صباحك غير

[شيخ نفسه]

.
صباح الـ..!!أيش؟! مدري أي صباح اللي لقيت اليوم ؟!
......................صباح أجمل من الضحكه على مبسم طفل يحلم



صحيت ؟! او تو ما فارق عيونك بسمة اليشموم؟!
..........................يفوح الشوق من صبحك الينك بس تتكلم



صباحاتي معك لحظه تفارقني خيوط النوم
......................وتنسج لي ابتساماتك حياتي ..كيف ما اتعلم ؟!



يا أجمل صبح من بد الخلايق صار لي مقسوم
.........................مع صبحك تظن انني أجي واستأء واتظلم ؟!



صباحك يقسم الدنيا .(أحد راوي /و أحد مفطوم)
..........................صباح ايلخبط اللي مر في صبحك ولا سلم



جبين وْسادتك يبكي شعرْك بحرقة المحروم
..........................صدر هذا السرير اللي حظنْك اللحين يتألم



عيون امرايتك /مشطك/زجاجة عطرك المغروم
..........................زوايا غرفتي /اذني/وانا ..والفرح نتلملم



صباحك.. غير!! ..مدري أي صباح اللي لقيت اليوم؟!
..................صباح الـ..!!أيش؟! مدري؟! يا حبيبي جيتك أستعلم