اخذت من قافي جزالة معانيه / وعرفت من شعري حقيقة مرادي "صـوتيه "

[شيخ نفسه]

السلام عليكم

شحالكم يا خفوق

والله قريحتي شبابه واعذروني على كثرة نصوصي بالقسم

القصيده مالها يوم من استوت

وهي لها سالفه ولها خصوصيتها

بس اكيد كلكم لبيب وبيفهمها وهي طايره

وانا انصح تسمعونها بالصوت قبل تقرونها مراعاة للهجه



http://www.coalles.com/vb/uploaded/2...1251962315.mp3

يقـول

يا بو سعد اسمع خطابي وداعيه = وابيك تدري من قصيدي مرادي
مثلك كفو لا شك يوم اني ادعيه = لا تحسب انك يا فتى الجود عادي
اللي احسبه باللقا دوم آتيه= واللي بغيت اقول علمه وكادي
يا بو سعد لي شف في شي وابغيه = كانه خفاك اظن لونه رمادي
ماهوب من كسبي ولاني بشاريه = وابغاه لي عجل علي يا سنادي
مبطي وانا اتحرى واذا جيب طاريه = اسج واهوجس وافكر وانادي
من شاف لي جيب لي ايام ابكيه = العى عليه الحال رايح وغادي
كني به يقول الولد هذا انا ابيه = وكني به احسه شرى بي ودادي
وكني بي اذكر اني قد جيت راعيه = وعلمته انه خاطري به يفادي
وجاك الخبر والامر تدري دواعيه =يوم ان غيرك بعضهم في رقادي
خابر وانا عندي من العلم خافيه = بعض الامور تحلها في جهادي
خابر وانا دربك مظني مساعيه = على طريق نهجه الخير بادي
وخابر لو ان خبري قديمه هقاويه = كف على لطم الردى لك شدادي
وخابر كذا من جاك لا بد تعطيه = مشهاة نفسه وانت راضي وهادي
لا اسرت هواجيسي مع الليل الاحيه = واطرق على ذوقي بيوت جدادي
بيوت من نظم الفكر مابها تيه = يطرب لها اللي للجزاله ينادي
اخذت من قافي جزالة معانيه = وعرفت من شعري حقيقة مرادي

وسلامتكم