أنت ياللي كل ما ارفعك طحت .. واللي يرحم والدينك لاتطيح .. !(::مميزه::)

[شيخ نفسه]

.. لفته ..

أنت ياللي كل ما ارفعك طحت ..
واللي يرحم والدينك لا تطيح .. !

.. ردة فعل ..

عشت بـ ( التطنيش ) لكن مـ استرحت ..
قلت أجرب حب غيرك .. واستريح ..

والصراحه .. بـ التجارب ما نجحت ..
ولا قدرت أخفي معاناتي وأصيح ..

.. سماي الثامنة .. !

الغصه اليا داعبت محجر البوح ..
أحلى القصايد .. تبكي الشوق لـ الشوق ..

والشاعر اللي لـ أختنق .. داعب النوح ..
كتب له بويتـ(ن) من الحزن مرموق ..

( البارحه كن السماء مابها روح ..
وأنا الوحيد اللي هنا طحت من فوق .. )

ايا سماي الثامنة وين أنا أروح .. ؟
والارض عقبك يا سماء ما بها ذوق ..

الناس تجرح .. والبحر كله جروح ..
وأنتي قذفتيني وبـ ايدينك الطوق ..

شوفي هنا تحتك يديني لك تلوح ..
بـ أمدها لك .. أنقذي شخص مخنوق ..

مل وصدى صوته من الضيق مبحوح ..
من كثر ما ردد .. ( متى صمتك يفوق ) .. ؟

ردي علي الصوت .. حكيك اذا يفوح ..
يعطر الدنيا .. وينعش له عروق ..

ويزول ليل الغصه بمحجر البوح ..
وأقسى القصايد تبتسم لو بها شوق ..

.. كيبورديه ..

يـا غايبه عني لـك ألحين كم عـام .. ؟
جآني شـعور البـارحـه .. من أمامي ..

شفته وقلت اوقف .. عسى منتب أحلام .. ؟
راح وتركـ قلبي يـنآجي عظآمي ..

يـمكن تجي .. يمكن هواجيس وأوهـام ..
أو هـو شـعور(ن) جـاء يداعب هيآمي ..

لكن أكيد إن الأمل مـا بعد نام ..
واقري بـ آخر بيت كيف إهتمامي ..

البـارحه يـا غايبه .. قبل لا أنام ..
رغم الجفاف بـ ضحكتي .. وبـ كلآمي ..

ركدت جوالي على وضعـه العآم ..
يـمكن يمر إسمك .. يصحي منآمي ..

* وعودهـ إلى المألوف :rose: