون شوي .. مالي خلق ..
رائد : قل مالي خلق بس لاتعصب علينا ..
فهد : ياخي الجلسه معكم تجيب الهم ..
قام وتركهم وطلع ..
مشاري : بسم الله الرحمن الرحيم .. وش فيه ذا ..
رائد : مدري .. ترى من الصبح كذا ..
مشاري : صاير معاه شي ..
رائد : مدري ..
راح فهد عند الرجال ..
فهد : عمي محمد ..
محمد ( ابو ماهر ) : سم ..
فهد : الله لا يهينك بس تدق على ماهر .. ادق عليه مايرد علي ..
محمد : حتى انا مايرد علي ..
فهد : ياربيه ..
عبد العزيز : ليه وش اللي صاير ..
فهد : انا ابي اعرف وش صاير ..
عبد العزيز : اخوك وولد عمتك فيهم شي ..
فهد : مدري .. جوال حمد مقفل وماهر مايرد .. وحتى محمد جواله مقفل ..
ابراهيم : يمكن مشغولين ..
فهد : طيب انا بطلع تبون شي ..
عبد العزيز : وين ..
فهد : شوي وراجع ..
طلع وراح كبينه .. ودق على ماهر .. ماهر يوم شاف مافيه رقم .. رد ..
ماهر : سم ..
فهد : انت ايش يا اخي .. يعني لو مادقيت من كبينه كان مارديت علي .. قسم بالله ماعندك احساس ..
ماهر : هههههههههه شفيك اكلتني بقشوري بسم الله علي ..
فهد : لا تضحك مالي خلقك .. وين حمد .. ليه جواله مقفل ..
ماهر : والله حمد نايم الحين .. شوي ويصحى ..
فهد : ياسلام .. ادق عليه من اليوم كله نايم .. ماهر تكفى فيكم شي .. قلبي قابضني من الصبح .. والله فيه شي ..
ماهر : ياخي مافيه شي .. كلنا بخير ونعمه الحمد لله ..
فهد : لا فيه شي .. ياخي تكلم .. حاس والله حاس انه فيه شي .. لاتغبي ..
ماهر : اخترع لك شي يعني .. قلت لك مافيه شي ..
فهد : لاتخليني اقرب طياره اجيكم فيها ..
ماهر : ههههههههههه كان فيك خير تعال ..
فهد : والله ماتعوق معاي اجي .. ياخي تكلم ..
ماهر : مافيه شي .. بس انا وحمد مسوين حادث صغنطوط عادي ..
فهد : حــــادث .. لا وتقول مافيه شي .. وين حمد ..
ماهر : قسم بالله العلي العظيم وربي اللي خلقني .. انه نايم .. والله .. وش اسوي عشان تصدق ..
فهد : نايم ..
ماهر : والله نايم ..
فهد : يعني ماصار له شي ..
ماهر : لا ..
فهد : ومحمد وينه ..
ماهر : محمد عندي ..
فهد : صار له شي ..
ماهر : ماراح معنا ..
فهد : ماهر .. امانه عليك .. اذا قام حمد من النوم خله يدق علي .. والله ما ارتاح لين اسمع صوته ..
ماهر : ابد ابشر من عيووووني ..
فهد : سالمه عيونك .. وبعدين اي احد يدق عليك رد عليه .. ولاتقوله عن الحادث انت ووجهك ..
ماهر : هههههه ان شاء الله .. يلا عاد تعبت يلا تقلع ..
فهد : هههههههههه اوكي .. يلا انتبهوا لانفسكم .. وارجعوا لنا سالمين .. ترى والله نحبكم ونبيكم ..
ماهر : فديت روحك ياخي .. ان شاء الله .. تامر امر .. يلا فمان الله ..
اول ماسكر فهد .. طلع بيحاسب ..
الهندي : 50 ريال ..
فهد : 50 بعينك .. وش 50 على 10 دقايق ..
الهندي : والله انت كلام برى سؤدي ..
فهد : ايه برى سؤدي .. عاد بـ50 .. هبال هو ..
الهندي : انت مافيه يدفع انا كلام شرطه ..
فهد : يمه خفت .. دق على الشرطه .. بقول يمرر مكالمات ..
الهندي : لا خلاص انت مافيه سوي جنجال .. يلا جيب 45 ..
فهد : خمسه ريال بس .. لا بعطيك 40 ..
الهندي : مافيه مشكل .. جيب ..
فهد : والله مخفه .. بس يلا لعيون اخوي ..
عطاه فهد الـ50 وطلع .. رجع البيت ودخل عليهم ..
فهد : السلام ..
الكل : وعليكم السلام ..
نايف : تبي شاهي ..
فهد : لا ..
مشاري : عطه نعناع ..
فهد : مابي ..
مشاري : يهدي الاعصاب ..
فهد : ليه وش شايف ..
مشاري : لا سلامتك .. ولا شي ..
فهد : ايه على بالي ..
رائد : قوموا نصلي العشا يلا ..
قاموا وصلوا جماعه ..

 

 

[`·.آلـحـآلـم`·.]

*.. الجـــزء الـســـآبع عشــــر ..*


≈ فــيـ .. المستشفى ≈
ابرار : ياربيه .. دق الحين طيب ..
سعود : شفيك دقيت قبل شوي يقولون ماطلع ..
ابرار : يمكن الحين طلع ..
سعود : ابرار .. حبي .. شفيك ..
ابرار : متوتره .. يلا دق ..
سعود : ان شاء الله ان شاء الله ..
دق وكلمهم وبعدها سكر وجلس يطالع ابرار ..
ابرار : لاتجلس تطالعني كذا .. وش صار .. طلع ..
سعود : ايه طلع ..
ابرار : نجحت ..
سعود : وش تتوقعين ..
ابرار : مابي اتوقع شي الحين .. يلا تكلم ..
سعود : يلا توقعي انتي ..
ابرار : مو وقته قسم بالله .. ياخي لاتقعد تسوي فوازير رمضان يلا تكلم ..
سعود : هههههههههههههههههههههههههه .. تنكتين بعد وانتي معصبه .. فديتك والله .. ياعصبيييييييه ..
ابرار : سعوووود ..
سعود : يلا تستاهلون سلامته .. مبروك نجحت ..
ابرار : قل والله ..
سعود : ههههههههههههههههه والله .. يعني لهالدرجه مبسوطه .. هذا وهو ولد خالك .. اجل انا لو يصير فيني شي وش بتسوين ..
ابرار : بسم الله عليك الرحمن الرحيم .. والله اموت ..
سعود : ياربي قلبي بيوقف .. بسم الله عليك ياروحي انتي .. ان شاء الله يومي قبل يومك ..
ابرار : لا ان شاء الله .. مابي اعيش من دونك ..
سعود : فديتك والله ولا انا .. ابرار احبـــك ..
ابرار : احـــم .. ماتحس انك اخذت راحتك .. يلا بروح عندي شغل ..
سعود : ههههههههه .. خليك شوي ماشبعت منك ..
ابرار : خير ماشبعت حلا هو ..
سعود : لا ابرار ..
ابرار : بايخ .. باي ..
سعود : باي حياتي ..
طلعت ابرار وراحت لمكتب رنا ودخلت وهي مبسووووطه ..
رنا : ايوا ايش سر هالسعاده كلها .. اكيد جايه من الحبيب ..
ابرار : نجحت العمليه يا رنا نجحت ..
رنا : احححححححححلفي .. مبروووووووووووك ..
ابرار : الله يبارك فيك .. مبسوطه مره ..
رنا : يلا تستاهلو سلامتو ..
ابرار : الله يسلمك .. يؤ مين دق ..
رنا : لولو صرعتني .. تقول خايفه ما ادري من ايش ..
ابرار : فديت قلبها .. اكيد حاسه بحمد .. اقولك تحبه ماتسمعين .. حتى هي تقول اعجاب بس ..
رنا : لا والله ما اظنوا اعجاب وبس .. ولا حتى حب .. هذا عشق .. لو تسمعي صوتها لما دقت .. والله تقولي احد ميت لها ..
ابرار : فديتها .. يلا انا بطلع .. خلص دوامي ..
رنا : خديني معاكي ..
ابرار : بروح بيت عمي فارس ..
رنا : امممممممممممم ..
ابرار : يلا يلا امشي نروح شوي بعدين اوصلك بيتكم ..
رنا : ما ادري .. احس فشله ..
ابرار : اي فشله واي بطيخ يلا امشي بس ..
لبسوا عباياتهم .. وطلعوا وراحوا اول شي مروا بيت الكيك واخذوا معهم كيكتين وراحوا بيت فارس ..

