[شيخ نفسه]

بلآ مقدمات
eh_s(2)

ما يطلع الروح .. غير الموت .. و الحاجه
............... والموت هيًن .. لكن الحاجه مصيبه

لا حدك الوقت .. بين الليل واسراجه
............... ما تميز القمر .. من كثرة عذاريبه

يهب يا جرحي اللي نادر اعلاجه
............... يهب من كثر حزني صعب ترتيبه

الصدق كهل .. وبحر .. تخرف امواجه
............... والصدق طفل حبيب .. وعيب تكذيبه

واشيب عيني وأسقم الرمش واحراجه
............... الدمع ضيف نسى .. قيمة معازيبه

يا بآبي اللي خشبك بخور مزلاجه
............... يآ قلبي استح على طيبك وشف عيبه

كان العداله بعز العمر منعاجه
............... يا صاحبي خلها .. بالقلب تومي به

الله يعز العزيز .. ويكتب اخراجه
............... ويصبر الصابر الي شاف تعذيبه

راع الجمايل يضيق .. ويضحك حجاجه
............... وراع المطاليب .. ما تفضي مطاليبه

هذا على سنة الإسلام منـهـاجه
............... وهذا لو يموت .. ما تدري وش اللي به

وهذا لو أن الفرج مسفوط بادراجه
............... ما يعطي اللي صبر .. لو مات يرجي به

مين احتري كل يواعد .. ولا يواجه
............... ومن يقبل البعد .. ويش ابغى بتقريبه

صاحبك ملّ الظمى من شان هداجه
............... كلمة توديه وين ؟ ! وكلمة تجيبه

هرج سمعته .. وهرج غاب هراجه
............... وهرج على أول لساني .. مقدر آحكي به

أموت وآحيا .. وراسي ما انهزع تاجه
............... وأبقى على موعدي لو طالت الغيبه

والليل .. ما يقدي الظلما من سراجه
............... والشمس بكره تبين كلٍ وطيبه

وإن خيروني ما بين الموت .. و .. الحآجه
............... أختار موتي .. و أقول الحاجه مصيبه

ابتسامة جرح .. }