أبي أحياء وأموت جنبك >>روايه واقعيه *

[شيخ نفسه]

بسم الله الرحمن الرحيم


تحذير×××..





أستحلفت كل من يقرأ روايتي أن لاينشرها بأسمه أو ينسب الفكره له لأني تعبت في كتابتها ...مع تحياتي ...
الكاتبه .. سارا















روايتي تختلف عن باقي الروايات بعض منا يعتقد انه من السهل إن ينشر او يكتب قصه بل بالعكس تماما وانا أقر بذالك عندما أمسك القلم أكتب وأكتب بلا توقف تصبح تخيلاتي كالبحر الذي لامدى لنهايته عقلي نقطه من بحر كبير كثير من الناس تؤمن بهاذا القول (( البحر غدار))* وكثير من الناس تعتقد بذهابها الى البحر بأن همومها ستزول وترتاح والكتابه مثل ذالك عندما تمسك القلم وتكتب ما بداخلك من الم وفرح وحزن وحرمان واهات وضحكات بذالك سترتاح وتقل الامك والكتابه كنز كبير سر يمكن إن تقوله فيه وترتاح لاتخاف من أن فلان سوف يعرفه الكتابه صديق لك لايمكنك التخلي عنه مهما كلفك الأمر .......
بالنسبه إلي قررت وبكل ثقه تامه أن أكتب روايتي هذه لكي تستمتعوا بقراءتها وأعلمو إن هاذا جزء من أحلامي الصغيره المليئه بالطموح وأيضا لكي تستفيدوا من كل كلمة منها لما فيها من عضه وعبره وفي نفس اوقت مسليه لجميع الاعمار وكتبتها باللغه العاميه لتكون قريبه منكم ........
بسم الله .. أبو محمد له ساعتين يدور حوالين غرفة العمليات وينتظر .. وينتظر .. وفجأه سمع صوت بيبي صغير قاعد يصيح ويطلع الدكتور

الدكتور :ألف ألف مبرووووووك ياأبومحمد
أبو محمد يضحك : هاه بشرني يادكتور
الدكتور: بنت بنت تتربى بعزكم إن شاء الله
أبومحمد مبسوط : إن شاء الله وكيف أمها ؟
الدكتور : لا أمها بخير وصحه وعافيه

ثاني يوم الصباح ..

يدق أبومحمد الباب
أم محمد (منيره)* : تفضل يا أبومحمد
يدخل ابو محمد ويبارك لزوجته أم عياله
: ألف مبروك يامنيره يالغاليه
منيره: الله يبارك فيك كيف البنات إن شاء الله بخير ؟!
أبومحمد : لا البنات بخير كلهم
أم محمد : ومحمد؟!
أبو محمد : أمممممم يعني حرقتي المفاجأه عليك
أم محمد مستغربه : أي مفاجأه ؟!
ينادي أبو محمد على ولده : أدخل يا محمد
يدخل محمد (اللي عمره 6 سنوات )*
أم محمد مبسوطه وينط محمد ويحظن أمه
محمد : ماما وحستيني
أم محمد : ياعيون ماما وحستني حيل
محمد يضحك : ماما طلعت سن جديده

أم محمد تضحك : مبروك ياماما
محمد : ماما لاتقولي لي ياماما انتي ماما أنا مو ماما أنا محمد وبس
أبو محمد يضحك على براءه ولده
أم محمد : كيف اخواتك ؟
محمد : وئام تل سوي تلعب ما تجلس ( وئام اكبر بنات ام محمد وعمرها 5 سنوات )*
وحلا كمان معاها (حلا عمرها 3 سنوات)*
وتالا مستينه بس تبتي وتقول : ماما (تالا اصغر وحده في العائله وعمرها2سنتين )*
ام محمد تضحك : وهم وينهم اللحين ؟
محمد : عند عمه حنان وعمو متعب (حنان عمرها 22 سنه ومعاها عقم وماتجيب عيال ومتعب من حبه لها ماتزوج عليها وهو عارف حالتها)*
حنان تهدي بتالا : خلاص ياعمو لاتبكين ماما راحت تجيب نونو صغير
تالا اللي يادوب تتكلم اللي عمرها 2 سنتين تتكلم : نونو ماما ((وتجلس تضحك))*وتجي حلا أمو آم تاحت الدوبه تاحت ويجلسو يضحكون حلا وتالا من قلب
تروح حنان تدور على وئام ولقتها فعلا طايحه وقاعدت تبكي



