.............. وَلكنّيْ ] أَحبّهْ ! - عبدالله البكر -

[شيخ نفسه]

مسآاكم / صبآاحكم : قصيد hert

ولـ البكر , تدفّق جمآالٍ لآ ينضب

أترككم معهآأ ~

تنام الذكريـات الموجعـة فـي صـدري الليلـة
و تصحى ذكريات الماضي اللي راح .. وأحبابـي

كثر ما بي من طعون الحبيب إشتقت أحكـي لـه
عن ( الماء ) في يديه و ( وردة الأشواق ) بـ ترابي

عسى باقي حبيبـي يمسـح الدمعـة بمنديلـه !!
أخبره لا بكى .. يطـري عليـه شكثـر سوابـي !!

على باب الرجا كنـت أنتظـر رحمـة مراسيلـه
إلين الله رحمني من قسـاه .. ومـوّت أعصابـي

تحمّلـت الحيـاة البـاردة مـن قلـة الحيـلـه
وأنا أدري هالغياب اللي حصل كله مـن أسبابـي

عطيته كل ما يطـري عليـه .. وزاد حبـي لـه
إلين إتساهل دروب الجفـا وإتساهـل / غيابـي !!

يقول إن الظروف اللـي بـدت تاكـل محاصيلـه
وأنا أشوف الظروف اللي يقـول : تـزود أتعابـي

أنـا كنـت أكرمـه بـ محبتـي وأرضـى بتقليلـه
وهو يقسى كثير .. ويرضي غروره على حسابي

( ولكنـي أحبـه ) .. لـو بـدت تطفـى قناديلـه !!
شعلت النار بالصدر وبقى .. لو شبـت ثيابـي ..

لقيتـه بعـد مـا صـك القـدر آخـر مداهيلـه
ولا ظني غلطـت بعشقـي اللـي راح وعتابـي

على ذكـراه كانـت ليلـة البـارح .. وهالليلـه
ولا أدري لو بعد طول غيابه ويـش يجرابـي !؟!

] [

حوريّة