قصيدة للشاعر
سعد جزاء الميموني ( شاعر الحزن)
كلن تمنى في حياته أماني
وأنا أتمنى أمنيه إني أموت
مظلوم في دنيا بها الله بلاني
عايش ولكن عايش إنسان مكبوت
عايش يتيم ماعرفت الأماني
غصب علي أقبل أنا الظلم بسكوت
الحظ ضدي والبشر والزماني
باسبابهم همي بدى يلوتني لوت
حسره طوت قلبي وحزن طواني
الين حزني صار بالصدر منحوت
حتى حبيبي خان حبي وحناني
وحط بفمي علقم وأنا مذوقه توت
خان المحبه صار شخص أناني
وحرّم علي حتى أتصل أسمع الصوت
مادام صرحي إنهدم مع كياني
وش تنفع الصرخه إذا فايت الفوت
أيوب لو ساعه يكون بمكاني
ماكان في صبره ترى تكتب بيوت
الموت أرحم من حياتي أعاني
ولاظن فيه أرحم عليه من الموت
ياسعد قلبي كان موتي لفاني
ويازينها لاصار جسمي بتابوت
يارب حقق لي أنا هالأماني
أرجيك يامنجي نبيك من الحوت
ومادام مسموحه علينا الأماني
عندي أمنيه وحده أنا ودي أموت
\
\
م/ق