لو إن غيري معاك يسوي سواتي

[شيخ نفسه]

قصيده في اعتقادي أن الجمال فيها واضح ومرضي لكل محبي الشعر
أجاد شاعرها في حبك أبياتها والعزف على أوتار الحروف ليخرج لنا بهذه القصيده السلسه اللتي لا يصعب على المتلقي فهمها لينطلق معها إلى حيث يشاء الشاعر
أتمنى ان تحوز على رضاكم وتنال استحسانكم واعجابكم

أترككم مع القصيدهـ








لا يطـوّل سكوتـك ولا يطـوّل سكـاتـي
تـرى الـدعـاوي بسيـطـه لا تكبّـرهـا

خلـك علـى خبـري , وظنـي , وهقـواتـي
خابرنـي الضيـق , والضيقـات خابـرهـا

وسّـع لـي البـال يـا سيّـد طموحـاتـي
ولا تغيّـر النظـره اللـي كنـت تنظرهـا

تقول : حـب البشـر طـوّق مساراتـي ؟
أبـك انـت حبـك مساراتـي يسيّرهـا !!

ان غبـت عانـت عيونـي مـن معاناتـي
وذكـرك يصبّرنـي وطيـفـك يصبّـرهـا

لا يـا بعـد شهرتـي واعظـم نجاحـاتـي
وكل القصايد مـن ابسطهـا ليـا اشهرهـا

ولا يـا بعـد مـن يــدوّر لانكسـاراتـي
شعّارٍ سبب وجـودي ضيّـق خاطرهـا !!

أنت اجمـل اللـي تسجـل فـي سجلاتـي
ان جيت : وين البشر ؟ وان رحت : مكثرها

يـا اوّل وآخـر قصيـدي وآروّع ابياتـي . .
محـدٍ يحـب القصايـد كثـر شاعرهـا !!

مـا فـاق حبـي لـك الا حبـي لـذاتـي . !
يعنـي احبـك محـبّـه ، مــا اتصـوّرهـا . ؟

يا اصدق من النشـوه اللـي فـي بداياتـي ،،
لا قلت لي كـم بيـت .. وقالـوا انشرهـا

واغلى مـن الدمعـه اللـي كـل صدماتـي
تطلـب يدييهـا !! واحجّرهـا ولا انثرهـا

وآحـن منـي علـيّ ان شفـت زلاّتــي
القـاك بررتهـا لـو صـعـب ابـررهـا

واطهـر حكايـة محبّـه فــي حكايـاتـي
مـن قبـل لا اعيشهـا حسّيتـك اطهرهـا

لا تلومنـي لا بديـت آخــاف وآحـاتـي
كـل حاجـةٍ غاليـه مـا ودّي اخسـرهـا

ولا تضـايـق لـيـا كـثّـرت جـيّـاتـي
ضيّعـت فيـك السنيـن وجيـت ادوّرهـا

تـعـال رتبـنـي ،، ورتــب حسـابـاتـي
او تدري شلـون . . ؟ رتبنـي و بعثرهـا !!

مو مشكلـه لـو تصيـر اطّـول مسافاتـي
المشكلـه لابـديـت احـسّـك اقصـرهـا

اكبـر عيوبـي : بديتـك مـن نهايـاتـي
واكبر عيوبك : لقيـت اوّلـك بآخرهـا !!

يـا مكتشـف عالمـي واقـدم حضاراتـي
حـرام كسـر الخواطـر بيـدين جابرهـا ؟!

مـدام تقـدر علـى اللـي فـوق قدراتـي
لا تذخـر الفزعـه اللـي قلـت ذاخـرهـا . .

رجعنـي لوقـتـي او رجعـلـي اوقـاتـي
عاميـن تنطرنـي .. وعاميـن ناطـرهـا

وتقـبـل الــود والشـكـر وتحيـاتـي
يـا ساكـن الـروح والـروح ومشاعرهـا

وروّق وركّـز وحـاول تفـهـم الآتــي :
فكـره تـأكـد قلـيـل الـلـي يفكـرهـا

لـو ان غيـري معـاك يسـوي سواتـي
قلت : انت نعمه وهـو عاجـز يقدّرهـا !!




م , ح , م , د , , , , ج , ا , ر , ا , ل , ل , هـ



ولكم أجمل تحيه