! ੂ۩ٍஜ۝√ فبيتـ فارس √۝ஜ۩ੂ
كانوا جالسين ودق جرس الباب ..
جوري : من اللي جا ..
ولاء : يمكن بنت خالتك ..
جوري : قالت بتجي بس مو الحين تقول الساعه 8 ..
راحت وفتحت الباب ..
جوري : اهليييييييييييييييييين ..
ابرار : وصخات تجتمعون وانا لا .. اهون عليكم ..
جوري : فديتك وش بيطلعك من دوامك عشانا ..
ابرار : عادي اجي ..
جوري : اهلين رنا .. حياك . والله نورتي ..
رنا : هلا فيكي حبيبتي .. قبل ما ادخل عندي سؤال ..؟..
جوري : اسالي ..
رنا : امممممم .. ريان اخوكي موجود ..
جوري بإستغراب : لا والله مو موجود ..
رنا : اجل .. ابرار وصليني بيتنا ..
جوري وابرار : ههههههههههههههههههههههههههههههه ..
ابرار : يلا مره ثانيه ان شاء الله ..
جوري : انتي ادخلي الحين بعدين اجيب لك ريان لبيتكم ..
رنا : وعد ..
جوري : مدري ..
رنا : يلا دام ماتدري يعني احتمال .. يعني ندخل ..
دخلوا وقاموا البنات سلموا ..
هيفا : الله الله وش عندها ابرار وش هالكرم .. كيكتين مره وحده .. وش المناسبه ..
ابرار : وحده مني ووحده من رنا .. والمناسبه مو لازم تعرفين ..
رنا : لولو كيفك دحين .؟.
لولو : الحمد لله ..
رنا طالعت ابرار : ابرار ..
ابرار فهمتها : طيب خلاص .. عن اذنكم ابي اختي بكلمة راس ..
اخذتها ابرار وطلعوا برى ..
لولو : وشو ..
ابرار : انتي اللي وشو .. شفيك ..
لولو : مدري والله .. خايفه ..
ابرار : من ايش ..
لولو : مو عارفه ..
ابرار : على حمد يعني ..
لولو : شدراك ..
ابرار : لاني قبل ساعه كنت نفس حالتك بس الحمد لله ..
لولو : ليه صاير له شي ..
ابرار : انتي تكلمينه صح ..
لولو : مره دق علي .. بس .. وانا دقيت عليه اليوم وجواله مقفل ..
ابرار : اممممممممم .. خلاص بكرى دقي يمكن يرد عليك ..
لولو : ليه صاير له شي ..
ابرار : مو صاير شي .. لولو .. انا وعدته ما اقول يعني ماله داعي اقولك .. بس امانه لاتقولين شي ..
لولو : ماراح اقول .. وشو ..
ابرار ابتسمت : ماراح اقولك ..بس الي بقولك اياه انه بخير الحمد لله ماله داعي خوفك هذا ..
لولو : كلمتيه ..
ابرار : لا ..
لولو : اجل لا تتفلسفين ..
ابرار : انا ادري اذا بخير ولا مو بخير ..
لولو : وش دراك ..
ابرار : أأأ سعود كلمهم قبل شوي ..
لولو : قولي والله انهم بخير ..
ابرار : والله ..
لولو : طيب بصدقك ..
ابرار تقبصها : غصب عليك تصدقيني ..
لولو ابتسمت : لا والله ..
ابرار : هههههههههه فديت هالابتسامه .. يلا خل ندخل ..
دخلو داخل وبعد شوي رن الجرس وكانت بنت خالة جوري .. رهف .. دخلتها داخل وسلوا على بعض وجلسوا يسولفون ..

 

 

[`·.آلـحـآلـم`·.]

≈ فــيـ .. المانيا ≈
محمد : الحمد لله على سلامتك ..
حمد بصوت شوي تعبان : الله يسلمك .. تسلم يامحمد ماقصرت والله ..
محمد : وش دعوى .. غالي وعزيز يا حمد ..
حمد : تسلم والله ..
ماهر : والله خوفوني حسبي الله عليهم ..
حمد : هههههههه ليه ..
ماهر : طلعت وحده تركض تنادي تقول بنك الدم .. مره خفت .. على بالي صار لك شي لا سمح الله ..
حمد : الحمد لله على كل حال ..
ماهر : الحمد لله .. شفت ماقلنا لك .. توكل على ربك وكل شي بينحل .. يلا الحين اضحك على نفسك ..
حمد : ههههه .. تسلمون لي والله ..
ماهر : يلا خذ الجوال دق على فهد ..
حمد : وليه ادق عليه ..
ماهر : ذبحني وهلكني وامّني .. اول ماتقوم من النوم تدق عليه .. يقول بتطمن عليه ..
حمد : ليه قايلين لهم شي انتم ..
ماهر : لا .. بس قلت اننا مسوين حادث .. ياخي مره خايف قلت خلني اسكته ..
حمد : حادث الله يهديك عاد ..
ماهر : وش اقوله يعني .. مسوي عمليه ..
حمد : هات جوالي طيب ..
ماهر : دق من جوالي ..
حمد : ليه بعد ..
ماهر : هههههههههه قايل لهم ان جوالك خربان ..
حمد : ههههههههههههه الله يستر منك ياخي .. هات ..
دق ماهر على فهد ..
فهد كان قاعد معهم على العشا بس ساكت ولا يآكل كثير .. اول ماشاف رقم ماهر رد ..
فهد : هلا ..
حمد : مرحبا ..
فهد : هلا وغلا مرحبا .. وينك يارجال .. من الصبح ادق يقولون لي نايم .. وش فيك ..
حمد : هههههههههه عطني فرصه طيب ارد عليك .. بعدين لاتقعد تقول شي اذا عندك احد ..
فهد : طيب لحظه ..
قام فهد بيطلع ..
عبد العزيز : فهد وين ..
فهد : بكلم يبه شوي وراجع .. "طلع منهم" .. ايوه .. كيف الحال .. الحمد لله على السلامه ..
حمد : الله يسلمك ..
فهد : عسى ماجاك شي ..
حمد : لا الحمد لله جت سليمه ..
فهد : الحمد لله .. والله ياحمد قلبي قابضني من الصبح .. دقيت عليكم ورد محمد وقال انك انت وماهر نايمين .. والله خفت انت ماتنام لين ذيك الحزه .. دقيت مره ثانيه محد رد علي .. وبعدين دقيت محد رد .. اخر شي دقيت على ماهر من كبينه ورد علي على طول الوصخ .. قهرني ..
حمد : هههههههههههههههه فديتك .. ليش قلبك قابضك ..
فهد : مدري .. بس كذا .. والله يوم سمعت صوتك احس براحه غريبه .. ياحياتي رائد ومشاري عصبت عليهم قبل شوي .. كله منك .
حمد : فديتك والله ياخي .. ايوا والاخبار عندكم ..
فهد : والله كلو تمام .. احم احم .. خطبت ..
حمد : لا لا .. متى ..
فهد : امس ..
حمد : مبروووووووك .. ومنهي سعيدة الحظ ..
فهد : ههههههه تستلكع يعني .. من غيرها فديت قلبها جوري ..
حمد : يلا يا عمي الحين تقدر تغازلها على كيف كيفك ..
فهد : ايه خلاص خطيبتي .. بس تدري اني مو مبسوط ..
حمد : ليه ان شاء الله مو هذا اللي تبيه من زمان ..
فهد : اوكي هذا اللي ابيه .. بس .. ابيه يجي برضاها .. موغصبن عليها ..
حمد : ليه غصب وش صاير ..
فهد : لما ترجع اقولك .. الا متى راجعين ..
حمد : مدري .. محمد .. متى بنرجع ..
محمد : امممممممم يمكن اسبوع او 10 ايام على حسب ..
حمد : يمكن 10 ايام ..
فهد : او اسبوع على حسب ..
حمد : ههههههههههههههههههههههه .. مشاء الله قاط اذنك ..
فهد : هههههههههههههههههه لا اله الا الله ..
حمد : يلا مااستحمل لين اجي قلي السالفه ..
فهد : حريمه .. ملقوف .
حمد : من اخوي ..
فهد : هههههههههههههههههههه ..
قاله فهد كلللللللل السالفه ..
حمد : قويه والله ..
فهد : وش قويه ياخي والله لو على رقبتي مايآخذها ..
حمد : الله يعينكم على بعض .. بس ترى والله بياثر ..
فهد : وشو اللي بيأثر ..
حمد : انها بتآخذك غصبن عنها ..
فهد : وليه ان شاء الله .. هي تدري من زمان اني ابيها واحبها .. ليه مارفضت ولد خالتها على طول .. ليش تقول بفكر .. ولا تحسب قلبي لعبه ..
حمد : مو على كذا يافهد .. بس ماراح تحس بالشي اللي تبيه منها يعني ماراح تعطيك مثل ما بتعطيك لو كانت موافقه برضاها ..
فهد : لا تخوفني ..
حمد : والله جد ..
فهد : اففففففف اشيل هم ترى .. بعدين هي اللي استفزتني خير ان شاء الله تقول بوافق عليه ..
حمد : ههههههههههه انت اكيد قهرتها ..
فهد : ياحمد تشك فيني ..
حمد : طيب عادي خل تشك .. انت قلت انك فتحت السبيكر وانت تكلم خالتي وقالت الكلام اللي قلت لها اياه ..
فهد : افففففففف احسها مو مصدقتني ..
حمد : خلاص اهم شي بتآخذها ..
فهد : قلت لك ابيها برضاها ..
حمد : لاتقعد تلحس مخي .. توك تقول انها كانت بتوافق على ولد خالتها .. يعني لو مارحت كلمة عمي كان الحين مخطوبين لبعض وانت تصير برى الموضوع ..
فهد : لا اجل احسن ..
حمد : ههههههههههههه .. يلا اجل ..
فهد : وين وين انا ماصدقت اكلمك ..
حمد : والله يا فهد تعباااان ابي انام شوي ..
فهد : حسبي الله على بليسك توك قايم .. حتى صوتك فيه آثار النوم .. توك مابعد صحصحت عشان ترجع تنام ..
حمد : عاد فيني نوم وش اسوي ..
فهد : طيب خلاص لا تدف .. يلا .. سلم على اللي عندك ..
حمد : يوصل ..
سكر منه ..
ماهر : هاه خلاص ..
حمد : ايه .. تدري خطب جوري ..
ماهر : اسمعك تقوله .. مبرووووووووووك ..
حمد : الله يبارك فيك .. العقبالك ..
ماهر : يلا قريب ان شاء الله ..
حمد : فيه احد ببالك ولا اختيار عشوائي ..
ماهر : تقدر تقول فيه احد ..
محمد : عبير ..
ماهر : هههههههههههههههههههههه فضيحه ..
حمد : ههههههههههههههه من ورانا ياماهر .. يلا من عبير ..
ماهر يطالع محمد اللي يبتسم ببراءه : الله يهديك انت ..
دق جوال ماهر : هذي اميره .. وش تبي ..
حمد : رد طيب ..
ماهر : هلا اميره ..
اميره : اهلييييين .. كيفك ..
ماهر : الحمدلله تمام .. انتم شخباركم ..
اميره : والله بخير الحمد لله .. شخباركم ..
ماهر : زينين الحمد لله ..
اميره : دوم ان شاء الله .. ايوه .. كيف الحال ..
ماهر : هههههههههههه اميروووووووه ..
اميره : هههههههههههههه .. لا كيف الحال الثانيه لحمد ..
ماهر : الحمد لله طيب ..
اميره : وينه هو ..
ماهر : هنا عندي وش تبين فيه ..
اميره : ما ابيه بس ولاء تبي تكلمه ..
ماهر : ولاء .. وش تبي فيه بعد ..
ولاء : لقافه سبحان الله ..
ماهر : هههههههههههه اهلين .. طيب تنحنحي سلمي تكلمي زي العالم مو على طول هواش ..
ولاء : احـم احـم .. السلام عليكم .. شخبارك ان شاء الله بخير .. والله كلنا بخير ونعمه الحمد لله كللللللللللللللهم يسلمون عليك .. وحده وحده .. يلا عاد عطني حمد ..
ماهر : ههههههههههههههههههههههههههههه .. حسبي الله على بليسك . طيب لاتآكليني ..
ولاء : هههههههههههه ..
ماهر : حمد .. ولاء تبيك ..
حمد : الووو ..
فتحت ولاء السبيكر عشان لولو : اهليييييييييييين ..
حمد : هلا هلا .. كيفك ..
ولاء : الحمد لله بخير انت شخبارك ..
حمد : دوم ان شاء الله .. انا بخير ونعمه .. شخبار اللي عندك ..
ولاء : والله كلهم بخير ويسلمون عليك ..
حمد : من عندك ..
ولاء : احــم احـــم .. عندي لوووولوووو ..
حمد : ههههههههههههه سلميلي عليها طيب ..
ولاء : لولو يسلم عليك حمد ..
هيفا : مسويه يعني .. ترى تسمع ..
ولاء : اششششششش ..
لولو : الله يسلمه ..
ولاء : تقولك الله يسلمك ..
حمد : وياها ان شاء الله .. ايوى .. رغد اختي وينها ..
ولاء : مدري صار لنا كم يوم ماشفناها .. ايه صح ذكرت سمعت فهد يقول انها ببيت خوالك ..
حمد : آآهـــــآآآآ ..
ولاء : متى بترجعون ..
حمد : بعد اسبوعين تقريبا ..
ولاء : ليه .. يعني ماراح تحظر خطوبة اخوك فهد ..
حمد : مدري اذا اجلوها حظرت ..
ولاء : طيب تدري من خطب ..
حمد : من يعني اكيد جوري .. هو فيه غيرها مجننته وشاغله تفكيره ..
ولاء : ايوا ايوا .. وانت محد شاغل تفكيرك .. " غمزة للولو "
طقتها لولو : وقحه ..
حمد : ههههههههههههههه وش تبين فيني انا .. خليك بفهد وجوري ..
ولاء : لا قلت يعني نسال عشان نحجزها لك لما تجي ..
حمد : لا ماعليك هي حاجزه روحها اصلا ..
ولاء : يعني فيه وحده ..
حمد : هههههههههه انتي وبعدين معاك ..
ولاء : لا عادي بس عشان اساعدك ..
حمد : شكرا .. مابي مساعده ..
ولاء : براحتك .. بس انا قلت يعني يمكن تبي .. بس خلاص براحتك ..
حمد : هههههههههههه مشتغله خطابه يعني ..
ولاء : عادي ليه لا اشتغل وش وراي ..
حمد : هههههههههههه ..
اميره : خلاص انتي .. يلا ..
ولاء : ياربيه حمد .. هذي خايفه على فاتورتها .. يلا تامر شي ..
حمد : لا سلامتك
ولاء : اوكي الله يسلمك .. ترى عادي تجيب لي هديه ..
حمد : ههههههههههههههههههههههههه ان شاء الله .. يلا يلا عشان ماتذبحك اميره ..
سكرت ولاء ..
ماهر : خلاص ..
حمد : خلاص .. تعبان والله ..
محمد : خلاص اجل انت الحين ارتاح وحنا بنجيك بكرى .
حمد : اوكي .. اقول ..
محمد : هلا ..
حمد : متى بطلع من المستشفى ..
محمد : مدري .. بسأل واشوف ..
حمد : تراني طيب مافيني شي .. ابي اطلع بسرعه ..
محمد : خلاص اشوف الدكتور انت ارتاح الحين ..
حمد : مشكور ..
طلعوا من عنده وهو سند راسه وعوره ..
حمد : اي .. الحمد لله اللي عدت على خير .. الحمد لله

