استفسار بسيط عن ps3

[شيخ نفسه]

السلام عليكم ورحمة الله وبركاته

كيفك جميعا ان شاء تكونوا بخير

أنا أمس اشتريت playstation3 وصحيح الواحد تغلب شوي على ما شغلها وبلش يلعب ولولا كتيب المعلومات الي معها كان الواحد يمكن ما قدر يدبر حاله .. لأنه الاشي مش بهالبسطاه زي ما الواحد كان مفكر ! يعني ما كان يخطر ببالي انه هذول العلامتين الي أمام مكان وضع السيديهات هم أساسا مش مجرد رسومات وهني أزرار يمكن الضغط عليها ! ولا انه الزر الي في وسط الجويستك هو بتلك الأهميه !!
أنا كنت أتمنى انه يكون بالمنتدى موضوع كامل عن تشغيل وأيقاف تشغيل البلايستيشن لكل مشتري جديد للبلايستيشن من الألف الى الياء .. أتمنى انه أحد الأعضاء ينفذ هذا الاشي ويتثبت موضوعه لأنه أنا متأكد انه كثير أعضاء رح يستفيدوا من هذا الأمر.
أنا قدرت أدبر الوضع امس لما شغلت البلايستيشن .. وما كان مشكله لما حطيت اسم اليوسر والساعه والتاريخ وهاي الأمور كلها .. ولما شغلت اللعبه .. بس مشكلتي الأساسيه كانت لما خلصت لعب وبدي أغلق الجهاز !!
ما عرفت شو بدي أعمل ولا شفت اشي يساعدني بكتيب المعلومات ! فبعد ما طلعت من اللعبه بمساعدة كتيب المعلومات وأخرجت السيدي .. ما عرفت كيف أوقف الجهاز ! فضغطت على الزر الي بالخلف زي ال 0-1 الي فوق مكان وضع كابل الكهرباء .. لكن أنا متأكد انه هاي الطريقه خطأ وخايف الجهاز يخرب هيك .. فيا ريت أحد يقولي كيف الطريقه الصحيحه لأيقاف تشغيل playstation3.

وشكرا.