تراني كنت متوقع ((تصدق))هرج خلق الله
ولكن ماتوقعتـك تسولـف بـي لعذالـك
تبي تنساني انساني فداك اللي مضى كلـه
يجوز احيا من فراقك مدامي ميت بوصالك!
ترى مايجحد الواقع سوى خل ((نسى))خله
مثل ماتجحد عيوني حنين حيـل يظمالـك
مع اني عارف مااحد يداوي غيرك العلـه
اسج بحالي ((لحالي))لجل ماينبري حالك!
واكابر من خطا نفسي وازيد الجرح وابله
واحاول في عبث مضحك ادور غير همالك
حبيبي حتى لو زولي من غيابك فقد ظلـه
كفايه شمسك ليااليوم تنسج حولي ظلالـك
تبيني اعتذر اسف ولكن وش هي الزله..؟
تبيني اجرحك حاضر انا همـك وغربالـك
مدام اني سبب دمع حزين ناظـرك هلـه
فعساني يابعد عيني اجل ماطري على بالك
واذا قالوا لك ان قلبي من فراقك نزف غله
قل ان:مابه بلا عسى درب السعـد فالـك
واناوالله وثم والله وثـم والله وثـم والله
لاسوي ماتبي من شان بس تحقق أمالـك
ولكن قبل ماتبعد وتنسـى مامضـى كلـه
امانه بس علمني وش اللي غير احوالك
07-27-2007, 04:07 AM
امانه وش غير احولك00
المواضيع المتشابهه
العرض العادي
