البارحة مـدري وش اللـي خذانـي
يوم اجنبوا عني من الضيقة اشملـت
جيـت أتكلـم بـس عيـا لسـانـي
ماكني إلا مرتكـب ذنـب واخملـت
الله يسامـح مـن ذكـرت ونسانيـي
وأنا أدري إنـي لاذكرتـه تجملـت
عانيـت وأدري كـل طيـب يعانـي
وعلى حساب طعوني الخضر جاملت
ياماخذوا منـي ولا احـدأ عطانـي
من طيبتي في حق نفسـي تساهلـت
عـزاي لامنـه تجـهـم زمـانـي
يممـت وجهـي للكريـم وتوسلـت
واللي يبـي قربـي وبعـدي لقانـي
أمشي على وضح النقاء ما تختلـت
( يامن سكنت اجمل زوايـا كيانـي
ياما على نفسي عشانـك تحاملـت)
مرات احس انك معي شخص ثانـي
ومرات احس انك حبيبي وما زلـت
لاتفرح انك دجـت بيـن المحانـي
لو ماتخـون الذاكـره مـا تسللـت
(( عشان ماضيك الجميل وعشانـي
حاول تشيل من الوفا ربع ماشلـت))
((( ماني على خبرك حبيبي ترانـي
حتى عن اصغار الاماني تنازلـت)))
للشاعر المبدع :متعب التركي