حان الان طرح سؤال الموسم الحالي

[كان زمان]

بسم الله الرحمن الرحيم

اخواتي الاعضاءات < كح كح
اخواني الاعضاء
السلام عليكم ورحمة الله وبركاته

وكالعاده وصلنا الى سؤال موسمي دائما ما يخطر في بالنا في مثل هذه الايام بالذات
سؤال لكل من يهمها الامر ودام اني قلت لكل من يهمها الامر يكون السؤال موجه لكي يا حواء

قبل السؤال بطرح عليكم نبذه مختصره جدا عن مضمون السؤال

في ايام ما قبل العيد يكثر الازدحام في الاسواق والمجمعات
ونبدء بالاستعداد التام نحن يا آدم في بداية مغامره
من اجلك يا حواء ......





سؤالي يا حواء /

كم يوم يكفي لقضاء مسلزماتك من السوق في هذه الايام ؟؟

وماهو رأيك في من تذهب الى السوق وخلال ثلاثة ايام من ذهابها لم تجد ما تشتريه لتعود مرات ومرات ؟؟

ولماذا تحبين السوق وتكرفين آدم المسكين ؟ << طاحت الدمعه


أتمنى مشاركة آدم في التعليق على هذا الموضوع




تحياتي لمن دمر حياتي

 

 

[عيوني حزينه]

[align=center]سؤال موسمي جميل ..


كم يوم يكفي لقضاء مستلزماتك من السوق في هذه الايام ؟؟

ممكن يكفيها ساعتين ووممكن يكفيها يومين ..

وممكن تلاقيها طول اليوم بالسوق ..وممكن تكون ماتنزل السوق إلا للضرورة القصوى ..

المسألة متعلقة بالفتاة نفسها هي ومدى إهتماماتها ..


وماهو رأيك في من تذهب الى السوق وخلال ثلاثة ايام من ذهابها لم تجد ما تشتريه لتعود مرات ومرات ؟؟

مو مشكلة لو صارت مرة أو مرتين لأنها ممكن تكون ماحصلت الشئ اللي تريدة بس المشكلة لو كانت دايماً ،،

هذة شخصية مترددة ماتقدر تاخذ قرار ..


ولماذا تحبين السوق وتكرفين آدم المسكين ؟

عناد فيك ياآدم أحب أكرفك


/

::

/

تحياتي ..[/align]

 

 

[●¦[ بـטּـت ـإلـטּـور ]¦●]

والله سؤال خطير

كم يوم يكفي لقضاء مستلزماتك من السوق في هذه الايام ؟؟
يوم واحد بس اذا مالقيت اللي ابغاه كم يوم


وماهو رأيك في من تذهب الى السوق وخلال ثلاثة ايام من ذهابها لم تجد ما تشتريه لتعود مرات ومرات ؟؟
بصراحه ما اقدر احكم يمكن مالقيت الشي اللي يناسبها واذا ما لقيت الله يعين رجولها بس


ولماذا تحبين السوق وتكرفين آدم المسكين ؟
لان السوق فيه اشياء تجنن هههههههه
بصراحه من جد مساكين لانكم ما تستفيدون شي غير روح تعال ود وجيب بس



تحياتي....

 

 

[kitty]

سوال حلوووو

واتعاطف مع دمعتك المسكينه التي سقطت استسلاما امام عناد حواء لتأخذها الى السوق

هع هع

كم يوم يكفي لقضاء مسلزماتك من السوق في هذه الايام ؟؟

هالايام مارحت ولا مره لانه خلصت اغراضي من شعبان يعني مريحه مخي>> سريعة البنت ماعندها وقت

وماهو رأيك في من تذهب الى السوق وخلال ثلاثة ايام من ذهابها لم تجد ما تشتريه لتعود مرات ومرات ؟؟

عادي جدا تصير كثير يعني حسب البنت وذوقها والشي الي تبغاه والاهم حسب البضاعه الموجوده

ولماذا تحبين السوق وتكرفين آدم المسكين ؟

انا ما احب السوق كثير بس احب اتمشى احيانا يعني مو لازم اشتري

وبعدين شو وظيفته ادم غير انه يلبي طلبات حواء

خخخخ


تحياتي

 

 

[.•°القـيـصـر°•.]

