يابخيل المشاعر / ياالكريم / العنيد

[شيخ نفسه]

مدخ ـل


كم ليلة صديت من شآن مآذكرك
وكم ليلة جيتك وآنآ ماذكرتك !


وكم ليلة اعطيت من قبل لاآشكرك
وكم ليلة قلبي عطآك وشكرتك

عزٌم اليوم بالفرقـا وخلـك شديـد
لا تسوي / تكابر وانت منت بقـوي


كل ما قلت انا اقدر قام دمعك يزيـد
صدت القلـب ماتبغـى عيـال وذوي


راس مالك كرامه / وانتهت والرصيد
جرحك / اللي غداله بالحنايـا دوي


يابخيل المشاعر / ياالكريم / العنيد
اشهد انه طواك اللي طواني طـوي


مير مااقدر اوقفّ لك وازيد وآعيـد
الوكاد ان عمري معك قـام يهـوي


كل يوم ٍ وانا ما جد عنـدي جديـد
غير طعنة حبيب وغير غدرة خـوي


وانت لو قلت لي بالله وش تستفيـد
ذيب سرحان عدى بالرجوم يعـوي

انتهينا وتدري / دوك علـم ٍ اكيـد
ما ذكر بالليالي طـاح راس بـدوي

مخ ــرج


وكم ليلة تنكر وجودي ولآانكرت
وكم ليلة حتى بوجودك نكرت

دووس آلليآلي كلها قبل تمكرك
شفني قبل مكرك ترآآني مكرتك