يا صاحبي

[كان زمان]

يا صاحبي طالبك خلّني بـ حالي
ما أبي "أضيـق خاطرك " وأنت مرتاح

ياصاحبي وإن غبت عنك " ليالي "
غلاك باقي بــ الحنايا ولا راح

تبي أسولف لك ، وش اللي جرالي ؟؟
أخاف يمسح قولنا الصبـح لا لاح


أجل تعال أجلس هنا قبــالي
دام الحطب طاح وكثير العتب طاح

لو كل شخص إليا عطيته وفالي
ماكان بـ الدنيا حزن ليل وجراح


ولو كل غالي قدّر إحساس غالي
ماشفت ذاك الدمع من محجره ساح


ولو كل قلب من الحسد جاك خالي
مايشتكي من شحّ الأمطار فـلاّح


ولو كل واحد جاك طبعه مثـالي
ماكان بـ الدنيا سجن ناس وإصلاح


ولولا الذنوب اللي بـ كبر الجبالي
ماكان جيش الكفر لـ بلادنا إجتـاح

ولو الردي يعرف شـ معنى عيالي
ماقطّ أبوه بـ دار الآلآم يا صاح

هذا بعض حزن السنين التوالي
طير الحزن مبطي على خافقي ناح


ما أقول أن الخير ماله مجالي
لآ والذي يفلق من الليل الإصباح

لكن هذا بعض الألم ياحلالي
أنا أدري أن العود يوم أحترق فاح


أول أقول إني صبور وشمالي
واليوم لآ والله أنفجر سدّي وبـــاح


ماقلت لك ياصاحبي خلّني بـ حالي
هذا أنت ضقت وأذكرك جيت مرتاح

 

 

[خيالــﮯ]

رائعــــــــه ماخطه قلمـــك

أبدعـــــت فنلت على أعجابنا ..

سلمت وسلم قلمك النابض والمتميز كعادته .
والي يتناثر منه الأبداع منه دوما .


تقبل مروري

 

 

["خ ــآلِـد؛]

وينك يارذاذ تشوفي الي انا شفته هههههههههه

حارق يعطيك العافيه ابيات روووعه

 

 

[¬» • رذآذ المطر !]

هلا حارق دمهم
قصيده رووعه بس سبق طرحها

تحيتى