من هى بهيّة ... ؟؟؟

[شيخ نفسه]

..

..

--------------------------------------------------------------------------------
الوِسِيّة

الوسية ... وكله علشان خاطر بهية ... !!!!

اجتمع شوية من الناس اللى هِيّه
من اللى هارونا وطنية وديمقراطية
وقالوا ما تيجى نخلى البلد ... وسية
بعد الريّس ... يورثها إبنه ذو الطلعة البهية
قال قائلهم يا عينى عليكى يا بلد يا مَهْرِيّة
تسعة وعشرين سنة حُكْم ... وربنا يسترعلى البقية
قام زغده اللى جانبه وقاله يا ابن المفترية
مش كفاية انهم بيشمّوا الهوا والناس أهى متهنية
تنحْنح الريّس وقال بكل نشاط و حيوية
أنا نَفَسِى طويل وقاعد .... مادام فى العمر بقية
أشيرو علىّ بحل يخلّى البلد كلها تحت رِجْلَيَّه
حل يدوم وأهو كله علشان خاطر بهية
قال القائل بعد لحظات متأنية .. هى مين بهية ... ؟
قصدى ياريَّّس عليك بالحلول الدستورية
تعدل الدستور بشوية تعديلات من اللى هِيّه
يبقى الشعب عبيدك وانت متربع فى التّكِيّة
قال الريس .... عفارم عليك يا ابن المؤذية
وأهو ينوبك من الحب جانب وترضى عنك بهية
بابا .. معمول حسابى فى الطبخة دِيّة ... ؟
يا ابنى دى طبختك والبلد ليك تاكلها زى المهلبية
طيِّب والمعارضة وحقوق الانسانية
يا بنى دول شويه كَلَمَنْجية
الرَّكْ كله على العالم الإخوانجية
بس نعمل عليهم ضربة استباقية
غسيل أموال و افكار على النظام انقلابية
خبطة واتنين لحد ما الشعب ياكل الطبخة دِيّة
وكله بعد كده قانونى وسَلّمْلى على الدستورية
واللى ها يتكلم تانى على المحكمة العسكرية
وما تخفش ... الانتخابات لصالحك مِنتهية
ولا إشراف قضائى ولا حاجة وحشة من دِيّة
وأهو كله عشان خاطر مصر الأبيّة
وبرضه علشان خاطر...... بَهِيّة
ممكن حد يقولى مين يا ترى بهية ... ؟؟؟؟؟؟ ..
..

..

..
http://www.el-wasat.com/details.php?id=55554585 جريدة الوسط
..
http://www.youtube.com/watch?v=dHa8zGbdN-E&NR=1 والضحى
http://www.youtube.com/watch?v=QQX2YjcSpRY&NR=1 والفجر
http://www.youtube.com/watch?v=NmL21g0mgQI&NR=1 ثم استوى على العرش
http://www.youtube.com/watch?v=nYr74ZSeGR8&NR=1
سورة الفرقان للقارىء كريم
..