أبو محمد : هاه يا أم محمد لسى عند كلامك ؟! لأنك أنتي اللي حطيتي الفكره براسي
أم محمد: أنا أكيد عند كلامي يا أبو محمد ولاتنسى حنان مثل أختي وأكثر بعد
ابو محمد : إن شاء الله اول ما تطلعين من المستشفى نروح نودي البنت عند عمتها حنان على شان تربيها وتهتم فيها حرام حنان ماحست بالأمومه ولا راح تحس
.........

بعد 3 ايام تزور حنان ام محمد وسلمو على بعض وتجلس منيره حنان بالمجلس

حنان : ألف مبرووك يالغاليه
منيره : الله يبارك فيك ياكل الغلا
حنان تبتسم : تتربى بعزكم إن شاء الله هاه وش نويتو تسمونها
منيره : إنتي وشو تشورين علينا ؟!
حنان : أمممممم انا نفسي بأسم سارا من زمان مره احبه
منيره : اجل خلاص راح نسميها سارا
حنان تضحك : معقول !
منيره : وليش لاء مو انتي عمتها ؟

حنان : إلا أكيد بس أنا أشوف إن أمها وأبوها هم اللي يسمونها
منيره : اجل خلاص انتي ومتعب سموها لانكم انتم امها وابوها
حنان كانت تبي تكمل كلامها بس منيره قاطعتها
منيره : خليني اكمل كلامي ياحنان البنت انا حابها انك تكونين امها وتربينها بعد
حنان : بس انتي اللي حملتيها وتعبتي فيها بعد
منيره :عادي ياحنان لاتنسين إن انا ام ل4 اطفال وكلهم صغار خليني اتفضى لتربتهم وتعليمهم ولاتنسي إن هذه رغبتي ورغبه ابو محمد
وبعد محاولات طويله حنان وافقت
حنان كانت تبي تطلع من البيت
أم محمد : حنان متى مسافرين لامريكا ؟؟؟!
حنان : الاسبوع الجاي إن شاء الله
ام محمد :اجل مريني قبلها بوم على شان تاخذين البنت

في السياره
متعب : حنونتي
حنان : عيونها والله
متعب : وش فيك عيوني سرحانه
حنان : أبدا
متعب بخبث: حنو عيني بعينك لا تفلمين علي

حنان : ماعاش من يكذب عليك
متعب : أجل قولي لي ياحنونتي وش بلاك ؟؟
حنان تقوله السالفه كلها ومتعب ماكان راضي بس لأنه شاف حنان مبسوطه وافق على شان يرضيها
متعب : حنونتي بكراء تكلع النتائج التحليل
حنان اتضايقت : إن شاء الله تكون النتائج ترضينا
متعب : آمين
حنان : متعب هذه ثالث مره نحلل دايم العيب يطلع مني هذه المره اكيد مني تطلقني ولا تتزوج وحده ثانيه
متعب : وش هالكلام ؟ ياحنان لاتزعليني منك انتي هلي ودنيتي كيف اخليك او اترككك ومستحيل اطالع بمره ثانيه غيرك انتي تكفيني وبس
حنان تبتسم : الله لايحرمني منك
متعب يبتسم :آمين ومنك بعد
حنان تبتسم بحب : يابعدي والله
متعب : طيب لوطلع العيب مني تطلبين الطلاق ؟
حنان زعلت : وش قاعد تقولي يا متعب
متعب :شفتي كيف سؤالك لي أزعجني
حنان :خلاص آسفه مراح اساك إياه ثاني مره
متعب : وعد
حنان :أكيد وعد

