ياعين كم عيناً بكـت قبـل تبكيـن

[شيخ نفسه]

ياعين كم عيناً بكـت قبـل تبكيـن
مار البكى ياعيـن مـا رد غالـي
وش فادبه دمع اليتامى المحازيـن
بعد اصبحوا من عقب أبوهم همالي
وأظن لو كان البكى يقتضي ديـن
كان أخلصو به في رقاب الرجالي
مار البكى شر ومضره على العين
لامنه لامكسـب ولا راس مالـي
وأن كان حنيتي على مـن تحبيـن
ماواجبـك تبكيـن عـدة ليـالـي
وأهل الهوى يبكون حيناً بعد حيـن
أليا درو ما عـاد للصبـر تالـي
و أهل الهوى وأهل المحبه مساكين
مايسلمون امن الصبـا والعوالـي
كم واحداً سقى غروس البساتيـن
وأتلا زمانه شد عنهـا الرحالـي
خلا جناها بعد تعب أربـع سنيـن
وأقفوبها أهل القرش وأهل الريالي
وأنا تعبت وبعـت تعبـي بفلسيـن
أتعبت نفسي فيـه وأخـذه بدالـي
وما حوش الصاحي خذوه المجانين
وما تعيت اليمنى خذتـه الشمالـي
ويالله ياعالـم بـسـد المغبـيـن
ياواحداً تدري عن اللـي جرالـي
طالبك تغفر عن خطا كامل الزيـن
اللي على شرع المحبـه صفالـي
حتى قطع حبل الوصل بيننا بيـن
اللي سعوبـه قاطعيـن الحبالـي
وحنا علـى عهـداً بنينـاه باقيـن
باقين لو طالـت عليـه المهالـي
وأن جار الوقت منحـن براضيـن
لاني براضي له ولاهو رضالـي
وكم سار فالدنيا من الزين والشين
وكم كاس مر ويعقبه كاس حالـي

الصور المرفقة 773761602.jpg‏ (42.2 كيلوبايت)