 

 

[`·.آلـحـآلـم`·.]

طلعوا البنات من بيت فارس على الساعه 12 اخذهم مشاري بيوديهم بيت جدهم ..
≈ بـــ .. السياره ≈
دق جوال مشاري وكانت اسيل ...
اسيل : مرحباااااا ..
مشاري : مرحبتييييين .. اهلن اهلن ..
اسيل : هلا فيك .. كيفك ..
مشاري : والله بخير الحمد لله .. انت شخبارك ..
اسيل : الحمد لله بخير دامني اسمع هالحس بخير ..
مشاري : تسلم والله ..
اسيل : اممممممم شكل عندك احد وموقادر تكلمني ..
مشاري : من ناحية عندي احد عندي .. بس ما اقدر اكلم لا عادي ..
اسيل : اها طيب اقفل ولا اسولف عادي ..
مشاري : هههههههههههه اللي يريحك ..
اسيل " فديت ضحكتك تدوخ ياخي " : اممممممممم طيب .. وش اسولف فيه .. دور سالفه ..
مشاري : مدري والله .. اللي يخطر ببالك ..
اسيل : طيب .. امممممممم .. وينك ..
مشاري : هههههههههه هذا اللي قدرت عليه .. انا بالسياره ..
اسيل : يا سلام عليك .. وانا كل مادقيت عليك لقيتك بالسياره ..
مشاري : وش اسوي طيب .. مشاغل ..
اسيل : طيب يا بزنس مان .. شغل المسجل عندك ..
مشاري : وش احط ..
اسيل : حط الاف ام بسرعه .. فيه اغنيه مره تجننن ..
مشاري : اوكي .. " فتح الاف ام وكانت اغنية عبد المجيد عبد الله مليون خاطر " .. اووووو هذا ايش ..
اسيل : هذا مجووودي ..
مشاري بطنازه : لا والله ..
اسيل : ههههههههه والله ..
مشاري : ادري عبد المجيد بس ايش يعني مناسبة الاغنيه .. اهداء مثلا ..
اسيل : اممممممممممم .. يمكن تقدر تقول نص اهداء ..
مشاري : هههههههه نص .. لا انا ما احب النص .. احب كامل ..
اسيل : ههههههههههههه خلاص ولا يهمك .. كامل كامل ..
مشاري : يسلمووووو ..
ولاء بصوت واطي : من يكلم ..
نوره : وش دراني ..
ولاء : يمكن حمد ..
نوره : يمكن ..
وقفوا عند البيت .. ونزل مشاري قبل البنات ..
ولاء : خير ..
نوره : وشو بعد احمدي ربك جابك .. يلا انزلي ..
ولاء : ليش ينزل قبلنا ..
نوره : يوووووووه بتسوينها قضيه يلا انزلي ..
نزلوا كلهم ودخلوا جوى وسلموا على الحريم ..
عايشه : هاه عسى استانستوا ..
هيفا : وأحد يروح بيت عمي فارس ولا يستانس ..
امل : وه بس ياناس فدييييتك ..
هيفا : حتى انا بعد فديتك ..
شيخه : يلا بنات مشينا ..
الجده : لولو خليها ماشفتها ..
ولاء : بس لولو يمه .. وحنا ..
الجده : انتم كل وحده على بيتهم يلا ..
هيفا : افااااااااااا .. ماهقيتها يمه ..
الجده : هقيتيها ولا ماهقيتيها .. لولو عندي الليله ..
شيخه : ماينفع يمه رائد وفهد موجودين ..
الجده : عادي وش فيها .. هي فوق وهم تحت .. مهب نايمين بغرفه وحده ..
الكل : هههههههههههههههههههه ..
لولو : يمه اجيك من بكرى الصباح .. اليوم بروح البيت بغير ملابسي ..
الجده : من الصبح تجين ..
لولو : انشاااااء الله ..
الجده : خلاص اجل .. الله يحفظك ..
طلعوا الكل وراحوا على بيوتهم ..

