[حلو التقاســـيم]

وشلون مايصير صبح العاصمه رايق ...؟
وأنتي دوامك صباحي وصاحيه بدري .....!!!
وأنا صباحي حزين وحيل متضايق=
مثلي كذا بأختصار / شلون ...؟؟ ما أدري ....!!
( نقابك ) اللي عليك بذمّتي لايق=
كنّك غديتي ملاك وطلّتك تغري ...!!
ياليت قلبي يصير لحضرتك سايق=
ويوصّلك كل صبح لمملكة قصري
خلّي ( دوامك ) وخلّي صبحك الفايق=
هنا أسكني وأرتوي من جنّتي وفجري ...!!
تعبت أنا أحزن تعبت أرجيك وأوايق=
أنتي أفهميها يابنت الناس من بدري ....؟؟!!!
ماعاد قلبي يطيق ولا ني بطايق=
كل الدروب المملّه تهتوي غدري
حتى الصباح الشحوب المخملي بايق=
جا يسرق النوم من عيني وأنا عذري ..
أنّي أحبّك وياللي بيننا عايق=
أكبر من اللي هقيته بس يا صبري ....!!!