ياليتني في حب مثلك ترفعت

[كان زمان]

آسف انا في جيتي لك تسرعت
ضنيت الاقي فيك شي فقدته

كنت احسبك مجروح مثلي تولعت
جربت فرقا شخص قلبك وهبته

كنت احسبك من مر جرحك تجرعت
حبيت فيك احساس طفل لمحته

لو قلت آه بوسط روحي توجعت
ولو شفت دمعاتك شعوري سكبته

ولو تطلب عيوني ابد ما تمنعت
واعطيك قلبي لو بعد ما طلبته

وصلت لك اعلى مكان وتربعت
وفي قلب غيري يالغضي ما وصلته

واصبر على صدك واشوفك تدلعت
واعطيك ود وما اظنك حسبته

اذهلتني بطباعك اللي تطبعت
حتى قصيدي فيك لا ما فهمته

لو كان غاياتك حروفي فأنا بعت
وافرح بجرح الشاعر اللي جرحته

ارجوك من صدك تراني تشبعت
خلك مع اللي عاجبك او عجبته

يكفي قهر في جيتي لك تواضعت
تركت غيرك لجل عينك وبعته

ياليتني عن حب مثلك ترفعت
ياليت قلبي قبل اعرفك دفنته

لكن اببعد دامني بك توهقت
الله يرحم حبنا اللي ذبحته

انا شريت الود والحين انا بعت
انا عطيتك قلبي اللي قهرته

في يوم جيتك واطلبك ود واقنعت
نفسي بأنك شخص عادي عرفته

كمل حياتك مثل ما انا توقعت
تبقى اسير الماضي اللي فرضته

ولا يحزنك اني تناسيت وتراجعت
حولك بدالي الف شخص عجبته

اما انا لا يمكن اخضع ولا طعت
يحرم علي اعطيك قلب خذلته

بريحك من شوفتي يوم قاطعت
اسلوبك اللي به تجامل كرهته

غلطان يالمقفي انا ما تتبعت
غيري يتابع خطوتي ما تبعته

وان كان غرك حكي عذالي وطعت
الله يعلم كيف قلبي سكنته

اللي ملا قلبك علي وتسمعت
خله يعوض شخص مثلي خسرته

وان شفتني صدفه بعينك تطلعت
ذكرتني بأنسان غالي فقدته

بأول لقى سلمته احساسي وضعت
غلطة حياتي يوم قلبي سلبته

واستسمحك بالبعد كاني تراجعت
ما عاد ابلقى فيك شي فقدته

طبعك مثل غيرك وطبعي كما كنت
احب شخص ولا تركته تركتـــــــــــــــه

 

 

[بنوته كوول]

مشكوووور يعطيك العافيه رووووعه الكلمات ماقصرت عالطرح

تقبل مروري


بنوته كوول

 

 

[كان زمان]

بنوته كول

شاكر لك مرورك الكريم لصفحتي المتواضعة

 

 

[ورد جوري]

ياليتني عن حب مثلك ترفعت
ياليت قلبي قبل اعرفك دفنته

لكن اببعد دامني بك توهقت
الله يرحم حبنا اللي ذبحته




اهدـآء..




تسلم حارق على الأبيات والكلمات الروعه

 

 

[كان زمان]

ورد جوري
شاكر لك مرورك لصفحتي المتواضعة

 

 

[¬» • رذآذ المطر !]

حارق انا اسفه اقول لك الموضوع مكرر