ثاني يوم الصباح

متعب : الحمد لله
حنان : وين ياعيني ما اكلت شئ
متعب بزعل مسطنع : آفااا عين وحده بس
حنان تضحك :عيوني كلها لك*
متعب يضحك :بروح مستعجل شوف النتيجه ادعي لي ياحنان
حنان : إن شاء الله والله من امس وانا ادعي الله يحقق اللي ببالك
متعب : آمين
يرجع متعب والنتيجه معه وحالته متكدره
حنان : بسم الله عليك وش فيك يادنيتي
متعب : حنان
حنان : اسمعك
متعب : انتي طول عمرك كان حلمك تكونين ام
حنان تضحك : اكيد
متعب : استجاب الله دعوتك
حنان مبسوطه وتضحك : ليش زعلان يامتعب راح نكون اسره ونصير والدين اب وام حلم حياتنا راح يتحقق
متعب والهم باين عليه : حلم حياتك انتي بس
حنان بضيق :وش قصدك ؟
متعب : العيب مني ياحنان مو منك
حنان تضايقت لما سمعت الخبر

متعب : انا ياحنان راح ارسل لك روقه طلاقك
حنان انصدمت وجلست تبكي : ليه يامتعب أنا ما أقدر أعيش بدونك
متعب : بس أنا ما أبي أكون أناني وأحرمك من حلم حياتك
حنان : أنت اللحين اناني اول لما قالوا العيب مني وش قلت ماقلت انت ياحنونتي تكفيني انتي دنيتي وهلي ياحنان
متعب يهز راسه
حنان : أجل خلاص لاتهدم حياتي يامتعب حياتي بدونك عذاب ومين قال لك انك تحرمني من الامومه وحلم حياتي انت حلمي واملي ولاتنسى عندنا سارا راح تكون اب وانا ام لاتكدر خاطرك لان خاطري معه يتكدر
متعب نزلت دموعه وخانته :مستحيل اشوف غيرك ياحنان أنا أحبك وأبيك
حنان : أجل أرضى بالواقع ياهلي ودنيتي ولاتطالع للبعيد إحناء راح نعيش حياتنا بإذن الله تعالى مبسوطين نعبد الله اللي خلقنا لهاذا السبب ونسوي امورنا الدنيويه ولاتنسى إن هذه الدنيا قصيره ومصيرنا نموت كلنا ولازم نرضاء بالقضاء والقدر على شان الله يوفقنا ويرضى علينا ....
مر الأسبوع كأنه ساعات وحنان ومتعب كل يوم بالسوق يشترون ملابس لبنتهم سارا


جاء اليوم المنتظر اليوم اللي راح يغير حياة عده اشخاص اليوم راح يتحقق حلم حياة متعب وحنان

أخذ حنان+متعب سارا قبل يوم من سفرهم ومانامو الليل يلعبون معاها ومتعب مره مستانس عليها وهو اللي كان يغيرعليها ملابسها ............................
هبطت الطائره على أرض أمريكا وكانت الرحله متعبه وشاقه عليهم بس اللي كان ملطف الجو بينهم هي سارا وحنان كانت مره غيرانه على متعب من الأمريكات وعيونها على عيونه وين ماتحركت وهو اللي كان شايل سارونا وصلو للشقه رتبتها حنان وصارت مره حلوه ومرتبه ومتعب مشغوول بسارا وحنان بترتيب البيت وكل يوم يروح متعب لدوامه ويرجع بسرعه على شان يلعب مع سارا
حنان+متعب مره تعلقو بسارا ومستحيل يبعدون عنها مهما لعبت الدنيا لعبتها ::**::



بعد مرور 16 سنه




حنان قاعده تصحي بسارا
حنان: سارا سارونتي
سارا بصوت مليان نعس : ماما نعسانه أبي أنام
حنان :يالله قومي أفطري اليوم أبوك من الفجر صاحي على شان يسوي لك الفطور
سارا تبتسم وحتى وهي نعسانه :اوكيه مامي اللحين أقوم
حنان : يالله حبيبتي أنا براء بالحديقه عند أبوك
سارا : أوكيه
تروح سارا تآخذ لها شور سريع وتروح وتلقى ابوها وامها جالسين على الطاوله ينتظرونها سارا تروح لهم سارا وتبوسهم

Sarah!Daddy you are my darling
أبوها متعب يضحك : شكرا يابنتي تحرجين ابوك يعني