ޝޝޝޝ…¤_¤… من بعد اسبوعين …¤_¤…ޝޝޝޝ
فهد خطب جوري رسمي ووافقوا بس طبعا غصب عنها ماتقدر تقول شي لابوها ورائد اللي مره مستانسين .. نواف يوم عرف انقهر بس قال ولد عمها احق فيها .. مشاري لازالت علاقته بأسيل وصارت تدق عليه كل شوي .. تهاني خلاص ملكتها بعد اسبوع .. وليلى لين الحين موراضيه تكلمها ومشاري بعد مايكلم ليلى .. ولولو كل يوم حمد يدق عليها وهو مسافر بس مايتعدى سلام وسؤال عن الاهل ويقفل .. وغيدا صارت تحب رائد اكثر من اول .. ورائد فك الجبس اللي بيده باقي بس اللي برجله .. وساره تمت خطوبتها على ناصر ووافقوا .. والباقين على حالهم .. حمد اليوم رجع .. راح البيت وبدل ملابسه مالقى احد بالبيت دق على ماهر وقاله ان الخدامه قالت له انهم راحوا البيت الكبير .. جا ماهر ومر على حمد واخذه وراحوا بيت الجد .. دخلوا وسلموا على الكل .. بس كانوا مشاري وفهد مو موجودين .. تجمعوا كلهم وجلسوا بالحوش .. حمد جلس جنب جدته .. وشافت اللزقه اللي براسه مع ورى .. وانهبلت .. وقالولها انه حادث خفيف .. وسكتت .. وهم يسولفون دخل فهد وشاف حمد ..
فهد : حموووووووووووووووووودي ..
حمد : اهليييييييييييييييييين ..
قام وسلموا على بعض بقوه .. كنهم ماشافوا بعض من سنين ..
فهد : ياخايس .. والله لك فقده ..
حمد : هههههههههههه خايس ولي فقده .. بعدين متروش قسم بالله قبل شوي .. بعد بحمامك ..
فهد : شف السراق .. من وين جبت مفتاح غرفتي ..
حمد : معي مفتاح ثاني .. ولا ناسي انك معطيني ..
فهد : ايه صح .. فدييييييييييتك .. والله فقدتك .. " التفت على ماهر" .. هلا وغلا بالكذاب الكبير ..
ماهر قام وسلم عليه : هلا فيك والله .. بعدين تعال وش سوييييييت ..
فهد : يعني مسوي برئ ماتدري ..
ماهر : والله ما ادري ..
فهد غمز له : وعبـــ ..
سكر ماهر فمه : ههههههههههههههههههههه .. خير فضيحه ..
فهد : ههههههههههههههههه .. اقولك وعبادي الجوهر يعني وين راح ..
ماهر : ههههههههههههههههههههههههه ..
رائد : عاش مصرف ..
ماهر : ههههههههههههه نكبه ..
الجده : اجلسوا ليه واقفين ..
فهد : ابي اجلس جنبك ..
حمد : لا مكاني .. يكفي انك خطبت قبلي بعد بتاخذ مكاني .. هذا اللي ناقص ..
فهد : وانت ماقلت لي انك تبي تخطب ..
حمد : ولو قلت لك اني بخطب بتصبر لي لين اجي ..
فهد بإبتسامه : لا طبعا ..
حمد : ههههههههههه خلاص اجل دور لك مكان ثاني ..
فهد : احسن ..
الجده : احسن انك منتب جالس جنبي ..
فهد : لا يمه .. لاتفهميني غلط ..
الجده : اجل وش قصدك بأحسن ..
فهد : بعدين اقولك يمه خليها بيننا ..
رائد : ههههههههه تورطت ..
فهد : بقوه ..
الكل : هههههههههههههههههه ..
جلس فهد بين رائد وحمد ..
فهد : ايوه .. ومنهي سعيدة الحظ اللي بتفوز بأخوي حبيب قلبي ..
حمد : وحده ..
فهد : قالوا لي واحد ..
حمد : لا لا معلومه غلط .. وحده ..
فهد : آآآ .. اشوى اللي علمتني .. ايوه ومنهي ..
حمد : قلت لك حده ..
الجده وهي تأشر بعصاتها : حمد مايآخذ الا لولو .. الغالي للغاليه ..
لولو مره استحت وحمد ابتسم وغمزله ماهر ..
الجده : ولا شرايك يا حمد ..
حمد : والله دامك انتي اللي اخترتيها ما اقدر اقول شي .. بعدين وين بلقى احسن من بنت عمتي ..
عبد العزيز : خير ما اخترتي يمه ..
لولو على طول قامت ..
ولاء : استحت ..
الجده : وانتي ليه ماتستحين ..؟..
ولاء : وليه استحي ..
الكل : هههههههههههههههههههههههههههه ..
قامت ولاء وراحت ..
حمد : الحين هي اللي استحت ..
دخل عليهم مشاري : السلاااااااااااام عليكم ..
حمد وقف له : هلا وغلا والله ..
مشاري : هلاااااااا مليوووون ..
راح له وسلم عليه وضمه ..
مشاري : الحمد لله على السلامه يالغالي .."همس له".. ترى دريت بالعمليه ..
حمد تغير وجهه : الله يسلمك .. وش دراك ..
مشاري : دريت وبس .. شخبارك الحين ..
حمد : الحمد لله بخير ..
مشاري : دووم يارب ..
جلسوا .. والبنات قاموا ودخلوا جوى ..
≈ عــنـد .. البناتـ .. ≈
اميره : اخيرا بنفتك منك يا لولو ..
ساره : الا قولي اخيرا .. وافق شن طبقه ..
تهاني : الف مبروك يا لولو .. والله تناسبون لبعض ..
لولو : خلاص اسكتوا احرااااااااااااج ..
البنات : هههههههههههههههههههه ..
لولو : الله يهديها امي لولو يعني قدام الخلق كلهم .. والله استحيت ..
هيفا : اجل وش تقولين بولاء .. اول ماقمتي قالت استحت قالت امي لولو وانتي ليه ماتستحين ..
لولو : هههههههههههههههههههههههههههه .. احسن ..
ولاء : وجع ..
نوره : خلاص الحين نقدر نطلع الثمامه ..
جواهر: ايه صح ..
غيدا : بس رائد الجبس لين الحين برجله ..
ولاء : عادي ترى بيجلس مو مناقز ..
غيدا : لا مايصلح ..
ولاء : الا يصلح .. اجل نقعد لين نهاية العطله محبوسين بالبيت ..
لولو : وش فيها انحبسي ..
ولاء : لا والله ..
ساره : ايه والله ..
ولاء : اففف خلاص خلاص سكروا الموضوع ... احم احم .. تهاني .. وش شعورك ان بعد اسبوع ملكتك ..
تهاني : الله يقطع بليسك وش جاب هالطاري الحين ..
ولاء : بس يعني انسألوه ناس قبلك .. جا دورك ..
تهاني : عادي .. بس خايفه ..
ولاء : اختاري ياعادي ولا خايفه ..
تهاني : خايفه ..
ولاء : ههههههههههههه تعيشين وتآكلين غيرها ..
البنات : هههههههههههههههههههههههههههههههه ..
تهاني : سخيفه ..
جلسوا كلهم لييييين الساعه 12 وبعدها كل واحد راح على بيته

 

 

[`·.آلـحـآلـم`·.]

ޝޝޝޝ…¤_¤… فيوم ملكة تهاني …¤_¤…ޝޝޝޝ
كانت تهاني من الصباح وهي تصيح وامها وهيفا عندها يسكتونها .. بس ماقدروا .. عايشه ماتحملت وقامت عنها طلعت برى .. نايف سمع صوتها ودخل عندهم ..
نايف : تهاني شفيييييييك .. احد يصيح يوم ملكته ..
تهاني : ايه .. المغصوب اكيد بيصيح ..
نايف انصدم توه يدري انها مغصوبه على الزواج ..
نايف : مـــغـــــصـــــــــوبــــــه ..
تهاني : ايه .
نايف : ليه ماقلتي انك ماتبينه من قبل ..
هيفا : ابوي ماترك لها فرصه تتكلم .. تهاني خلاااااااااص ..
نايف : وابوي ليه يغصبها ..
هيفا : عشان ولد اخوه ..
نايف : اففففففففف .. قهر .. والله لو ادري انك ماتبينه من قبل قسم بالله لا اروح اقول لعمي ان تهاني ماتبي مشعل ..
هيفا : خلاص الحين ماتنفع لو .. اليوم الملكه .. خلاص ياتهاني والله حرام اللي تسوينه بنفسك ..
تهاني : قوموا اطلعوا برى ابي اجلس بلحالي ..
هيفا : لا مافيه ..
نايف : قومي تهاني نطلع شوي ..
تهاني : وين نروح ... ؟؟ ..
نايف : نتمشى .. نروح اي مكان .. بس قومي ..
تهاني وبدون نقاش قامت غسلت وجهها وبدلت ملابسها وطلعت لهم بالصاله لابسه عبايتها ..
تهاني : يلا .
هيفا : ابروح ..
تهاني : يلا طيب ..
قامت هيفا ولبست عبايتها وطلعوا الثلاثه وراحوا ( د.كيف ) اللي بطريق الملك عبد الله ..
دخل عبد الله البيت ومالقى احد راح الغرفه لقى عايشه جالسه ..
عبد الله : السلام ..
عايشه : هلا وعليكم السلام ..
عبد الله : وين عيالك ..
عايشه : طلعوا ..
عبد الله : وين راحوا .؟.
عايشه : يتمشون ..
عبد الله : وش يتمشون واليوم ملكة اختهم .. وتهاني راحت معهم ..
عايشه : اصلا طلعوا عشان تهاني ..
عبد الله : يا سلام .. وليه تخلينهم يروحون ..
عايشه : والله البنت ضايق خلقها واخوانها طلعوها .. شفيها يعني ..
عبد الله : يعني ماتدرين اليوم ملكتها ..
عايشه : ايه ادري .. خلاص عبد الله شوي ويرجعون ..
عبد الله : كم صار لهم طالعين ..
عايشه : ساعه تقريبا ..
عبد الله : يلا دقي عليهم خل يرجعون ..
عايشه : هم بيرجعون بدون ما ادق عليهم ..
عبد الله : اقولك دقي يوه ..
عايشه : خلاص ان شاء الله بس لاتعصب ..
راحت عايشه ودقت على جوال تهاني وكان مقفل .. قامت دقت على هيفا ..
عايشه : هيفا وينكم ..
هيفا : بالرياض ..
عايشه : لاتستهبلين معاي .. وينكم ..
هيفا : ههههههههههههههههههههههههه ماماتي حبيبتي ليه معصبه ..
عايشه : ابوك هاوشني عشانكم وتقولين ليه معصبه .. يلا اشوف ارجعوا ..
هيفا : يؤ يؤ يؤ .. ابوي وينه الحين ..
عايشه : موجود فوق .. بسرعه مابي احط الغدا وانتم مو موجودين ..
هيفا : يلا ان شاء الله الحين جايين .. "سكرت" .. يلا يلا ابوي عصب ..
نايف : عصب ليه ان شاء الله ..
هيفا : مدري .. بس امي تقول انه معصب عشانا طلعنا يلا خلونا نرجع ..
تهاني : مابي ارجع والله مبسوطه ..
هيفا : تهاني تكفين يله .. مالي خلق ابوي يعصب زياده .. مابي اتهزء ..
تهاني : افففففففففف طيب يلا ..
قاموا وطلعوا راحوا البيت .. اول مادخلوا كان عبد الله وعايشه بالصاله جالسين .. دخلت هيفا بعدين نايف بعدين تهاني ..
عبد الله : الحمد لله على السلامه .. من وين ماشاء الله ..
نايف : قريب يبه ..
عبد الله : ومن سمح لكم تطلعون اليوم .. مو على اساس ملكة اختك ..
نايف : تهاني كانت متضايقه وطلعنا شوي ..
عبد الله : وليه متضايقه تهاني شفيك ..
تهاني : ولا شي .. عن اذنكم ..
راحت وطلعت غرفتها وقفلت الباب وانسدحت على سريرها كانت تبي تنام .. قامت طقت عليها هيفا ..
تهاني : وشو ..
هيفا : ياويلك لو ماتنزلين تتغدين .. امشي ..
تهاني : ليه ان شاء الله ياويلي ..
هيفا : مدري بس امي تقول خليها تنزل احسن لها ..
تهاني : ياربييييييييييييييه انا شسويت فيهم .. اففففففففففف .. يلا انزلي ..
وهم نازلين الدرج ..
هيفا : متى راح تروحين الكوافيره ..
تهاني : مدري .. يمكن العصر ..
هيفا : ليه مو قبل ..
تهاني : مالي خلق ..
هيفا : انا قلت لجوري تجي معنا ..
تهاني : فديتها ..
دخلوا غرفة الاكل وجلسوا معاهم ..

