[شيخ نفسه]

يالله مسا خير قلبي منقبض وش به
من رهبة الناس ولاّ القلـب متطيّـر
يامعير ٍ شوق قلبي روح وانحشبـه
مكينة القلب تصرف شوق يامعيّـر
مثل رذاذ المطـر مايحيـي العشبـه
يحيي الفؤاد المغربل شوفـة نويّـر
هنوف بدو ٍ طرف قلبي تعشعشبـه
العين تشفق لهـا والخافـق مشيّـر
قالت انا فيه موضـوع بوشوشبـه
قلت ارفعي الصوت لبّى وجهك النيّر
قالت اخـاف تّغيـر قلـت ويلشبـه
امـا التغيّـار لامانـيـب متغـيّـر
قالت قبل تنشب احساسي وتنشبـه
ابن آدم ان طال عمره عمره قصيّر
لاتبلش القلب فـي حبـك وتبلشبـه
تراه قطت وجه من عـاده صغيّـر
وتقول بعديـن هـذي والله النشبـه
اعلمـك بالحقيقـة وانتـه مخيّـر
وطيت راسي وانا افكر وكنت اشبـه
من حيّرته السنين ومـات متحيّـر
واخذت موشـة هـوان اتنعنشبـه
لديت فيها العيـون وقلـت يانويّـر
لو قالو الناس لك يوم ٍ ورح عشبـه
حذفت عمري وراي وجيتك مسيّـر
لكن كلام ٍ مالش به خير وش لش به
لاتذيريـن الغـلا ويـروح متذيّـر
وقولي لرمشك اليا جيت اتحرشبـه
يرحمني شـوي ياملعونـة الخيّـر



:



لشاعر :


( محمد راشد الذيب )