الجريمه ’,؛

[شيخ نفسه]

بسـألك : عن شيّ ما اظنّه يهم ..
بس مهم إنك تجاوب بالصوابـ ..

الدليل إن كان عندك منعدم ..
للجريمة صرت صاحب لارتكابـ ..

وأنت عارف للجريمة متّهم ..
ومشكلة ما شفت دم ٍعالثياب ..

معترفـلي : بالخيانة والألم ..
يعني الحين الصور ماهي سرابـ ..

بسّ انا مو مقتنع ما شفت دم .. !!
كيف تطعن دون ما صدري يصابـ ..

كيفـ احبك وأنت قاتل ؟! / (منصدم)
ليه أسأل دام عندي له جوابـ ؟! ..

ليه حبك في عيوني مـَ انهدم ..
رغم جرحي ذاقـ منّك نابـ / نابـ ..

ليه أقول انك بريء ومنظلم ..
ليه أكذب ليه ؟! ما ودي أهابـ .. !!

ليه لا قلت الفراق آشوف هم .. ؟!
وأنت أصلاً من عرفتك في غيابـ ..

ليه مـَ قدر ليه حبي مـ انكتم ؟! ..
ليت قبل اليوم كنت اسكن ترابـ ..

كان ودي قبل هذا !! كنت اصم ..
وكانت اعيوني ضريرة بالعذابـ .. !!

للأسف أصدرت ضدّي هالحكم ..
سقتني " لإعدام " في عمْر الشبابـ ..

كنت أبي أعذر طعونك وانكرم ..
كنت أفتح وأنت تقفل بابـ / بابـ ..

أعتذرلك هاك ,, سلّم واستلم ..
هاك خنجر ساكن اظلوعي وذابـ ..


كان في ظهري مثل راية علم ..
وهات قلبي بتركه لأكل الذيابـ ..

توّني ألقى ,, دليل ٍ ينفهم ..
خنجرك وسط الظهر منّه مصابـ ..

والشعور الي تركته لك خدم ..
إمتلكني لين ما شفت الصوابـ ..

واعترافك كان بارز بالقمم ..
غفلتي كانت سبب كانت حجابـ ..

"الجريمة" أنت فاعلها / قسم ..
وانتهى وقت الملامه والعتابـ ..

بتركك يا شيّ ما اظنّه مهم ..
واشكرك فسّرت مضمون الكتابـ ..

الحكم بنفيك , مع رفع القلم ..
والحساب ايكون في يوم الحسابـ