اعــوجـــاج ..!!!

[شاعر الحرمان]

اعوجاج..
لين يرتاح المزاج !

كل وجهات السما عدلة..
ولكن..
لو تبي تسبر وجوه الأرض تتعثر..!
ومن يقدر على التيار ..؟!
ومن شاف البحر لا ماج ؟!

إن عدلت..
الظلم يكسربك شعور..
وتنزفك بعض الحكاوي لو نويت..!
وإن هقيت !
استعمرك هماز لماز و مَس..
وصاح فيك الاحتجاج !

شفتها دنياك قبل تشوفها..
جربتها..
وقريت بعض حروفها
دنيا تذل ضيوفها..
ولو يلبسون العز تاج !

استرح..
واطفي السراج.






المدن واحة سواليف وحجر..
وكومة بشر
في مقبرة إحساس.. !

تجود..
لكن بالتعب..
والكل يحلم با لهَرب..!
لكن..
على وين الهرب ياناس ؟ .

طاحت ستايركم على الشباك..
والشمس انتحت عنكم..
وصرتم في دماس.

الحلم عيّا ينتهي
والرزق ماتدرون عنه -
والغبي، خايف من الإفلاس..!

والكل مهما يرتفع..
لا بد مايلحق أخوه اللي وقع..
(عباس إبن فرناس ).

وساس المدينة من تراب..
ومن تراب إنت وأنا، وهذا الزجاج.

استرح..
واطفي السراج.








يظلمونك ياالعفيف..
ويحسدونك يا الضعيف
ما سعوا لجل الرغيف -
إلا سعوا لجل الفقر.

لاهثين، الله يعين
ومتعبين ومنهكين
وين وين وين وين ؟
وتالي الرحلة ، قبر .

يحسبون الله بعيد
ولا يدبر بالعبيد
كل ما شافوا سعيد
زادوا أحزان وكفر

والله الفرد بعلاه
رازق الطير بسماه .
يا خسارة من نساه-
وصار همّه ( وش كـُثـُرْ ؟! )

 

 

[شاعر الحرمان]

والله الفرد بعلاه

رازق الطير بسماه .

يا خسارة من نساه-

وصار همّه ( وش كـُثـُرْ ؟! )




يالــلــه