[شيخ نفسه]

أحاول كتـم حبـي جـوف قلبـي ولكـن شـوق عينـي يخذلـنّـي
يميـن الله مـا بالقلـب غـيـره ولا مخلـوق بـعـده يشغلـنّـي
أحبـه ثـم أحبـه ثــم أحـبـه وفـي حبـه سهومـن جرّحـنّـي
نسيت اهلي وربعـي بعـد نفسـي وصـار الزيـن دايـم مشغلنّـي
أفكـر فيـه لحظـه بعـد لحظـه وربّـي مـا دقيـقـه فارقـنّـي
أهو شمعـه تنـور لـي طريقـي وانـا ظلمـى بغيـره مبصرنّـي
أشوف الزين فـي كـل الأماكـن غـدا طيفـه كظـل ملاحقـنّـي
أشوف الزين في عيـون الخلايـق واحسـب النـاس خلـي يتبعنّـي
أشـوف الكـل فـي حبـه تهنّـى وانا مـن ذا الهنـا خلّـي حدنّـي
أبـات الليـل سـهـران آتـألـم أفكّـر فـي خليـل(ن) ناسيـنّـي
ابات الليل اهوجس فـي همومـي وخلّـي راقـد(ن) ماسـال عنّـي
أبات الليـل دمعـي فـوق خـدّي صويب(ن) من حبيب(ن) صّوبنّي
غدا ليلي نهـار وصـرت حايـر مابيـن أمريـن خلّـي حيّـرنّـي
حلا الأمرين مـر وزود ع المـر فكيف الزّيـن يرضـى يذبحنّـي
حسبت إنـه مـلاذي يـوم همّـي ومن يمسـح دموعـي ل اخجلنّـي
حسبت إنه صديقي وقـت ضيقـي ومن يحمل همومـي لـارهقنّـي
دخيلـك رد عـن مطلبـك لانّـي أحبّك وانت صرت الـروح منّـي
أحاول كتم حزنـي جـوف قلبـي ولكـن دمـع عينـي يفضحـنّـي
حكايـة حبّنـا أغـرب حكـايـهـ أنـا آحبّـه وهـو ماصـد عنّـي
الـى منّـي رجوتـه قـام كابـر واضــن براحـتـه لاعّّذبـنّّـي
ألا ياحيـف بعـد العـز بـنـذلـ واترجّى حبيب(ن) غربلنّي
لو سمحتم ابي اشوف الردود!!