ام الدحمي وعائلتها

[شيخ نفسه]

بسم الله الرحمن الرحيم
ام ادحمي عجوز مسيكينه تحب الجمعه والسواليف عن ايام زمان
عندها 10 ابناء اربع بنات عوانس وست عيال مطافيق
البنات من الكبيره حصه ومنيره ونوره وهيفاء
العيال عبدالرحمن ( الملقب بالدحمي ) خالد وصالح ومحمد وعبد الله وابراهيم
المهم هالعجوز نظامها كيف (( روتين يومي غير ممل بالنسبه لها ))
تصحى من الفجر تصلي وتقند لها ترمس قهوة بالهيل والزعفران والعويدي ( تقند= تسوي )
المهم وتجلس على هالترمس لين تفضيه وهي مدوخه راس الراديو الاسود الصغير بالتقليب بين المحطات ولا ترسي على محطه تخلص البطارية كلو تقليب
الى صار الضحى قامت تعطي الاوامر للشغاله وتفرش فرشتها بالحوش مع القهوه ولامن اشتهت عذق تمر خرفت من النخله واكلت (( يا عيني ما تحب تاكل تمر الا فرش ))
ابو الدحمي عايش ولكن حالته مش ولا بد (( عليه قل صحه ))
المهم ما علينا نرجع لنظام ام الدحمي
اذا اذن الظهر فلت السجادة وصلت وبعدها تنسدح وتنام (( طبعا عند كل العجز ما فيه حركه ما فيه نشاط وكلو نوم ))
واذا اذن العصر قامت وتحلفت بالبنات وهواش هي وياهم (( مرتفع ضغطها ليش ما تزوجو ا للحين )) المغرب زيارات خاطفة للجيران
العشى تتعشى مع ابو الدحمي وتجلس تناظر ام بي سي 4 (( عايشه حياتها ذا العجوز ))
واذا جت الساعه 2 بالليل قامت وصلت ركعتين ونامت للفجر وعلى هذا الموال
في يوم الجمعة تحاول تصحي العيال علشان الصلاة
طبعا الكلام هذا بعد صلاة الفجر
ام الدحمي : الدحمي قم للصلاة
الدحمي : يمة توني نايم خلين ابي انام
ام الدحمي : اقول قم لا اقوم الدنيا فوق راسك
الدحمي : كم الساعه
ام الدحمي : باي توقيت تبي
الدحمي : يمه بدون استهبال خليني انام
((( طبعا الدحمي ما فتح عيونه وشاف انه توه طالع النور ))
ام الدحمي : بتقوم ولا كاس ماء بارد فوق ظهرك
الدحمي : طيب كم الساعه
ام الدحمي : يله الحين بيخطب الامام
(( الكلام هذا الساعه 5 الفجر ))
الدحمي يله قمت
ويفتح عينه ويناظر الا الدنيا توها ظلام
والمسكين طار النوم من عينه
قام من الفراش وقال وين الفطور
امه تقول ما فيه لا خبز ولا بيض ولا جبن
وش تبين احطلك
الدحمي : وانتم ما عندكم غير الخبز والبيض ولا جبن
ام الدحمي : لاه وش تبي نجيب لحظرتك كافيار
الدحمي : لا ما ابي كفيار اصلا هو بيض وانا ما ابي بيض
ام الدحمي خلاص الحين اقوم اشويلك دجاجه مع رز واحطلك مكرونه بالباشاميل وش رايك
الدحمي : لا ما ابي هاتي فلوس اجيب بيض وجبن وعلى فكره ترى الهلي ما به بنزين (( الهلي اسم الدلع للهايلوكس ))
ام الدحمي : هو ما طفرنا الا هالهلي طول النهار بنزين
وتدخل ام ادحمي يدها بجيبها واسمع الايقاعات والخرشه والاصوات وتطلع ايدها والدحمي في ترقب عجيب يظنها بتطلع خمس مية ريال وطلع ايدها مقبوضه وتقربها لفمها الا وهو ديرم الدحمي جاه احبااااااااااط بجميع المقاييس
وشوي وطلع له خمسين وتقوله : عب بعشره بس وجب لي الاغراض ورجع الباقي
يرد الدحمي هذا اذا بقى شيء
المهم
صحت باقي العيال والبنات على الساعه 8 وافطرو والمسكين ابو الدحمي مريض بالمستشفى
على الفطور
ام الدحمي :
هيفا جيبي الطماط من على البلاطه وجيبي الشاهي والخبز من الفرن
نوره : يمه ابي خمس ميه
حصة :والله ما تمسكين ولا قرش يا البخيله تشتغل وتغبي راتبه وتجي تشحد منتس يمه
ام الدحمي اقول يالله صباح خير انطمي انتي وياه لا اقوم اعلمكم الشغل خلونا نفطر
عبد الله يمه ترى المدرس طالب منا خرايط ويبيهن باتسر
ام الدحمي وش خرايطه
عبد الله : خرايط اندونيسيا وماليزيا وما تباع هنا لازم ادخل النت واخذهن من هناك (( طبعا الولد فقاش بس يبي فلوس يدخل نت ))
منيرة توها تنزل من غرفتها وتتثاوب على الدرج وتنزل بتمخطر
هيفا ونوره مسكن الصواني وبدو طقون عليهن ويغنون : هب السعد هبايبه ليرياحي
ام الدحمي عادتها بدون اي انذار ترمي الملاعق
طبعا هيفا جاها ملعقتين وحده بالمربى في كشتها ووحده جبن
ونوره مسكينه جاها صحن تونه كله زيت على وجهها
منيره وبكل غرور : شوكرا يمه على العرض الصباحي الممتع
وهي تكلمت وليتها ما تكلمت جاها سيل من الشتايم والعن والسب ومدري ايش
خلص الفطور وراحو الشباب للمسجد
يوم دخلو الا وام الدحمي عند الباب تحتريهم
قالت لدحمي وش خطبة اليوم قال كذا وكذا
وقالت لباقي العيال نفس لشيء ويوم جاوبو صح تطمنت لانها تبي تشوف من ما راح المسجد
نامت بعد هالكلام (( مرهقه مسكينه ))
ما ابي اطول تابعو الحلقة الجاية
وان شاء الله تعجبكم