حارق دمهم

هلا وغلا فيك

شوف البليد والبارد واللي باله طويل

هو المرغوب فيه انه يلبي طلبات حواء

اذا تبي تروح لسوق خاصه اذا جيت أنت والعائله

هو ماعليك غير ان تكون بارد الاحساس حط في بالك من اول شي ثلاث او اربع ساعات

فرفره من دون فائده

بانسبه لي اذا رحت لسوق ورجعت من غير فائده يعني بس متروني في الاسواق وبس

اليوم الثاني يروح اخوي الثاني وهكذا حتى نخلص

بس في اوقات رهيبه لو انها صعبه

مثال الايام هذي رح الصباح وانت صائم والله احسن لك

ليه ماراح تحصل غير العجز ولا في زحمه وتقدر تكاسر وتتغلى على كيفك

بس نصيحه قبل تدخل السوق اذا انت ناوي تنزل معهم

عطهم اوامر


الاول عدم التفرق في السوق

يعني مو وحده تروح يمين والثانيه يسار

ترى اخرتها رح تدرعم ورى عائله ماهم اهلك ويمكن تدق حنك معها
وهي خائفه واخوه يضحك يعرف انك غلاطان وهي من الخوف ساكته <<<ترى ماصارت معي


ثاني شي والاهم قلهم مو تاخذون شي وبكره تقلون قصير طويل ماعجبني

ترى اللي يطلع من السوق ماراح يرجع

هذا والله يعينا عليهم من لهن غيرنا ومن لنا غيرهم

 

 

[المنال الصعب]

سؤال جاء بوقته
كم يوم يكفي لقضاء مسلزماتك من السوق في هذه الايام ؟؟
على حسب السوق اذا كانت بضاعتهم حلوه خلصنا بسرعه والعكس صحيح
وماهو رأيك في من تذهب الى السوق وخلال ثلاثة ايام من ذهابها لم تجد ما تشتريه لتعود مرات ومرات ؟؟
ياكثر ماتصير والله ماالومها وخاصه الحين عيد وزواجات ومدارس<<<لازم نرجع كذا مره
ولماذا تحبين السوق وتكرفين آدم المسكين ؟
السوق ماينمل منه كل يوم فيه شي جديد

وبالنسبه لادم نكرف له طول النهار خلنا نكرفه كم ساعه

 

 

[¬» • رذآذ المطر !]

[align=center]


سؤالي يا حواء /

كم يوم يكفي لقضاء مسلزماتك من السوق في هذه الايام ؟؟


ع حسب ،لازم الف السوق واعرف شنو نوع البضاعه واخر موديلاتها وبعدها أختار الى يناسب


وماهو رأيك في من تذهب الى السوق وخلال ثلاثة ايام من ذهابها لم تجد ما تشتريه لتعود مرات ومرات ؟؟


ممكن ظروف خاصه بها........

ولماذا تحبين السوق وتكرفين آدم المسكين ؟ << طاحت الدمعه


[/align]




[align=center]تقبل مروري




رذااااذ[/align]

 

 

[الجآزي]

[align=center]كم يوم يكفي لقضاء مسلزماتك من السوق في هذه الايام ؟؟

ممكن اسبوع,,على حسب السوق,,مع اني دائما احب البسيط بس نادرا ماالقى اللي ابيه

وماهو رأيك في من تذهب الى السوق وخلال ثلاثة ايام من ذهابها لم تجد ما تشتريه لتعود مرات ومرات ؟؟

عادي,,لانه من السؤال ماوجدت اللي تلبسه للعيد,,ويمكن ذوق البنت يكون صعب

ولماذا تحبين السوق وتكرفين آدم المسكين ؟ << طاحت الدمعه
عني انا مااحب السوق ولااشوف اني اكرف آدم,,واذا كنت اكرفه فهذا من حقي
يعني اذا ماكان يوديني ويجيبني من اللي راح يقوم بها الشئ بداله!!!


يعطيك العافيه على هالسؤال
احترامي لك,,,[/align]

 

 

[●{ذبحني غلآه ~]

كم يوم يكفي لقضاء مسلزماتك من السوق في هذه الايام ؟؟

تقريبآ يومين وبالكثيـــر أسبوع...


وماهو رأيك في من تذهب الى السوق وخلال ثلاثة ايام من ذهابها لم تجد ما تشتريه لتعود مرات ومرات ؟؟

هذا طبعآ راجع للبنت نفسها يمكن ذوقها صعب ومايعجبها أي شي


ولماذا تحبين السوق وتكرفين آدم المسكين ؟ << طاحت الدمعه

أنا عن نفسي ما احب أكرف آدم بلعكس

وليش احب السوق ؟ <<مالقيت جوآب


يعطيك العافيه ع الموضوع

//

تحياتي