! ੂ۩ٍஜ۝√ فبيتـ اخو عبد الله √۝ஜ۩ੂ
محمد : وين مشعل ..
ملاك : بغرفته ..
محمد : روحي ناديه يجي يتغدى ..
وليد : انا بناديه ..
قام وليد وراح غرفة مشعل وطق الباب ودخل .. لقى الغرفه دااااااااافيه ومظلمه مسكر الانوار والستاير .. شكل الغرفه يجيب النووووم .. دوره لقاه نايم ..
وليد : مشعل .. مشعل ..
مشعل : هااااه .. خير ...
وليد : ياخي قم .. احد ينام لين هالحزه ..
مشعل : وش تبي فيني خلني نايم ..
وليد : ترى اليوم ملكتك يلا قم ..
مشعل : ياخي الله يضيق خلقك .. يعني هذي تصبيحه .."يقلده" اليوم ملكتك ..
وليد : ههههههههههههههههههههه .. يلا يلا قم ..
مشعل : وتضحك بعد .. اتمنى يزوجونك هيفا ..
وليد : اسكت فال الله ولا فالك .. طويلة اللسان ..
مشعل : ايه تحصل لك البنت .. طول وجسم وجمال ويكفي انها بنت عمك ..
وليد : يلا هذاك بتآخذ اختها يكفي ..
مشعل : لو اخذتها بإرادتي كان بكون مبسوط .. بس ..
وليد : وش تسوي .. يلا قم الحين ..
مشعل : وش تسوون ..
وليد : نتغدا ..
مشعل : ما اشتهي ..
وليد : يعنني .. يلا قم بس بلا دلع ..
مشعل : والله جد ..
وليد : يلا الهنوف تحت جايه مع عيالها وجايبه مشاوي .. يلا انزل ..
مشعل : والله لو بنزل عشان الهنوف مو عشان احد ..
وليد : ههههههههههه الا قل عشان المشاوي ..
مشعل يغمز له : خخخخخخخخخخخ لاتعلم احد ..
وليد : يلا طيب ..
قام مشعل ودخل الحمام وغسل وطلع ..
مشعل : اقول وليد .. امس اسمع مهند يسولف نص الليل بالصاله ويوم نزلت له مالقيت معاه احد ..
وليد : ماتعرف مهند .. بسم الله علينا .. مسكون ..
مشعل : كل تبن ..
وليد : ههههههههههههههههههههههههههه .. ياخي بتتزوج ولين الحين تخاف ..
مشعل : من قالك اخاف .. بس ما احب هالطاري ..
وليد : ايه طيب صدقتك ..
نزلوا الاثنين ولقوهم مخلصين غدا وجالسين بالصاله ..
مشعل وهو يشيل بنت اخته : هلا ببطوطة خالها .. هلا وغلا ..
الهنوف : شخبارك مشعل ..
مشعل : زي منتي شايفه على حطة ايدك .. عايشين ..
الهنوف : قل .. طيب .. الحمد لله .. زين .. اي شي .. مو كذا .. عايشين ..
مشعل : الحمد لله تمام .. بخير ونعمه .. طيب ولله الحمد .. ازقح ..
الهنوف : ههههههههههههههههههه دوم ان شاء الله ..
ملاك : وش شعورك يا مشعل ..
جلس جنب امه وبحضنه دانه بنت الهنوف
مشعل : شعور ايش ..
ملاك : شعور انك اليوم بتملك ..
مشعل : عادي .. شعور اي مواطن سعودي .. بيتزوج غصــ ... عادي عادي ..
الهنوف : يلا الله يوفقك .. وترى تهاني ماتتفوت ..
مشعل : الله يكتب اللي فيه الخير ..
وليد : يمه وين مهند ..
ام مشعل : مدري يقول بيروح يشوف اشياء بالجامعه مدري عنه ..
مشعل : اي جامعه اللي بتفتح له ..
وليد : يقول ابي احول من قسمي ..
مشعل : يقطع اوم العباطه اللي فيه .. عقب سنه كامله يبي يحول .. وين عايش هذا ..
دخل عليهم مهند : السلاااااااااااام ..
الكل : وعليكم السلام ..
مشعل : حولت ..
مهند : لحقوا وصلوا لك الخبر ..
مشعل : حولت ..
مهند : لا مافيه .. بعدين تحسفت على سنه ضيعتها من عمري ارجع ادرس مره ثانيه ..
مشعل : والله بغيت اعطيك محاظره احمد ربك ..
مهند : هههههههههههه الحمد لله كني حاس .. تعال تعال .. انت وش مجلسك .. ليه مارحت الحلاق .. بتخوف البنت على هالشكل ..
مشعل : وانت وش علييييييييييييك ..
مهند : الصراحه اخاف على شعور بنت عمي .. وبعدين لازم تتكشخ اخوياي يبون يشوفونك معرس ..
مشعل : ومن اللي لعب عليك قال اليوم عرسي مو ملكتي ..
مهند : يعني شي اسمه حفله .. يلا قم بوديك حلاق يخليك اوووووكي ..
مشعل : قل والله .. لا بروح الحلاق الي بزاوية الشارع ..
وليد : ههههههههههههههههههههههههههههههههههه .. تمزح ..
مشعل فيه الضحكه : لا ليش امزح ..
وليد : قم بس رح معاه قم ..
مشعل : مابي .. انا متقاول مع ابو هنود عشان يفضي لي مكان احلق عنده اليوم ..
مهند : بلا عبط مشعل .. انا توني مار على حلاق وقايله بجيب لك معرس وابيك تضبطه .. وش ابو هنود ذا ..
مشعل : ياحبيبي .. ومن طلب منك ..
مهند : محد طلب .. بس كذا .. هذي هدية ملكتك وزواجك ..
مشعل : اعووووذ بالله .. جلده ..
مهند : وش نسوي .. يلا يلا ..
مشعل : دندونتي تروحين معاي ..
دانه : اييييه ..
مشعل : خلاص اذا رجعت ابآخذك .. طيب ..
دانه : ايييه ..
مهند : على الاقل غيري الكلمه .. كل شي ايييه ..
وليد : توها متعلمتها شفيك انت ..
مهند : ايه تجربها فينا ..
طلعوا مشعل ومهند وراحوا الحلاق ..

 

 

[`·.آلـحـآلـم`·.]

