[شيخ نفسه]

السلام عليكم ورحمة الله وبركاته


كيف حالكم كل(ن) بأسمة



....


والله مادري من وين أبداء بس ببداء من البداية < برى ..


..


يوم الاربعاء الماضي وحنا سهرانين عند شاعرنا ( محمد السريّع ( أبو يزيد ) ) أتفقنا على ان يوم الخميس في الليل نطلع للثمامه .

وكان الاتفاق شبه مصوت عليه بالموافقة من قبل الكل .


جاء يوم الخميس العصر و ركبنا كلنا في جيب شاعرنا طول الله بعمره ( شاعرنا السواق و على يمينه أبو راكان و انا ورى ههههههه و معانا اثنين من المنتدى رفضو الافصاح عن أسمائهم ) و معانا واحد هو يعتبر بطل القصه .


.....

المهم طلعنا العصر و مرينا سوق الفحم واخذنا فحم و مرينا الملحمة واخذنا كم حبه لحم حاشي مع العزبة اللي معانا و طلعنا مع طريق الشيخ جابر . و على الثمامه ع طول .

( خارج النص ) ( وحنا بالطريق حصلنا واحد مغرز و دفيناه و دطلعنه ) هـع

المهم وصلنا المكان ونزلنا العزبة كلها و بعدنا الجيب شوي و شبينا على الفحم

و أستلم القهوة والشاهي أبو راكان و شاعرنا ابو يزيد .

وانا استلمت المقلوبة بمساعده الكبتن كبسه واحد من المجهولين ..

المهم ظبطت القهوة وصلينا المغرب و تقهوينا و بديت اشتغل في العشاء وانا اشتغل في العشاء

دق علينا واحد بيجي و وصفنا له و جاء و تقهوا و جلس .. ورجعت اشتغل في العشاء في هاللحظات وانا اشتغل فيه حسيت بحركة جايه من يساري و رايحة بأتجاهي إلا هذاك الثعبآن اللي يدور على احد يفرغ به سمه ..

المهم انا يوم شفته ضاع مخي لانه قريب مني والله ستر عليه ولا كان رايح غلطه ثعبان في الثمامه :

..

اول ماشفته يمشي قمت انادي على العيال ( ثعبآن ثعبآن ثعبآن ) وجو يركضون معهم عصى العفريته و انواع تفقيع الثعبآن ..

اخليكم مع الصور بعد هالقصه :

القهر ان التصوير جاء متاخر مع الضربه الثانية واللي يصور مساعدي في المقلوبة ولا انا مضيع نفسي ..











وفية مقطع فيديو متردد انزلة


وفية صور راح اجمعها من الاخوان