للتواصل ,
كُتبت بـ [ دم ] يغلي 
,
يا [ بلادي ]
ليت فيك الحب [ عادي ]
كان حبينا ..
ضمن عادات
او ضمن [ المبادي ]
كان
عادي
ما تحديت بـ [ جهادي ]
مجتمع ..
للكذب [ غادي ]
و ما كسرت
الخافق العاشق
بـ طيشي
و بـ [ عنادي ]
يا بلادي ..
لك تحيه
و اليها :
ما نويت الوداع و دمعتك و العتب
.............. لكن الحب فـ بلادي [ خطيئه و عيب ]
لا .. تقولين فارقني بليا سبب
.............. قولي انه حشمني عن كلام ٍ مريب
الله اللي كتب فرقاك و ادري كتب
.............. الطواري تمر البال فيك و يشيب
صورتك في عيوني بين جفن و هدب
.............. لين غمضت قال القلب : وين الحبيب ؟
وينها كل ما خدي لـ دمعي شرب
.............. ضمت ضلوع صدر ٍ كان مبطي كئيب
و الله ان دمعي لا من ضقت لين انسكب
..............قلت : يالله عسى فدوة لـ عين النصيب
ليتها .. بـالوعد و الا بـ سلم العرب
.............. كان ما قفيت عن عينك و لا قلت اغيب
لكن المشكله .. لا صار كل التعب
.............. في بلادي يعشمنا .. و بعده نخيب ..!!
ضاق صدري و انا اللي كنت احسبه رحب
.............. صار مدهال للضيقه .. و لا هو رحيب !
باكر يصير لك اسرة و بيت و نسب
.............. مع رجل ما في قلبك له : اماني و طيب
و آنا اصير الحزين المنطوي لـ انكتب
.............. متّ مع كل حرف و دمعتين و نحيب
يا حياتي انا ما اشره .. انا لي عتب
.............. لـ بلادي : اللي تظن الحب يا بنت [ عيب ] ..!!
عبدالعزيز بن بدر