ޝޝޝޝ…¤_¤… بعد صلاة العشا …¤_¤…ޝޝޝޝ
كانوا طبعا كل الاهل بالقاعه وكانت تهاني توها مخلصه وطالعه ملكة جمال كان فستانها ذهبي مع ترابي .. هيفا كانت مره حلوه .. لابسه فستان مخمل عنابي وفضي .. وهي خلقه بيضا .. والبنات كل وحده طالعه احلى من الثانيه .. جوري فستان فوشي بقوه طالعه تنور مع بياضها .. وابرار لابسه نيلي وفضي .. ولولو فضي .. وجواهر اسود مع فضي .. وساره تركواز .. وبيان احمر ناري .. وولاء عودي .. وليلى بطيخي .. ونوره مشمشي .. وغيدا لابسه اصفر .. واميره احمر واسود .. ورغد لابس وردي .. كانوا البنات جالسين عندها ماعدا ليلى ..
تهاني : وين ليلى ..؟..
نوره : مع امي تحت ..
تهاني : ناديها ..
نوره : امي تبيها ..
ملاك : مرحباااااا ..
قاموا البنات وسلموا عليها .
هيفا : هلاااااااااااا .. ملاكوه ادق عليك ماتردين ..
ملاك : جوالي مع وليد مو معاي ..
هيفا : اشوى اللي مارد .. مالي خلقه ..
ملاك : حتى هو يشوف رقمك يقول وش تبي ذي داقه ..
هيفا : ههههههههه تكفييييييين من زينه عاد ..
ملاك : ابعدي بس احلا منك .. خليني اشوف مرة اخوي .. فديتك يا تهاني .. بتذبحين اخوي على هالحلا ..
تهاني : فديتني دايم حلوه ما وقفت على اليوم ..
ملاك : مغرووووووووره مغروووووره ..
الكل : ههههههههههه ..
دق جوال ملاك : هلا ... ايه عندي .. مع العنود .. مدري .. دق عليها .. طيب لاتنافخ .. باي ..
هيفا : هههههههههههههه اكيد وليد ..
ملاك : وفيه غيره عصبي ..
هيفا : العنود والهنوف وينهم ..
ملاك : تحت .. يسلمون .. انا الصراحه سلمت على ماماتك وجدتك وعلى طووووووول رقيت ماسلمت على احد ..
هيفا : كفو والله بعدي ..
نايف من ورى الباب : احم احم .. ابدخل اعطي تهاني الدفتر ..
هيفا : فيه بنات ..
نايف : خل يتغطون ..
هيفا : لا هات الدفتر انا بعطيها ..
نايف : لا.. انا بعطيها .. يلا تغطوا لو سمحتوا ..
ولاء : يعني غصب تدخل .. حنا موجودين ..
نايف : من ولاء .. ياهلا والله .. طيب عنادا فيك انا بدخل .. يلا تغطوا .. ولا اقولكم لا تتغطون بس ابرار اللي تتغطى ..
ابرار : وليه ان شاء الله ..
نايف : خلاص متملكه مانبي منك شي ..
ابرار : ولو مو متملكه عادي افتش ..
نايف : اكييييييييييييييييد ..
البنات : ههههههههههههههههه ..
تغطوا البنات بشالاتهم ودخل مره استحى تمنى انه مادخل ..
نايف : سمي بالله ووقعي ..
تهاني : مااعرف اوقع ..
نايف : نسيت اجيب حق البصمه ..
تهاني : لا تستهبل .. وقتك الحين ..
نايف : مدري عنك فيه احد مايعرف يوقع ..
تهاني : افففففففففف ما اعرف طيب ..
نايف : وقعي اي كلام يلا ... شخبطي ..
تهاني : هههههههههه ..
ملاك : لا والله تبدى حياتها مع اخوي بشخابيط .
نايف : هذا صوت ملاك .. ومن زين توقيع اخوك عاد ..
ملاك : لو سمحت ما اسمح لك ..
نايف : لا انا انتظر الانسه ملاك تسمح لي اذا جيت بسب احد ..
ملاك : افففففففففف غثيث ..
نايف : طالع عليك .. العرق دساس ..
دق جوال نايف وكان وليد : هه دق وليد .. هلا ..
وليد : وين الدفتر ..
نايف : وش اسوي بتهاني تقول ما اعرف اوقع ..
وليد : لاحوووول .. افتح السبيكرطيب ..
نايف فتح السبيكر : فتحته ..
وليد : مرحبا تهاني ..
تهاني : اهلين ..
وليد : قبل التوقيع نقولك مبروك .. والله يتمم عليكم بخير ويسعدكم يارب ..
تهاني : تسلم والله امين ..
وليد : ماسمعتي المثل الشهير وش يقول ..
تهاني : وشو ..
وليد : يقول المثل الله يسلمك .. شخبط شخبيط لخبط لخبيط .. يعني امسكي القلم ووقعي اي كلام ..
البنات : ههههههههههههههههههههههههههههه ..
وليد : يلا الشيخ يبي دفتره يبي يتوكل ..
تهاني : ان شاء الله ..
وليد : نايف ..
نايف : هاه ..
وليد : يلا خل توقع عشان يجي دورك انت توقع بعدها .. بندور لك صبابه تآخذها ..
نايف : مخلي الصبابات لك ..
وليد : ههههههههههههه شفيك عصبت .. خلاص وحده من شلة الطقاقات ..
نايف : بعد مخليهم لك ..
وليد : خلاص يلا خل توقع بعدين نتفاهم على زوجة المستقبل ..
نايف : يصير خير .. " سكر منه " .. يلا تهاني ..
وقعت تهاني وصفقوا لها البنات .. حط نايف الدفتر على الطاوله وضم تهاني وبارك لها وباسها على راسها ..
نايف : الف ف الف مبروك .. الله يهنيك ان شاء الله ..
تهاني : آآمين فديتك تسلم لي ..
اخذ نايف الدفتر وطلع برى .. والبنات سلموا على تهاني وباركوا لها .. دخلت عليهم ليلى ..
ليلى : السلام عليكم ..
البنات : وعليكم السلام ..
ليلى قربت لتهاني وسلمت عليها وضمتها ..
ليلى : الله يوفقك يالغاليه .. الف مبروك ..
تهاني : توك تستوعبين تجين ..
ليلى : ماكنت بجي بس قلبي ماطاوعني ..
تهاني بين دموعها : حماره ..
ليلى : لاتصيحيييييييييييييييييين ..
تهاني بين دموع : هههههههه ما اقدر ..
هيفا : حسبي الله عليييييييييييييك يا ليلى .. ماصدقت متى زان مكياجها ..
ليلى : مو ذنبي اختك دلوعه ..
دخلت عليهم العنود وسلمت ..
هيفا : يلا بنات خلونا نرقص شوي ..
العنود : لا يا عمري ارقصي تحت .. مشعل برى بيدخل ..
البنات كلهم التفتوا على تهاني .. وتهاني بدت تخاف ..
تهاني : ليش يدخل الحين ..
العنود : حبيبي عشان تصورون ..
تهاني : نصور بعد الزفه مو الحين ..
العنود : الهنوف تقوله .. يلا بنات ..
دخلت امها وام مشعل والهنوف سلموا على تهاني وعلى البنات .. والبنات طلعوا برى .. طلعت ملاك لمشعل ..
ملاك : شعولي يلا تعال ..
مشعل : ضروري ادخل ..
ملاك : يلا عاد ..
مشعل : الله يعين .. يلا بطوطتي ..
دانه : يلا ..
دخل مشعل وهو ماسك يد دانه .. سلم على امه وعايشه وسلم على تهاني ووقف جنبها .. راحوا ملاك والعنود شغلوا المسجل وقاموا يرقصون شوي .. بعدين جت المصوره اخذت لهم كم صوره .. والبنات والحريم نزلوا تحت عشان شوي وتجي الزفه ..
≈ عــنـد .. البناتـ .. اولـ .. ما نزلو .. ≈
ساره : ماتوقعته كذا حلو ..
لولو : وسيم بقوه ..
هيفا : شفتوا عايلتنا كلها مزايين ..
ولاء : تدرين من ودي اشوف ..
هيفا : مين ..
ولاء : ودي اشوف هذا وليد ..
هيفا : يوووووووووووه .. هذا تعرفين وش معنى كلمة حلو .. شويه عليه ..
اميره : لها درجه ...
هيفا : يوه بس لو يدخل ..
نوره : عادي بعد الزفه وبعد مايروحون العالم خلي ملاك تقوله يدخل ..
هيفا : خلاص .. وبعد بقول لنايف يدخل هو والشباب ..
جواهر : وناسه بيصير زي ملكة ابرار ..
رنا : لا مافيه متل ملكة ابرار اكتر ملكه نحيسه ..
ابرار : رنااااااااااا ..
البنات : ههههههههههههههههههههههه ..
جتهم ملاك : هيفا تعالي حطي الشريط ..
هيفا : يلا ..
قامت هيفا وراحت مع ملاك .. وحطوا شريط الزفه .. ونزلوا الاثنين مع بعض .. كانت اشكالهم مره خقاق .. كانوا مره ناعمين .. بعد ما انزفوا وقفوا وبعدين شغلوا الانوار وحطو كم اغنيه .. ورقصوا خوات مشعل ومشعل يبتسم لهم ويلتفت على تهاني يلقاها منزله راسها ..
مشعل " الله يستر من اللي جاي " ..
تهاني " حرام اللي يصير فيني والله حراااام " ..
ملاك : ماتبين ترقصين ..
تهاني عطتها نظره : وش ارقص ..
العنود : عاااااادي .. يلا يلا تعالي ..
بدت اغنية تلفت الناس حقت عبد المجيد عبد الله .. وقامت تهاني ترقص عليها .. وكانت مره ناعمه .. البنات انصدموا اول مره يشوفونها كذا .. راحت الهنوف ووقف جنب مشعل وهو يطالع تهاني ..
الهنوف : فديتها حلوه ..
مشعل : ادري حلوه ..
الهنوف : احـم احــم ..
مشعل : ههههههه بطوطتي وينها ..
الهنوف : هناك ..
مشعل : جيبيها ..
راحت الهنوف وجابتها .. مسكها مشعل وقام يرقصها وهو يهز شوي .. والقاعه كلها تصفيق وتصفير .. سحبت دانه خالها ومسكت يد تهاني من جهه ويد مشعل من جهه وقامت ترقص بينهم .. ومشعل يطالعها ويضحك .. تهاني مره استحت ..
مشعل : شيطاااانه ..
دانه : خالي .. امسكها ..
مشعل بغى مسك دانه ويجدعها .. بس سكت وابتسم .. وطالع تهاني اللي ابتسمت ..
مشعل : احم يلا بقعد انتم ارقصوا ..
دانه : لاااااااااااااا ..
مشعل : وشو لا .. هـه خلصت الاغنيه ..
العنود جايتهم : احلى رقصه ..
مشعل : داري غطيت ع الكل ..
العنود : معلووووووووم ..
جتهم الهنوف : يلا حبايبي .. اطلعوا عشان تقطعون الكيكه ..
مشعل : يلا ..
انزفوا وطلعوا لصالة الطعام بعد ماقطعوا الكيكه ورقوا فوق مع الباب الخلفي ..

 

 

[`·.آلـحـآلـم`·.]

