انا غرام البنت في اخر الليل

[شيخ نفسه]

لذائقتكم العذبه انقــل لكم

اضغط هنا للاستماع

جتنـي وبيديهـا ذايبـات المناديـل
وتقـول ممكـن اطلبـك ياغـلايـة
أبغي قصيـدة ياحبيبـي ومواويـل
ودي وانا بالكوشة صوتـك صدايـة
قرب زفافي واشتريـت الخلاخيـل
كل شي جاهز بـس حقـق منايـة
ودي احس انك معي فـي المقابيـل
دامك معي ياكبـر فرحـي وهنايـة
واعذرني ماقلت الفرح فأول ابريـل
أخاف اخسرك قبـل وقـت النهايـة
بس لاتظـن انـي بخليـك لوقيـل
هذاك زوجي وانت عشقى وهوايـة
وبكل وقاحة صبت بمسمعـي ويـل
راحت وخلت القهـر فـي حشايـة
مشكور ياعمـر الثلاثيـن بالحيـل
خليـت هالاشكـال مـن مستاويـة
وريتنـى بالقايلـة نجمـة سهـيـل
وانا اللى شفتة فـي حياتـي كفايـة
لابارك الله فـي السنيـن المداهيـل
وش عاد باقي يختفـي مـن شقايـة
أسرجت خيل الشعر هـم وغرابيـل
والضيق في صدري بكى وصاح ناية
تمضمضت في جواية ظلم وقناديـل
وأسترجـع التفكيـر كـل الحكايـة
من كنت طفل وانـا فـي هالبهاذيـل
حتى هديـر المـاي يلعـن ظمايـة
اعرف طريق العدل بس اعشق الميل
ولاطير طير وارتفـع فـي سمايـة
من كنت طفل متعب النـوق والخيـل
أربط شماغي وفي يدينـى عصايـة
من كـنت طفـل مالبسـت البناطيـل
ولاكانـت الاطفـال تلعـب معايـة
كنت أمسك الدلة واسـوق الفناجيـل
واللـي بعمـري علمـوة القـرايـة
ماذاق ظلم الارض ولا لقـح نخيـل
يعرف وانا اجهـل ويـش المرايـة
من كنت طفل احسـب ان البحرسيـل
لين غرق ذاك الخوي وسـط مايـة
كان يتشهق واسمع لصوتة صهيـل
جيتة ولكـن قبلـي المـوت جايـة
من كنت طفل اطـا روس الرياجيـل
واللـي مكذبنـي يـدور ورايــة
ماقد حسبت حساب واحد من الجيـل
لكن كـل الجيـل يطلـب رضايـة
انا غرام البنت في اخر الليل
كم وحده تحلم ببوسة شفايا
من كنت طفل افخـر بذباحـة الحيـل
اللي علـى كـل الطويـلات رايـة
ربعي عتيبـة الفحـول الحلاحيـل
أهـل الكـرم والمعرفـة والدرايـة
ماجينا بالقـران ولاحنـا بالانجيـل
ولاكنـا بالتـوراة لاهـل الهدايـة
بس ابرهة من سبتة صـورة الفيـل
وانا وربعي صرنـا فالوقـت ايـة
ياكيف دمعي فـي الثلاثيـن بيسيـل
وتصير هالاطفـال مـن مستوايـة








اضغط هنا للاستماع


عيني عينك الخيانـه والله برافـو ياسـلام
وعذرك الشيطان ومدري أيش وبرضو آسفه
ويش أقول أشعاد باقي الطعن فالميت حرام
الله يسامح كـل قلـب ٍ يستبيـح العاطفـه
الكـرم طبـع الأكـارم واللئامـه للـئـام
والنخل ماينزرع فـوق الهضـاب الناشفـه
من لاوجود لك أنا خليت لك شـأن ومقـام
جمعت فيك اللي تناثر من سنيـن ٍ طايفـه
رتبت فيك أنسان كانت كل أجزائـه حطـام
علمتك أن العمر يجري وأنتي لسىّ واقفـه
علمتك أن العمر مرّه بأحترام وبلا أحتـرام
وأن الحظيظ اللي زمانه بالسعـاده صادفـه
علمتك أن النفس تأمـر بالأسائـه للكـرام
وقلت لك الديـن درب ومستحيـل نخالفـه
وعلمتك انك مهرة ٍ من فوقها يّشد الحـزام
وأنك أنتي عين رجل ٍ كـل شـي ٍ شايفـه
علمتك أنك عزوة اللي يضرب بحد الحسـام
وأنك أنتي كلمـة ٍ يبسـت علـى شفايفـه
علمتك أنك بير فيها خير منـزوف الغمـام
علمتك أن الدلـو ملـك ٍ لليديـن الغارفـه
علمتك أنك الضيـاع مـن البدايـه للختـام
وأنك أنتي الهدوء اللـي يجيـب العاصفـه
قد قلت لك العيب عيبك بين لحمك والعظـام
ولايجي في جلد غيـرك دم جرحـك نازفـه
سّد مأرب ماتأثر في سقوطـه أرض شـام
لكن أن الشام تبكي مـن عـذاب السالفـه
ويش أقول أشعاد باقي للسوالـف والكـلام
وكل وجه ٍ مثل وجهك قبل أشوفـه عارفـه
أعرف أن الريح تلعب بالسحابـه والحمـام
وأعرف أن الضلع ثابت بالسيـول الجارفـه
واحد بواحد ألف لأ واحد كذا هـو التمـام
وأنتي واحد ضرب ميه غيـر ميـه حاذفـه
كنت أظن أني سراجك في دحى ليل الظـلام
و كنت أظنك في غيابي كنتي فعلا ً خايفـه
وأثرك أنتي في غيابي { خط ثاني } وأزدحام
متمنقهه بطعم السوالف لآخر حـد وكايفـه
ياآنسه وين الوفـا وأي حـب وأي هيـام
ولابقى بالكـون رجـل ٍ ماعرفتـي هاتفـه
حسبك كيف كنتي مبدعـه بأسـم الغـرام
وكنتي أجمل لحن كذب وكنتي أفضل عازفه
بالخيانـه تستحقيـن الجـداره والـوسـام
لأنك أنتي فعـلا ً أنسانـه غبيـه وتالفـه





فمان الله