≈ عــنـد .. البناتـ .. ≈
هيفا : ملاااااااااااك ..
ملاك جايه : هاه وين بيت ابوك ..
هيفا : هههههههههه .. يلا ندخل الحريم للعشا وبنادي نايف وعيال خوالي يدخلون ..
العنود : ياسلام عليك .. بس عيال خوالك .. حتى اخواني يبون يدخلون .. عاد مهند متحلف لو ماتدخلوني بخرب عليكم ..
هيفا : ههههههههههههههههه .. طيب يلا ..
دخلوا الحريم للعشا وبعد ماطلعوا مابقى غير الاهل .. اهل مشعل وبعض عماته وخالات تهاني .. دقت هيفا على نايف وقالت له يدخل .. وملاك دقت على وليد وقالت له .. عاد دخلوا على اغنيه مره خرشه .. حقت عبد المجيد عبد الله .. ثلاث ايام .. طلعوا على المنصه وقاموا يرقصون ..
ساره : وين مشاري وحمد ..
ابرار : مدري .. اسكتي ..
ساره : الله يستر ..
هيفا : ولاء ولاء ..
ولاء : هاه ..
هيفا : شوفي هذاك اللي لابس غتره .. هذا وليد ..
ولاء : يلعن شكله حلو ..
هيفا : مزيون .. شفتي .. انا بروح اغسل ..
ولاء : روحي روحي ..
هيفا : ههههههههههههههه اعصابك عيونك لاتطلع ..
قبل لا تمشي مسكتها ملاك ..
ملاك : اقول هيفا ..
هيفا : هاه ..
ملاك : مين هذاك ابو ثوب بني .. وشماغ سكري ..
هيفا : ليه ..
ملاك : بس اسال .. مين ..
هيفا : هذا ولد خالي بس ترى خاطب ..
ملاك : خاااطب ..
هيفا : ايه خاااطب .. وتبين تعرفين من خطيبته ..
ملاك : مين ..
هيفا : هذيك المزيونه .. جوري ..
ملاك : يختي يهبل ..
هيفا : حتى جوري تهبل ..
ملاك : ايه والله كلهم حلوين .. يلا الله يهنيهم ..
هيفا : آآمين .. يلا بروح اغسل ..
تركتها هيفا وراحت للمغاسل .. غسلت ويوم طلعت صدمت بواحد طويل وبغت تطيح ومسكها ..
هيفا : وجع ..
بدر : يوجع العدو ..
هيفا : خير وش تبي .. ابعد عني ..
بدر : ياسلام عليك انتي اللي جايتني ..
بعدت هيفا عنه ..
بدر : وش هالحلاوه .. اول مره ادري انك قمر ..
هيفا حطت يدينها على خصرها : ومن قالك اني بشعه ..
بدر : محد قالي .. بس كنتي قمر واحلويتي زياده ..
هيفا : ادري حلوه .. شي غيره ..
بدر : سلامتك .. بس اقري على نفسك .. لحد يحسدك ..
هيفا : قاريه على روحي .. غيره .. واذا احد بيحسدني فهو انت ..
بدر : مالقيتي احد يحسدك غيري .. مافيه امل ..
هيفا : وليه مافيه امل ..
بدر : بس بعدين اقولك .. يلا روحي لحد يشوفك كذا ترى اغار .. لا وبعد لابستلي شي مفتح بعد يلا يلا ..
هيفا توها تستوعب انها واقفه قدامه بدون غطى وفستانها مره عاري .. حمر وجهها وركضت جوى وجلست بين العنود وجوري .. بس ماتكلمت والبنات بس يصفقون ..
نوره : اكيد جوري تصفق للحبيب ..
جوري : اصفق لريان اخوي .. فديته قمر ..
ملاك : اي واحد اخوك .
جوري : احلى واحد فيهم ..
ملاك : احلى واحد ابو ثوب بني ..
جوري لفت عليها وابتسمت : قولي والله ..
نوره : هههههههههههههه ..
ملاك : سوري سوري .. اقصد اخوي ..
نوره : اخوها اللي لابس ثوب اسود مخطط شوي دب ..
ملاك : هذاك ..
نوره : ايه ..
ملاك : آآهـآآآ .. والله حلو ماشاء الله ..
ولاء : ماشفتي رائد .. والله تخقين ..
ملاك : رائد مين ..
ولاء : بعد اخوها ..
ملاك : وينه ..
جوري : حظر شوي وطلع ..
ملاك : ليه مادخل ..
ولاء : مكسوره رجله مسكين .
ملاك : يوووووووه .. سلامته ..
جوري : الله يسلمك ..

≈ عــنـد .. مشاري ≈
كان اول مادخل مشعل جوى .. طلع من القاعه .. ولحقه حمد وركب معاه السياره غصبن عليه .. مشاري مايدري وين يروح .. مسك خط طويل .. وحمد ساكت بيشوف وش يسوي .. وبعد طول طريق .. وبعد ساعتين ونص طريق .. وصلوا عند البحر .. كان مشاري لاشعوري مسك خط الشرقيه .. وكان مره مسرع .. حمد طول الطريق مانطق ولا كلمه .. بيتركه على راحته .. بس بيكون معاه عشان مايسوي بنفسه شي .. وقفوا قدام البحر .. ونزل مشاري وترك السياره مشغله .. كان شماغه على كتفه وماسك العقال .. والطاقيه على راسه .. وماسك طرف ثوبه .. كانت حالته حاله .. راح ووقف قدام البحر .. بعدين جلس .. حمد طفى السياره ونزل وقفلها .. وراح جلس جنب مشاري .. وجلسوا نص ساعه ساكتيييييين .. مشاري يطالع بالبحر مايدري وش يسوي .. وحمد كل شوي يلتفت عليه ..
مشاري : راحت ..
حمد : الله يوفقها ..
مشاري : احبها ..
حمد : الله يوفقها ..
مشاري : آآمين .. حمد .. مو متخيل كيف بعيش دنيتي بدونها ..
حمد : اذا تحبها من جد ادع لها بالتوفيق يا خوي ..
مشاري : احبها .. هــه .. انت تقول هالكلام .. انت اكثر واحد تدري قد ايش احبها يا حمد .. " هنا مشاري خنقته العبره " .. حبيتها اكثر من تسع طعش سنه وتقول تحبها .. بنيت حياتي على امل انها تكون لي فيوم من الايام .. انام الليل واصحى واكل واشرب وكل شي اسويه وهي ماكانت تغيب عن بالي ولا دقيقه .. انت اكثر واحد تعرف قد ايش متعلق فيها .. من يوم كنت صغير .. وانا اموت فيها .. كنت اقول لنفسي حب مراهقه والزمن بيمحيه .. مادريت اني بكبر وبوصل هالعمر وهي بقلبي .. حبها مستحيل يروح من قلبي .. " بدت تنزل دموعه بالغصب " .. كنت اقولها بنبني بيتنا انا وياك وانتي اللي بتختارين كل شي ... كنت اقولها بجيب لك كل اللي تبينه .. كنت اقولها .. انتي اول واخر حب لي انتي اول من نبض لها قلبي وحركة مشاعري .. ما ادري كيف بعيش .. كيف بتخيل انها بتكون لواحد ثاني غيري انا .. كان الكل يقول مشاري لتهاني وش اللي غير الموضوع .. غير ابوها .. حسبي الله ونعم الوكيل .. ذبحها وذبحني .. هدم حياتي وحياتها .. ضيعني وضيعها .. زوجها لواحد هي ماتبيه .. وانا اللي اموووت فيها وتموت فيني مارضى يعطيني اياها .. هدم احلى شي بحياتي .. خلاني الحين بدون هدف .. انام بالليل ماعندي امل انه بيجي بكرى وتكون لي .. مستحيل اقدر اعيش عقبها .. الله يآخذني ويرحني من هالدنيا .. مابي دنيا بلا تهاني يا حمد مابي .. ليه كذا ليه .. حرام وربي اللي يصير فينا .. حـــــــرآآآآآآآم ..
حط راسه بين يدينه وجلس يصيييييييح .. مسكه حمد مع كتوفه وجلس يهديه ..
حمد : الله يهديك يا مشاري .. وش هالكلام .. الصياح مو للرجال وبعدين لو صحت بتقدر تنهي هالزواج ..
مشاري : حمد ترى لي قلب .. والله عندي مشاعر .. افهمني .. هذي تهاني مو اي احد ..
حمد : فاهمك والله فاهمك .. مشاري الله يعافيك .. قم خلنا نمشي ..
مشاري : مابي اروح مكان ابي اجلس هنا ..
حمد : شف الساعه كم الحين .. اكيد اهلك يدورونا .. وجوالاتنا بالسياره .. يلا قم ..
مشاري : اقولك مابي ارجع ماتفهم ..
حمد : خلاص خلاص اللي يريحك ..
قام حمد وفتح السياره ولقى جواله يدق ..
حمد : هلا فهد ..
فهد : وينكم انت ومشاري ..
حمد : ليه وش تبي ..
فهد : بنمشي .. وعمي سليمان راح بيتهم .. يعني مافيه احد بيودي اهله .. وين مشاري ..
حمد : فهد تصرف حنا مو قريبين ..
فهد : ليه وينكم ..
حمد : مو قريبين وبس لا تقعد تسال .. يلا تصرف ..
فهد : صاير شي ..
حمد : لا والله جالسين انا وياه شوي .. يلا باي ..
فهد : وينكم بجيكم .. والله احس فيه شي ..
حمد : حنا بالشرقيه تقدر تجي ..
فهد بصوت عالي : بالشـــــــــرقيــــــــــــــــــه ..
حمد : الله يفضحك ..
الجده : من اللي بالشرقيه ..
فهد : ولا احد يمه اركبي اركبي .. وين خالتي خلود خل تركب معنا انا بوصلهم بيتهم ..
حمد : يلا باي ..
سكر منه ورجع لمشاري ..

 

 

[`·.آلـحـآلـم`·.]

≈ عــنـد .. فهد ≈
فهد : يلا ..
خلود : وين مشاري ..
فهد : طالعين هو حمد .. يلا خالتي انا بوديكم ..
خلود : وليش مايجي مشاري يودينا ..
فهد : مو قريبين الحين .. يلا دامني هنا انا بوديكم ..
خلود : بس مشاوير عليك .. بتودينا بعدين تودي اهلك وبعدين خالتي بعدين امل .. صعبه والله ..
فهد : ياخالتي ماعليك .. يلا انتم اركبوا توكلوا على الله ..
ركبت خلود وبناتها .. والجده ركبت قدام .. وركبت امل وباقي جوري جالسه تسولف مع البنات عند الباب .. ودقت عليها امها ..
جوري : يمه امي دقت يلا .. باي ..
هيفا : خلاص بكرى عندنا بالبيت ..
جوري : اوكي .. العنود ملاك حبوبين بكرى نشوفكم .. باي ..
هيفا : باي ..
طلعت جوري وماكانت تقدر تشوف لانها متغطيه بطرحه .. قامت تلثمت وطلعت عيونها ومشت .. شافها فهد وقرب لها ..
فهد : حبيبتي غطي عيونك مليان رجال ..
جوري : مالك شغل فييني ..
فهد : جوري غطي .. اقولك مليان رجال ..
جوري نزلت الطرحه شوي على عيونها : اففففف وين السياره ..
فهد : هناك يا قلبي ..
مشت عنه بكل غرور ..
فهد : فديت المغروره انا ..
مشت وجت بتركب وفتح لها الباب وركبت وسكره .. وركب هو بعدين ومشوا ..
كانت جالسه ورى بين ليلى ونوره ..
ليلى بصوت واطي : الله الله عليك من الحين دلع .. يفتح لها الباب ويسكره ..
نوره : لا ومسويه ثقل ..
جوري : احسن .. ماعليكم ..
نوره : الله يعينك عليها يا فهد ..
فهد : نعم ..
نوره : لالا ولا شي ..
ليلى وجوري : ههههههههههههه ..
خلود : فهد ادق على مشاري ما يرد ..
فهد : دقيقه ادق على حمد .. " دق عليه ولا يرد .. رجع يدق ثانيه لين رد ".. هلا حمد ..
حمد : هلا ..
فهد : مشاري عندك ..
حمد : ايه عندي ..
فهد : خالتي خلود تبيه ..
حمد : مشاري امك تبيك .. كلمها ..
مشاري : مالي نفس اكلم احد اتركوني بحالي الله يعافيكم ..
حمد : يامشاري طمنها عليك على الاقل اكيد تحسب فيك شي .. كلمها شوي وقفل ..
مشاري : هات ... الوو ..
فهد : هلا مشاري ..
مشاري : اهلين .. وين امي ..
فهد : لحظه .. " مد لها الجوال " .. خالتي هذا مشاري ..
اخذت الجوال : هلا ابوي .. وينك ..
مشاري : هلا وغلا .. اتمشى انا وحمد ..
خلود : طيب ليه ماترد على الجوال ..
مشاري : جوالي بالسياره ..
خلود : وينك الحين ..
مشاري : قريبين .. قريبين .. شوي وبنرجع ..
خلود : طيب ابوي انتبه لنفسك ومن الطريق لا تسرع ..
مشاري : ان شاء الله .. يمه عطيني فهد ..
خلود : فهد يبيك ..
اخذ الجوال : هلا ..
مشاري : فهد الله لايهينك قل ليلى تعطيك ملابس لي وجبها لمزرعة جدي ..
فهد : ليه ..
مشاري : ليه .. لقافه سبحان الله ..
فهد : ههههههههههههه طيب لاتعصب علي وش سويت ..
مشاري : ماعصبت قلها تطلع لك ملابس وتعطيك اياها ودها للمزرعه ..
فهد : ان شاء الله .. كم تبي من واحد ..
مشاري : حق يومين او ثلاث ايام ..
فهد : اها .. اوكي طيب اوديهم هناك اليوم ولا بكرى ولا متى ..؟..
مشاري : لا اليوم اذا تقدر واذا ماتقدر بكرى اول ماتقوم جبها .. يلا فمان الله ..
فهد : ان شاء الله يلا مع السلامه .. مشاري .. انتبه من الطريق وخل حمد هو اللي يسوق ..
مشاري : وليه ان شاء الله ما اعرف اسوق انا ..
فهد : لا والله تعرف بس احب اخوي مابيه يروح بسبتك ..
مشاري : بسم الله علينا .. خلاص طيب بخليه يسوق ..
فهد : مشمش .. جيبولي من موية البحر ..
مشاري : ههههههههههههههههههههههههههههههههه ..
فهد : فديييييييييت هالضحكه ياناااااااس .. ههههههههههههههههه .. امزح امزح .. يلا يلا باي ..
مشاري : هههههههههههه بتتصفق باي ..
سكر منه ...
الجده : وينهم ..
فهد : بالثمامه ..
الجده : والثمامه فيها بحر ..
فهد : امزح معاه يمه ..
الجده : وش ذا المزح ..
فهد : عادي امون .. هاه يا اميمتي .. تنامين عندنا اليوم ..
الجده : لا بروح الشايب بالبيت الحاله ..
خلود : لا يا خالتي .. خالي عندنا بالبيت .. وانتي ان شاء الله معاه ..
الجده : ورى ماقالي ..
خلود : حتى هو مايدري انه بيروح بس سليمان وداه ..
الجده : يعني خطفتوه ..
الكل : هههههههههههههههههههههه ..
فهد : يمه وش خطفتوه .. يعني استضافه كم يوم .. خلاص تروحين بيت عمي سليمان اجل .. مايصلح تجلسين بالبيت الحالك ..
الجده : والله اني مدري ..
خلود : لا خلاص عندنا ..
الجده : طيب ..
≈ عــنـد .. هيفا بالقاعه ≈
ابوها راح البيت بدري .. ونايف راح مع ريان الساعه 2 راحوا يتمشون .. يعني مافيه احد يوديهم البيت .. قامت دقت على ولاء ..
هيفا : ولاؤووه .. مافيه احد يودينا البيت ..
ولاء : هههههههههههههه والهيلاكوبتر حقتك وينها ..
هيفا : يووووه موديتها صيانه .. ههههههههههههه .. وش نسوي ..
جتها تهاني : هيفا ..
هيفا : هاه ..
تهاني : يلا بتروحين مع وليد بسرعه امي ركبت مع مشعل وخالتي ..
هيفا : وانتي مع من بتروحين ..
تهاني : مع مشعل ..
هيفا : تتركوني بلحالي ..
تهاني : يلا بس روحي لو فيه مكان كان خذيناك بس مافيه يلا انقلعي اركبي بسرعه ..
هيفا : افففففففففف طيب همجيه وبيوم ملكتها بعد .. افففففف سخيفه .. الو انتي هي ..
ولاء ميته ضحك : ههههههههههههههههههههههههه .. احححححححححححححححسسسسسسسسسسسن ..
هيفا : سخييييييفه .. يلا باي ..
ولاء : هههههههههههههه باي ..
سكرت منها وراحت تدور سيارة وليد ..
≈ بــ .. سيارة وليد ≈
كانوا جالسين يحترونها ..
ملاك : يوووه شوفوها تدور السياره ..
وليد : يلا دقي عليها خليها تجي تركب ..
ملاك دقت : هيووفه .. تعالي شوفي السياره كرايزلر سودا ..
هيفا : اي وحده فيه ثنتين .. 2006 و 2007 . اي وحده ..
ملاك : ههههههههههههههه بعد تعرفين موديلاتهم .. وليد حقتك الفين وسته ولا الفين وسبعه ..
وليد : سؤال همجي .. الفين وسبعه .. بسرعه ..
هيفا : الهمجي هو .. خير ان شاء الله .. يلا جيت ..
ملاك : هههههههههه يلا طيب ..
فتحتلها ملاك الباب وركبت جنبها ورى وليد ..
هيفا : السلام عليكم ..
الكل : وعليكم السلام ..
وليد حرك ومشى : وعليكم السلام ورحمة الله .. هاه آنسه هيفا مابغيتي تركبين ..
هيفا : ما اعرف سيارتك طيب ..
وليد : وان شاء الله الحين عرفتيها ..
هيفا : ايه ..
وليد : الحمد لله يعني حصل لك الشرف تركبينها ..
هيفا : والله مازانت السياره الا يوم ركبت فيها ..
وليد : لا والله زينه قبل لا تركبينها ..
هيفا : ايه طيب ..
جا لهيفا مسج وفتحته وكان من ولاء ..
( هههههههههههه لين الحين اضحك عليك .. تستاهلين ) ..
قامت ارسلت لها ( ولاؤوه الحمار جالس يحارشني ) ..
( هههههههههههههه والله احس اني بموت من الضحك .. تساهلين احس اني مره مبسوطه عليك ) ..
( طيب يا زفته انا اورييييك .. انقلعي لاعاد ترسلين ) ..
دقت ولاء عليها وهيفا فتحت السبيكر بالغلط ..
هيفا : نعم ..
ولاء : ههههههههههههه اجل راكبه مع وليييييد .. من يحصله راكبه مع الزين كله ..
وليد : ناس ذوق قسم بالله ..
هيفا مره استحت وحمر وجهها تدور الي يسكر السبيكر مالقته من الارتباك طاح الجوال وولاء تسولف .. وملاك والعنود يضحكون ..
ولاء : تصدقين من شفته وانا خاقه .. ههههههههههههههههههه بس صوتك وانتي تقولين بركب مع وليدوه كان تحفه .. مت عليك من الضحك ..
اخذت هيفا الجوال وقفلت بوجهها السماعه وجلست ساكته ومره منحرررررررررررجه ..
وليد : اجل بتركبين مع وليدوه هاه .. يحصل لك الشرف لو ركبتي معاي .. الحمد لله والشكر .. مين الذوق هذي اللي تكلمينها .. يالبى قلبها ..
هيفا : ماعليك ..
وليد : بعد طويلة لسان ..
هيفا : اففففففففف ..
وليد : افين ..
هيفا : لاحول ولا قوة الا بالله ..
وليد : سلمي عليها .. ردي ردي دقت .. ولاتنسين السبيكر ..
هيفا : مالك شغل ..
ردة هيفا بصوت واطي : والله ما اخليك يالنكبه ..
ولاء : وش فيك .. ليه سكرتي بوجهي ..
هيفا : اذا رجعت البيت كلمتك .. يلا باي ..
ولاء : طيب .. لاتنسين .. باي ..
سكرت منها وجلسة ساكته .. وليد شغل المسجل على اغنية (شيرين بطمنك) وجلس يغني معاها .. وصلوا هيفا بيتها ووقفوا لها لين دخلت جوى بعدين مشوا ..
وليد : من اللي كانت تكلمها هيفا ..
العنود : يمكن ولاء ..
وليد : ولاء مين .؟.